Спорт
Класика во Барселона
Во пресрет на неделното дерби во Барселона, мал историјат за најдобрите дерби натпревари во Ла Примера, натпреварите со најмногу голови, но и најинтересните моменти од вечната класика во Шпанија
Во 154-те меѓусебните дуели, најмногу победи издвојувал „Кралскиот клуб“ вкупно 68 а Барселона има вкупно 60 победи. Нерешено се одиграле вкупно 30 натпревари. Барселона на „Ноу Камп“ победила 38 пати а Реал Мадрид на „Сантијаго Бернабе“ победил 39 пати. Најголемата победа Реал ја остварил во далечната 1935 година на домашен терен кога ја совладал Барселона со резултат 8:2, а најголемата победа Барселона ја оствари минатата година кога на Сантијаго Бернабе го совлада Реал Мадрид со 6:2. Најмногу голови на еден натпревар биле постигнати во 1943 година во Барселона каде конечниот резултат на натпреварот бил 5:5.Формата на Реал во изминатите 5 натпревари: 25 ноември Реал Мадрид-Цирих 1:0 (Лига на шампиони)21 ноември Реал Мадрид- Расинг Сантандер 1:0 (Ла Лига)10 ноември Реал Мадрид- Алкоркон 1:0 (Копа дел Реј)7 ноември Атлетико Мадрид- Реал Мадрид 2:3 (Ла Лига) 3 ноември Милан- Реал Мадрид 1:1 (Лига на шампиони)Формата на Барселона во изминативе 5 натпревари:24 ноември Барселона- Интер 2:0 (Лига на шампиони)21 ноември Атлетик Билбао- Барселона 1:1 (Ла лига)10 ноември Барселона- Културал леонеса 5:0 (Копа дел Реј)7 ноември Барселона- Малјорка 4:2 (Ла лига)4 ноември Рубин Казан-Барселона 0:0 (Лига на шампиони)Во прилог се најинтересните Ел Класико натпревари во изминатата декада:1. Натпреварот со „Свинската глава“23 април 2002 година првиот натпревар од полу-финалниот натпревар од Лигата на шампионите. Барселона- Реал Мадрид 0:2Само две години пред овој натпревар Луис Фиго ги напушти „Каталонците“ за да потпише со вечните ривали „Кралевите“, а на овој натпревар тој се врати по повредата. Многумина неговото преминување во тимот на Реал го сметаа за предавство со оглед на фактот дека во редовите на Барселона тој беше еден од омилените играчи на навивачите на Барселона . Во текот на целиот натпревар Фиго беше исвиркуван, плукан но и навивачите фрлаа се што ќе стигнат по него. Но најужасниот момент на натпреварот беше кога Луис Фиго отиде во корнерот за да упати шут, и во истиот момент непознат навивач фрли свинска глава кон него. 2.„Галактикосите“10 април 2005 година, Реал Мадрид-Барселона 4:2„Најголемиот момент“ на Флорентино Перез кој и ги донесе „Галактикосите“ Луис Фиго, Зинедин Зидан, Роналдо, Дејвид Бекам и Мајкл Овен на Сантијаго Бернабе. За момент галактикосите заблескаа и ја победија Барселона 4:2 во Мадрид. 3.Чудото од дете созреа10 март 2007 Барселона-Реал Мадрид 3:3Натпреварот на Ноу Камп ја донесе можеби најдобрата игра од „Чудото од дете“ и штитеник на Барселона, Лионел Меси, со огледа на фактот дека го имаше своето деби во првиот тим само две години претходно. Меси го постигна својот прв хет трик во својата кариера и на три пати го израмнуваше резултатот. 97. 823-те навивачи присутни беа во делириум. 4.Тежок пораз на „Кралевите“ среде Мадрид2 мај 2009 Реал Мадрид- Барселона 2:6Сезоната се ближеше кон крајот но „Каталонците“ се соземаа и со головите на Пујол, Пике и по двата гола на Анри и Меси успеаа да го поразат Реал на домашен терен и да ја осигураат титулата во Шпанското првенство. По само неколку недели Барселона ја освои титулата и во Лигата на шампионите со Меси повторно во главната улога.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.