Спорт
Скотланд Јард спречила продажба на лажни билети за СП 2010

Скотланд јард во соработка со ФИФА спречила продажба на лажни билети преку интернет
Сајбер полицијата на Скотланд Јард во соработка со ФИФА успеала да спречи илјадници фудбалски навивачи да купат лажни карти преку непостоечки интернет-сајтови.Истрагата покажала дека постоеле повеќе од сто лажни интернет-сајтови ширум светот на кои се продавале карти за СП Во Јужна Африка кое треба да се одржи следната година. Сите сајтови се затворени.„Нашата работа со Скотланд јард е само уште еден пример дека преземаме сериозни мерки да го сопреме неодобреното продавање на билетите за Светското првенство. И аплаудираме на работата на Скотланд Jард, во нејзините напори да ги лови и затвори сите сајтови за продажба на нелегитимни велзници. Не можеме да прифатиме сите вистински навивачи да бидат измамени на ваков начин“ изјави Жерон Валке, генерален секретар на ФИФА. До сега единствен легален сајт за продавање на билетите за СП е тој на ФИФА. Од досега продадените билети 301.000 се продадени во Јужна Африка, 73.000 во САД, а 43.000 на англиските навивачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Девонте Греем е новиот играч на Црвена Ѕвезда

Американскиот кошаркар Девонте Греем е новиот играч на Црвена Ѕвезда од Белград, објави белградскиот клуб.
Како што беше најавено, Греем (30) потпиша едногодишен договор со Црвена Ѕвезда.
„КК Црвена Ѕвезда од Белград ја информира јавноста дека новиот играч на нашиот клуб е Девонте Греем. Американскиот комбиниран бек потпиша договор со нашиот клуб во петокот и ќе претставува огромен поттик за Црвена Ѕвезда од Белград во натпреварувачката сезона 2025/26“, објави победникот на Купот „Радивоје Кораќ“.
Греем е роден на 22 февруари 1995 година во Северна Каролина.
Фото/ КК Црвена Ѕвезда
Спорт
Ѓоковиќ станува ко-сопственик на фудбалски клуб

Српскиот тенисер Новак Ѓоковиќ ќе биде еден од инвеститорите во фудбалскиот клуб Ле Ман. Претставници на клубот одржаа конференција во петокот за да ги претстават новите финансиски партнери.
Станува збор за бразилскиот инвестициски фонд „Аутфилд“, кој ќе има малцински удел, а во проектот се вклучени, меѓу другите, Новак Ѓоковиќ, како и возачите на Формула 1 Кевин Магнусен и Фелипе Маса.
Тука е и Џорџ Франгулис, момчето на Арина Сабаленка, кој е и извршен директор на компанијата „Оукбери“, која влегува во клубот преку бразилскиот фонд.
Ле Ман игра во втората лига, Лига 2, оваа сезона, а претседателот Тиери Гомез неодамна потврди дека сака да види доаѓање на нови финансиски партнери во клубот.
Основан во 1985 година, клубот помина шест сезони во највисоката француска лига во првата деценија од 21 век, но не играл во највисоката лига од сезоната 2009/10.
Спорт
Интер на Меси му нуди договор „да игра до кога сака“

Фудбалскиот клуб Интер Мајами е во преговори со Лионел Меси за продолжување на договорот.
Доколку не се случат непредвидени настани, Аргентинецот ќе остане во Мајами. Се зборуваше за негово можно заминување со цел подобро да се подготви за Светското првенство во 2026 година, кое ќе се игра во Канада, Мексико и САД, а би било лош публицитет за Американците ако Лео одлучи да си замине кога ќе му истече договорот на крајот од годината.
Се шпекулираше дека сака да игра во посилна лига, но Интер прави сè за да го задржи, па затоа по негова волја беше доведен и Родриго де Пол од Атлетико Мадрид. Интер за овој трансфер издвои 15 милиони евра.
Покрај тоа, тие размислуваат за договор од најмалку три години, па дури и подолг доколку Лео го сака тоа. Ќе се обидат да постигнат договор според кој Аргентинецот ќе може да избере кога сака да стави крај на својата кариера, односно тоа да не е временски ограничено.
После тоа, Меси би се фокусирал повеќе на учество во управувањето со Интер Мајами, каде што има и акции, но не би било изненадувачки ако се посвети на одредени операции во Барселона.