Спорт
Самуел Ето: Мојата иднина е во Барса
Камерунскиот интернационалец уште еднаш потврди дека не е заинтересиран за заминување од Камп Ноу и вели дека неговата иднина лежи во Барселона
Напаѓачот на каталонците има договор со клубот до 2010 и неколку клубови од Премиер лигата и Серија А пројавија интерес за неговите услуги. Сепак во пресрет на дуелот со Реал Мадрид во сабота, Ето вели деке сака победа на Ел Класико и останување во Барселона.„Мојата иднина лежи во Барселона.”, вели Ето.„Доколку не бев среќен тука, тоа веќе ќе му го кажев на претседателот. Доколку зависеше се од него, тој веќе ќе седнеше со мене на маса и ќе разговаравме за новиот договор. Но поради битката за тројната круна ќе покажам непочитување кон моите колеги доколку сега преговарам за нов договор. Сега не е моментот да се говори за висина на плата или дали ќе останам уште пет или шест години. Кога сезоната ќе заврши и се ќе помине добро, Пеп ќе ми каже дека тој е среќен со мени и дека треба да одам на разговор кај Лапорта. Ето исто така вели дека нема да се задоволи со бод од Ел Класико и вели дека неговиот тим оди на победа. На Бернабе одиме со четири бода предност, но тие се убедени дека ќе не победат и ќе ја намалат разликата на само еден бод. Но подобро да не не отпишуваат. Јас не се задоволувам со нерешен резултат на Бернабе. Победа од 1-0 е минимумот. За нас првенството нема да биде одлучено од резултатот на Бернабе, но за Реал Мадрид и тоа како е одлучувачки исходот од овој натпревар. Доколку победиме ќе им нанесеме силен удар. Сеуште имаме два натпревара на домашен терен и со помошта на фановите тешко дека ќе ја загубиме титулата.”, заврши Ето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.