Спорт
Пандев заминува од Лацио
Италијанскиот фудбалски агент Диполито во пресрет на летниот преоден рок излезе со интересна констатација пред медиумите од Апенините поврзана со нашиот фудбалски интернационалец Горан Пандев
„Според информациите кои јас ги имам, тешко е да се каже дека Пандев ќе остане во Лацио и следната сезона. Според мене, екстремно големи се шансите да промени клуб ова лето, тој е одличен фудбалер и нормално е што размислува за преселба со оглед на тоа де за него се заинтересирани многу клубови од европа„. – изјави Виченцо Диполито.За најдобриот македонски репрезентативец Горан Пандев досега сериозен интерес пројавија минхенски Баерн и мадридски Реал, но дали ќе замине пресотанува да видиме.На почетокот од седмицава и тиражниот Газета дело Спорт објави дека управата на „Старата Дама“ во последно време ја разгледува опција да го засили својот напад со напаѓачот на Лацио, Горан Пандев. Весникот вели дека интересот на Јуве за услугите на интернационалецот од Македонија е сериозен и за реализација на ваков трансфер зелено светло дал Клаудио Раниери, а ангажаманот на Пандев дури го „одобрил“ и Марчело Липи. Секако операцијата за ангажам на Пандев нема да биде лесна бидејќи Клаудио Лотито не сака да се откаже од својот бисер. Македонскиот интернационалец има договор со Лацио до 2010 г. и плата од околу 500 илјади евра годишно. Претседателот на Лацио вети дека Пандев ќе добие нов договор според кој ќе заработува околу 1,5 милиони евра и ќе биде со трајност до 2015 г. и се очекува напаѓачот да стави потпис на договорот по крајот на оваа сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.