Србија ја победи Шведска со 4:1, а Пкотска славеше во островското дерби против Република Ирска со 2:1, во натпреварите од Б-дивизијата во Лигата на нации. Србите против Норвешка, а Шкотите против Украија ќе решаваат околу победникот во групата и пласман во А-дивизијата.

Србите предводени од Александар Митровиќ убедливо ја поразија Шведска во Белград.

Клаисон постигна гол за Шведска во 15.минута, а потоа на сцена стапи напаѓачот на Фулам. Постигна три гола во 18., 45. и 50 минута и практично го реши победникот. Конечниот резултат го потсави Лукиќ во 70.минута.

Во Групата 4, Норвешка и Србија имаат по 10 бода, Словенија пет, а Шведска три бода. Во вторник, во Осло, Норвешка ќе ја пречека Србија, а Словенија ќе гостува во Шведска.

Шкотска ја победи Република Ирска и го задржа првото место во Групата 1.

Ирците водеа од 18.минута со голот на Иган, израмни Хнрди во 50., а победата на Шкотите им ја донесе Кристи во 81.минута од натпреварот.

Шкотска води со 12 бода, Украина има 10, Ирска има четири, а Ерменија три бода.

Украина, во вторник, ќе ја пречека Шкотска во Краков, во исто време Ерменија ќе гостува кај Република Ирска.



Швајцарија ја шокираше Шпанија среде Сарагоса, а Португалија на погон на фудбалерите од Манчестер јунајтед рутински славеше во Прага против Чешка, во Групата 2, од А-дивизијата во Лигата на нации. За првото место во оваа група, во вторник во Брага ќе се борат Португалија и Шпанија.

Шпанија по четири години загуби официјален меч на домашен терен. Швајцарија славеше над „црвената фурија“ во Сарагоса со 2:1. Триумфот на „Ла Ромареда“ е втор за Швајцарците во 25. меѓусебен натпревар со Шпанија.

Шпанците доминираа во поседот на топката, што беше очекувано, но само еднаш спеаја да го пробијат блокот на Швајцарците предводен од голманот Јан Зомер.

Аканџи во 21.минута го постигна првиот гол, израмни Џорди Алба во 55.минута, а три минути подоцна Емболо го постави конечниот резултат.



Португалија ја декласира Чешка со 4:0. Два гола постигна десниот бек Диого Дало, а по еднаш Вацлик го совладаа Бруно Фернадеш и Диого Жота.

Во пресрет на последното коло Португалија има 10 бода, Шпанија осум, Швајцарија шест, а Чешка четири.

Во вторник Португалија ќе ја пречека Шпанија, а Чешка ќе гостува во Швајцарија.



Си Џеј Меколум ја продолжил соработката со Њу Орлеанс за уште две сезони, објави новинарот Адријан Војнаровски,. Договореното продолжување тежи 64.000.000 долари, па Пеликанс го врзаа искусниот бек до летото 2026 година.

Со новиот потпис, Меколум ќе заработи 133.000.000 долари во следните четири години.

Првите осум години од кариерата МекКолум ги мина во Портланд. Блезерси го избраа како 10.пик на драфтот во 2013 година. Тој се раздели со франшизата од Орегон кон средината на минатата сезона, кога пристигна во Луизијана во пакет со Лери Ненс и Тони Снел во замена за Џош Харт, Никел Александар Вокер, Томас Саторански и Диди Лузада.

Во дресот на Пеликанс одигра 26 натпревари и имаше просек од 24,3 поени, 5,8 асистенции и 4,5 украдени топки. Меколум е еден од шесте играчи со просек од 20 или повеќе поени во секоја од последните седум сезони. Во ова друштво покрај Меколум се и Ентони Дејвис, Демар Дерозан, Леброн Џејмс, Пол Џорџ и Џејмс Харден.