Спорт
Кака: Имам добар почеток на сезоната како фудбалер на Реал Мадрид
Бразилскиот интернационалец, Рикардо Кака е среќен што со триумф на Купот на Конфедерации ја започна авантурата во Реал Мадрид
Кака исто така најави дека тие ќе останат смирени и 100% фокусирани на СП 2010 и покјра успехот на Купот на Конфедерации.Запрашан дали Бразил е фаворит за освојување на Светскиот Шампионат следната година Кака рече: “Па, најпрво треба да се квалификуваме. Имаме уште четири натпревари до крајот и се надевам дека ќе се квалификуваме.”“Но мораме да ја избегнеме непотребната еуфорија бидејќи по освојувањето на Купот на Конфедерации во 2005 влеговме во голема еуфорија.”“Сега мораме да останеме смирени, но кога се собираме како состав и тренираме заедно долго време, знаеме за што сме способни.”“Доколку бидеме фаворит на СП 2010 се надевам дека ќе го оправдаме тој епитет. Овде игравме многу добри и доколку истото го сториме и следната година ќе имаме добра шанса, но потребно е да работиме напорно и да продолжиме со успехот.”Кака беше избран за најдобар фудбалер на Купот на Конфедерации и ја доби Златната Топка.“Најважно е да се биде шампион. Доколку не триумфираше Бразил немаше да ја добијам оваа награда.”Запрашан за почетокот на неговата кариера во Реал Мадрид, Кака рече: “Денеска сакам само да ја прославувам победата. Ќе зборувам за мојата иднина во Реал Мадрид по вторник кога ќе бидам официјално презентиран.”“Добро ја започнав сезоната како фудбалер на Реал Мадрид со триумф во Купот на Конфедерации, и се надевам дека ќе продолжам со освојувањето на трофеи.”
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.