Ѕвездата на Мемфис Гризлис, Џа Морант, може да се врати во тимот откако отслужи суспензија од осум натпревари во НБА поради мавтање со пиштол во ноќен клуб.

Се очекува Морант да биде на клупата за резерви на вечерашниот натпревар против Далас. Неговиот клуб изјави дека тој нема да игра бидејќи треба да се врати во натпреварувачка форма.

Мемфис Гризлис објави дека Морант тренирал и се подготвувал за неговото враќање, а тренерот Тејлор Џенкинс истакна дека би сакал кошаркарот да работел со тимот или барем да учествува во шутерските тренинзи пред да се врати на натпреварите.

Морант беше надвор од теренот од 4 март, кога излезе во живо на Инстаграм и покажа како мавта со пиштол во стриптиз клуб во Колорадо по натпреварот со Денвер.

Истрагата утврдила дека Морант под дејство на алкохол поседувал огнено оружје, но не било докажано дека пиштолот е негов. НБА не утврди дали Морант имал пиштол на летот од Мемфис до Денвер.

По нивната истрага, полицијата во Колорадо заклучи дека нема причина да го обвини Морант за кривично дело откако ги испита околностите на видеото.

Во изјава за „ЕСПН“ на 15 март, Морант рече дека пиштолот не е негов и дека ја презема целосната одговорност за своите постапки. Суспензијата го чинеше 669.000 долари од платата, а тој рече дека отишол на советување за време на паузата.

Мемфис е второпласирана екипа во Западната конференција со ефект од 43 победи и 27 порази.

Германскиот првак Баерн Минхен по поразот од Баер Леверкузен го загуби првото место на табелата во Бундеслигата. Сега баварскиот клуб има еден бод негатива во однос на лидерот Борусија Дортмунд. Тоа доведе и зголемена нервоза на „Алијанц арена“.

Спортскиот директор Хасан Салихамиџиќ жестоко реагирал после мечот, но и на денешниот тренинг.

„Ова не наликуваше на Баерн, туку на некој друг тим. Немаше доволно борба. Вака не треба да изгледа тим што се бори за трофеите. Вчера одигравме катастрофално, воопшто не сум задоволен“, изјави Салихамиџиќ.

Salihamidžić: “This is not what FC Bayern is all about. There was so little drive, mentality, duels. This team is so good when the mentality is there right from the start, but just as bad when they don’t show mentality and think they can do everything just with their quality.”

— Bayern & Germany (@iMiaSanMia) March 19, 2023

Најдобриот стрелец на Манчестер Јунајтед, Маркус Рашфорд, нема да игра за репрезентацијата на Англија на претстојните европски квалификации со Италија и со Украина, соопштија од клубот. Напаѓачот се здобил со повреда на вчерашниот меч против Фулам во ФА купот и ќе му требаат неколку дена за одмор.

Според „црвените ѓаволи“ тој е под знак прашалник за пресметката со Њукасл на 2 април.

Рашфорд, кој има 30 гола оваа сезона, на Светското првенство во Катар кон крајот на минатата година постигна три гола за Англија.

Поради повреди, од составот на Англија отпаднаа и играчот од средниот ред на Челси, Мејсон Маунт и голманот на Њукасл, Ник Поуп, кој ќе биде заменет со Фрејзер Форстер од Тотенхем.