Спорт
Челзи- Барселона 0-0
Се одигра и првиот дуел од полуфиналето од Лигата на шампионите, каде фудбалерите на Барселона неуспеееа да го совладаат составот на Челзи од Лондон.
Холанѓанецот Гус Хидинк по прв пат во тренерската кариера успеа да предводи екипа против Барселона на нејзин терен и да остане непоразен. Одличните 0:0 на “Ноу Камп” за стратегот на Челзи се повеќе од поволен исход, што и самиот признава.”Задоволни сме од резултатот. Доволно е да погледнете што се Барселона оствари во последно време и по нерешениот исход на теренот на еден така одличен тим морате да бидете задоволни” – изјавил стратегот на Челзи, додавајќи дека не мисли дека ќе биде лесно на реваншот: “Ние на овој меч успеавме тактички да го неутрализираме Меси, благодарение на Босингва и со помошта која му ја пружаше Малуда. Но, Меси можете да го запрете еднаш, но не сум баш сигурен дека тоа е можно да се стори два пати”.Стратегот на Барселона, Пепе Гвардиола, кој како играч го освои трофејот наменет за клупски шампион на Европа 1992 и 1994 година, немаше премногу пофални зборови на сметка на Челзи кој одигра 0:0 на “Ноу Камп” во првиот полуфинален меч во Лигата на Шампионите.”Тешко е да се игра против тимот кој не сака да игра фудбал. Во овој натпревар Челзи се бранеше со пет дефанзивци и топката, кога станува збор за нив, одеше од Чех до Дрогба и тоа беше тоа. Резултатот е реален, иако некои работи не ми се јасни како еднаквиот број на жолти картони а моите фудбалери направија се на се седум прекршоци, притоа беа 20 пати фаулирани. Се надевам дека надлежните за судењето внимателно ќе ја прегледаат снимката, бидејќи не ми е јасно како е можно да се случи скандалозна ситуација и Балак да мине без втор жолт картон по прекршокот на Иниеста на работ на казнениот простор” – изјавил Гвардиола, изразувајќи надеж во поволен исход од реваншот на “Стемфорд Бриџ”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Капитенот на Реал го напушта клубот на крајот од сезоната
На капитенот на Реал, Начо Фернандез (34) му истекува договорот на крајот од сезоната. „Марка“ објави дека Начо го известил Флорентино Перез дека нема да потпише нов договор туку дека ќе го напушти клубот по истекот на постоечкиот.
Начо оваа сезона забележа 36 настапи и главно беше стартер, акумулирајќи 2497 минути на теренот. Сепак, тоа се должи на повредите на Давид Алаба, Едер Милитао и Антонио Ридигер.
Анчелоти претходно изјави дека случајот на Начо е идентичен со оној на Лука Модриќ и Тони Крос. Поточно, тој му порачал дека доколку како клупска легенда сака да потпише нов договор и да остане во Реал, може да го стори тоа. Очигледно тој решил поинаку.
Начо целата своја кариера е во Реал, со клубот освои 24 трофеи и одигра вкупно 348 натпревари, на кои постигна 16 гола, иако никогаш не беше прво име на одбраната.
Начо има 24 настапи и за шпанската репрезентација со која лани ја освои Лигата на нации. „Трансфермаркт“ неговата вредност ја проценува на пет милиони евра.
Според медиумите, Начо, кариерата ќе ја продолжи во Серија А, наводно прв фаворит за неговиот потпис е Интер.
Спорт
Пиоли ќе добие отказ, постои список со пет имиња за негов наследник
Стефано Пиоли ќе биде тренер на Милан до крајот на сезоната, по што ќе добие отказ, пишуваат италијанските медиуми. Тоа ќе биде крај на петгодишната соработка која на Милан му ја донесе првата титула во Серија А по 11 години во 2022 година. На „Сан Сиро“ веќе размислуваат кој ќе биде нов тренер, а моментално се издвојуваат пет кандидати.
Според „газета дело Спорт“, најголеми фаворити се Пауло Фонсека и Хулен Лопетеги.
Фонсека е 51-годишен Португалец кој моментално раководи со Лил, а две години работеше во Италија како тренер на Рома. Лопетеги (57) оваа сезона е без работа откако се раздели со Вулверхемптон, во минатото тој беше тренер на Реал и Севилја и селектор на Шпанија.
Како резервни опции се споменуваат Кристоф Галтиер, поранешниот тренер на ПСЖ кој сега го води катарскиот Ал-Духаил и Марсело Гаљардо, долгогодишниот тренер на Ривер Плата, кој моментално го тренира саудискиот Ал-Итихад.
Во потрагата по нов тренер се приклучи и клупскиот советник Златан Ибрахимовиќ, а „Тутоспорт“, пишува дека тој го предложил Марк ван Бомел. Ван Бомел е актуелен тренер на Антверпен, со кој беше и шампион на Белгија, а во Милан играше во сезоната 2011/12 кога му беше соиграч Ибрахимовиќ.
Спорт
(Видео) Мајами и Њу Орлеанс се пласираа во плеј-офот
Кошаркарите на Мајами Хит и Њу Орлеанс Пеликанс се последните учесници во НБА плејофот. Во првата рунда тие ќе се соочат со првите носители на нивните конференции – Хит против Бостон Селтикс, а Пеликанс против Оклахома Сити Тандер.
Хит играше и ќе игра без повредениот Џими Батлер, а најефикасен беше Тајлер Хиро со 24 поени (8-17 од поле), 10 скока и 9 асистенции. Хамес Хакез додаде 21 поен (8-16 од поле, 6ск, 6ст). Кевин Лав постигна 16 поени, а Бем Адебајо постигна 13.
На другата страна најдобри беа Демар Дерозан со 22 поени (8-16 од поле, 3с, 4на) и Никола Вучевиќ со 16 поени (7-17 од поле), 14 скока и 5 асистенции.
Пеликанс ги совладаа Кингс со 105:98, но натпреварот не беше неизвесен како што покажува резултатот, на шест и пол минути до крајот беше Пеликанс водеа со 20 поени.
Најдобар кај Њу Орлеанс, кој настапи без повредениот Зион Вилијамсон, беше Брендон Инграм со 24 поени (10-20 од поле) и по 6 скока и асистенции, додека Јонас Валанчиунас запиша 19 поени (8-16 од поле), 12 скока, 3 асистенции и 2 скока.
Кај „кралевите“ се истакна Дирон Фокс со 35 поени (12-29 од поле), 7 скока и 5 асистенции, додека Домантас Сабонис имаше 23 поени (9-14 од поле), 14 скока и 7 асистенции.