Спорт
Рибери навестува нов договор со Баерн
Франк Рибери навестува дека е можно да стави потпис на нов договор со екипата на Реал Мадрид.
Се чинеше дека Французинот ќе замине од Алианц Арената откако Реал Мадрид пројави силен интерес за услугите на играчот во текот на летниот трансфер период.Но Баерн остана цврсто на ставот дека Рибери не е на продажба и покрај најавите на медиумите дека Рибери следното лето, кога ќе има само уште една година од договорот со Баварците, можно е да го искористи членот 17 од правилникот на ФИФА.Но откако во Минхен пристигна Аријен Робен, и Баерн го подигна нивото на игра, Рибери повторно е среќен и навестува дека е можно да го обнови договорот со Баерн.“Клубот веќе има одредени идеи а и јас самиот имам некои идеи.” – рече Рибери.“Во фудбалот, работите често се одвиваат многу брзо. Потребен е само еден мал состанок и да се донесе одлука.”Рибери во саботата на дуелот со Борусија Дортмуд, влезе во вториот дел и постигна прекрасен погодок од слободен удар, а погодокот го прослави во прегратка со Луис ван Гал.“На почетокот не го познавав добро тренерот.”“Тој има свој начин на работа како тренер, тој е многу интелегентен и има многу искуство. На почетокот ми беше многу тешко.”“Тренерот имаше своја сопствена филозофија и мене ми беше тешко прилагодувањето.”“Ни беше потребно време да се прилагодиме еден на други и полека ја гладаме наградата од тоа трпение.”“Во Баерн се чувствувам сакан. Ме прави среќен тоа што многу важни луѓе во клубот имаат голема доверба во мене.”“Реакцијата на фановите и моето враќање исто така ме прават среќен. Тоа ми дава голема сила.”
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.