Спорт
Вејн Руни: Јас можам да бидам новиот Кристијано Роналдо на Јунајтед

Вејн Руни верува дека може да ја пополни празнината во тимот која настана со заминувањето на Кристијано Роналдо
Во интервју за The Times Вејн Руни признава дека е потребно Јунајтед да ангажира нови фудбалери по заминувањето на Кристијано Роналдо во Реал Мадрид, и Карлос Тевез, кој се очекува да стави потпис на договорот со Манчестер Сити кога ќе му заврши позајмицата на Олд Трафорд во вторник.Луис Антонио Валенсија, десното крило на Виган и Карим Бензема, високо ценетиот напаѓач на Лион се верува дека се примарни цели на Сер Алекс Фергусон.Но без разлика на имињата кој Јунајтед ќе ги ангажира ова лето, Вејн Руни вели дека може да ја пополни празнината која настана доколку добива повеќе шанса како централен напаѓач.“Загубивме два клучни играчи и очигледно е дека се надевам на доаѓање на неколку фудбалери.” – рече Руни.“Кристијано Роналдо и Карлос Тевез постигнаа многу погодоци за нас изминатава сезона и таа претхдоно, но би сакал да мислам дека јас сум способен за пополнување на празнината.”“Кажав и претходно, доколку можам да играм на мојата права позиција, способен сум за тоа.”Фергусон често го упетребуваше Руни на крилната позиција особено во завршните натпревари од сезоната како и во финалето од Лигата на Шампионите.“Сакам да играм на позицијата на која се чуствувам најдобро. Многу луѓе мислат дека јас сум најдобар кога играм како централен напаѓач.”“Играњето за Манчестер Јунајтед е привилегија но мислам дека со играњето на крилната позиција не можам да ги покажам моите прави квалитети на начинот на кој посакувам.”Во дресот на Англија, каде што Руни игра на позицијата централен напаѓач, тој постигна 10 погодоци на последните седум натпревари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алонсо подготвува чистка во Реал

Чаби Алонсо закажал состанок со пет играчи за 4 август. Според тврдењата на шпанските медиуми, ќе им каже дека повеќе нема место за нив во клубот. Станува збор за Родриго, Ферланд Менди, Давид Алаба, Дани Себаљос и Ендрик.
Како што пишува „АС“, Реал е отворен за продажба на Родриго, Менди и Алаба, додека сè уште постои одредена неизвесност околу Себаљос и Ендрик. Одлуката треба да биде онесена по состанокот со Алонсо.
Најголем „проблем“ во соблекувалната наводно е Давид Алаба, кој не сака да го раскине договорот, а заработува дури 22,5 милиони евра годишно. Според извештаите, тој е еден од оние на кои Алонсо дефинитивно не смета.
Најблиску до заминување е Бразилецот Родриго. Многу европски гиганти се заинтересирани за него, а најконкретен е Арсенал.
Ова лето, Реал Мадрид се впушти во сериозна реконструкција на тимот. Одбраната беше значително зајакната со доаѓањето на Дин Хујсен, Алваро Карерас и Трент Александар-Арнолд. Пристигна и младиот напаѓач Франко Мастантуоно, додека Лука Модриќ, Лукас Васкез и стоперот Хесус Ваљехо го напуштија клубот.
Фото/ Принскрин
Спорт
(Видео) Македонски судија нападнат на кадетското Европско првенство во бокс

Извор и фото/ b92.net
Заврши Европското првенство за кадети и кадетки (ученици на возраст од 13 и 14 години), кое се одржа во Златибор, Србија.
Последниот ден го обележа инцидентот, што се случи во финалето во категоријата до 75 килограми.
Златниот медал му припадна на Виктор Мајсторовиќ од Србија, откако неговиот противник, Азербејџанецот Јусиф Агакишијев, беше дисквалификуван во втората рунда поради неспортското однесување на тренерот.
Имено, македонскиот судија Стефан Цубалевски беше физички нападнат од тренерот на азербејџанскиот боксер. Тренерот влета во рингот среде борбата и го зграпчи за вратот.
Потоа следеше давење и удирање пред целата публика и присутните малолетни деца, кои не можеа да поверуваат што гледаат.
Поради целата ситуација, борбата веднаш беше прекината, а победата му беше доделена на Виктор Мајсторовиќ.
Судијата Цубалевски потоа се смири и ја крена раката во рингот кон новиот кадетски европски шампион од Србија.
Погледнете го овој момент од 3:31:53 од приложеното видео:
Спорт
(Видео) Јокиќ емотивно ја прослави победата на својот коњ

Во Суботица се одржа познатата трка Дужијаница, едно од најпрестижните натпреварувања на српската коњичка сцена, а победата ја однесе Демон Дел’Ест, коњ во сопственост на кошаркарот на Денвер Нагетс, Никола Јокиќ.
Иако Јокиќ е познат на теренот како ладнокрвен и резервиран играч, неговата емоционална страна доаѓа до израз кога станува збор за коњите.
Откако неговиот коњ прв ја помина целта, Јокиќ заплака од среќа и лично им честиташе на џокејот Кармине Пискуољи и на тренерот Владимир Прибиќ. Тој гордо излезе на патеката за да ја прослави големата победа заедно со нив.
„Го кажав тоа одамна, ги доживеав сите мои големи победи и порази тука, во овој спорт. Сите луѓе овде со кои заедно го правиме ова се мои пријатели, мои семејни пријатели, сите тие го доживуваат ова исто како и јас. Го правиме ова како хоби, ова е прилика да се дружиме, да се забавуваме и да уживаме во животот“, рече Јокиќ.
🃏 Nikola Jokić u suzama nakon pobede na čuvenoj Dužijanci u Subotici! pic.twitter.com/2gOWM9YZj8
— Arena Sport TV (@arenasport_tv) July 27, 2025