Спорт
Бекам вели дека трансферот во Милан е близу

Дејвид Бекам е сигурен дека транферот во Милан ќе се реализира во јануари следната година.
Бекам во мислите е во Милано, бидејќи јавно изјави дека договорот со миланскиот клуб е речиси готов.„Договорот за мојата позајмица во Милан е речиси готов, и се надевам дека ќе се заврши следниот месец а најверојатно ќе заминам за Милано кон крајот на декември. Отсекогаш сакав да се вратам во Милан, и јасно им ставив до знаење дека ако ме сакаат повторно во нивниот тим, јас со задоволство ќе се вратам.“ изјави Бекам.Селекторот на англиската репрезентација Фабио Капело, го услови враќањето на Бекам во националниот состав, со неговата форма и натпреварите одиграни, па затоа мораше да бара друг тим каде што ќе може да игра повеќе натпревари, со цел да ја добие посакуваната форма и место во репрезентацијата. Дејвид Бекам е и свесен дека конкуренцијата за неговото место во репрезентацијата ќе биде навистина голема, но тој не е премногу загрижен.„Дали има и други фудбалери кои сакаат да влезат во тимот? Да, но има уште многу време до Мундијалот, многу натпревари за играње и уште многу од сезоната. Сите мораме да се докажување на секој тренинг ако сакаме да се најдеме во репрезентативниот состав, за секој нареден натпревар а не само за Светскиот куп.“ додаде Бекам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шкендија го дозна распоредот во Конференциската лига

УЕФА го потврди распоредот и термините за натпреварите во главната фаза во Конференциската лига. Сезонава, во имто на Шкендија, за прв пат во историјата Македонија ќе има репрезент во ова натпреварување.
Шкендија ќе одигра шест натпревари во Конференциската лига. Првиот во Мадрид против Рајо Ваљекано на 2 октомври (18.54 часот).
Потоа Шкендија ќе одигра два натпревари на домашен терен, против Шелбурн на 23 октомври и Јагиелонија на 6 ноември. Следува гостувањето на косово кај Дрита на 27 ноември, па домашниот натпревар со Слован Братислава на 11 декември.
Главната фаза Шкендија ќе ја заврши на Кипар, против АЕК во Ларнака на 18 декември.
Фото/ https://www.facebook.com/fcshkendija
Спорт
39 поени на Дончиќ недоволни, Словенија загуби од Франција

По Полска, репрезентативците на Словенија беа поразени и од Франција во второто коло од Европското првенство. Франција во еден возбудлив и неизвесен натпревар победи 103:95.
Натпреварот го одбележаа Лука Дончиќ од едната страна и Силван Франциско од другата страна, кој на крајот речиси предизвика голем инцидент. Во моментот кога ја прифати раката на Дончиќ како знак на честитка за победата, се упати кон кошот и поентираше за конечни 103:95.
Неспортски и некоректно. Сите играчи истрчаа на теренот, но за среќа беше избегната општа тепачка.
Sylvain Francisco qui score pour le point-différentiel en toute fin de match 😭😭😭😭pic.twitter.com/Dam6vVqMfN
— TrashTalk (@TrashTalk_fr) August 30, 2025
Најефикасни играчи кај Словенија беа Лука Дончиќ со 39 поени (4-10, 4-10, 19-20), со осум скока и осум асистенции, Едо Муриќ со 16, Клемен Препелиќ со 12, Мартин Крампељ со осум.
Кај Франција блескаше Франциско со 32 поени (7-7, 2-8, 12-12), Ели Окобо и Билал Кулибали постигнаа по 13 поени, и Закари Ризашер и Александар Сар уфрлија по 12 поени.
Фото/ Принтскрин
Спорт
МВП издание на Јокиќ – Србија ја победи Летонија

Србија ја победи Летонија, во дербито во А групата со 84:80. Србите го забележаа третиот триумф, Летонија има победа и два порази. Блескаше Никола Јокиќ со 39 поени.
Рекордерот на српскиот тим, Никола Јокиќ не дозволи инзненадување во Рига. Со исклучок на првите четири минути, Србија констатнтно имаше предност, најчесто од осум поени.
Србија имаше 82:75 на нецели 120 секунди до крајот, Летонците се вратија со две тројки на само минус од два поени. Во последната минута Јокиќ поентираше, Леонците промашија два напади.
Јокиќ мечот го заврши со 39 поени, 10 скока, четири асистенции и три украдени топки. За многумина најдобриот играч во светото стана рекордер на спрскиот национален тим, претходно со по 32 поени рекордери беа токму Јокиќ на ЕП во 2022 и Милош Теодосиќ на ЕП во 2009 година.
Двоцифрени кај Србија беа уште Филип Петрушев со 12 поени и Марко Гудуриќ со 11 поени и по пет скока и асистенции.
Латвија ја предводеше Давис Бертанс со 16 поени и 10 скока, додека Кристапс Порзингис додаде 14 поени и шест скока. Ломагс заврши со 13 поени, додека Куруц и Шмитс додадоа по 10 поени.
Foto/ EPA/TOMS KALNINS