Спорт
Победата на Јувентус го одбележа колото во Калчото

Торинскиот клуб Јувентус на домашен терен го победи шампионот Интер во дербито на Италија со резултат од 2:1
Јувентус победи во саботниот Дерби натпревар против Интер од италијанската Серија А со конечен резултат од 2:1. Фелипе Мело во 20-та минута погоди за водство на „бјанко- нерите“ од 1:0 по несмасната одбрана на Цезар во шеснаесетникот на Интер. Самуел Ето израмни за Интер по само 6 минути а со нерешениот резултат играчите отидоа на паузата. Трите бода во второто полувреме за Јувентус му ги донесе младиот Клаудио Маркизио во 58-та минута. Во 87-та минута Мело го доби вториот жолт и автоматски црвен картон за стартот врз Балотели.„Нашата верба и убедување променија многу. Знаеме дека Интер се одличен клуб, но победата над Интер беше многу важна. Мораме да продолжи ме вака да играме и да не го изгубиме патот, и се разбира да не заборавиме дека Милан се на бод пред нас, „изјави Маркизио.Во неделата имаше уште еден дерби натпревар, но овојпат во Рим каде што градските ривали си ги одмерија силите, но Рома ги однесе трите бода, благодарение на голот од 78-та минута од Марко Касети.Давид Пизаро беше исклучен од тимот на Рома поради двата жолти картони во рок од само две минути. Милан убедливо славеше во Милано, против Сампдорија со резултат од 3:0, благодарение на головите на Марко Бориело, Кларенс Сидорф и Алесандре Пато во првото полувреме.Фиорентина на домашен терен ја совлада Аталанта со головите од Варгас во првото и Џилардино во второто полувреме. Истиот резултат остана на натпреварот Ливорно- Киево, каде гостите од Верона беа поуспешни со головите од Ригони во првото и Бентивољио во второто полувреме.Во средината на првото полувреме Ливорно остана со 10 играчи по исклучувањето на Лукарели. Џенова и Парма ги поделија бодовите откако одиграа нерешено 2:2. Палакио погоди за водство на домаќините во 14-та минута, но Бијабијану израмни во 37-та. Истиот играч во второто полувреме зголеми за 2:1, но Паладино израмни Џенова и за конечен резултат од 2:2.Интересен натпревар со многу пресврти, голови и црвени картони се одигра во Неапол каде Наполи го совлада Бари. Барето дури во второто полувреме го отвори резултатот, а Куагриарела израмни по 5 минути за Наполи. Ранорочија го зголеми резултатот за гостите во 62-та, а Маџо и Куаргиарела ги поставија конечните 3:2. Палермо дома на Сицилија го победи Калјари со резултат 2:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тежок пораз на Вардар во Лозана, црвено-црните се елиминирани од Конференциската лига

Foto/ teraz.sk
Фудбалерите на Вардар во второто квалификациско коло го завршија настапот во Конференциската лига. Актуелниот освојувач на Купот на Македонија доживеа тежок пораз во Лозана. Швајцарскиот тим победи со 5:0 и со вкупен резултат 6:2 го елиминира Вардар.
Вардар во Лозана со исклучок на периодот од 18. до 21.минута, кога имаше шанси преку Мато и Омерагиќ, не постоеше на теренот.
Серијата голови во 16.минута ја отвори Дусен, ја продолжи Сене во 33.минута, а третиот гол во втората минута од надополнувањето на времето го постигна истиот фудбалер.
Во вториот дел Ајдини ја зголеми предноста на Лозана во 55., а точка на мечот во 84.минута стави Траоре.
Спорт
Конор Мекгрегор прогласен за виновен: Судот потврди силување и брутален напад

Конор Мекгрегор, еден од најпознатите ММА борци, претрпе пораз на суд во граѓанска парница во која Ирката Никита Хенд го обвини за силување и брутален напад во хотел на крајот од 2018 година.
Ирскиот суд едногласно ги отфрли сите пет точки од жалбата на Мекгрегор и ја потврди претходната пресуда според која тој мора да плати отштета од 248.600 евра, како и околу 1,3 милиони евра судски трошоци.
На судењето во Високиот суд во Даблин минатата година, поротата утврди дека Никита Хенд ја кажувала вистината кога опишала дека била силувана и удирана од Мекгрегор за време на приватна забава по божиќниот настан на ѕвездата на ММА.
За време на судењето, Мекгрегор се бранеше тврдејќи дека станува збор за консензуална врска и дека обвинувањата биле обид за уцена, но судот пресуди во корист на жртвата, додека сообвинетиот Џејмс Лоренс беше ослободен од одговорност за самиот напад.
Одбраната на Мекгрегор се базираше на неколку нивоа. Од обидот да се оспори употребата на неговите одговори „без коментар“ за време на полициското испрашување во судот, до тврдењата дека терминологијата во клучните прашања за поротата била непрецизна („напад“ наместо „сексуален напад“), до обидот да се допушти ново сведочење кое, според одбраната, би можело да го објасни потеклото на модринките на телото на тужителот.
Сепак, судот ги отфрли сите аргументи, наведувајќи дека ниту еден член на поротата не можел да биде заведен од формулацијата на прашањето, додека повлекувањето на барањето за нови сведоци се сметаше за индикација за слабоста на самата жалба.
Самиот Мекгрегор не беше присутен во судницата за време на изрекувањето на пресудата со која се отфрли неговата жалба. Поддржувачите на жртвата Никита Хенд се собраа пред судницата, а откако беше објавена одлуката, таа рече дека процесот бил исклучително тежок и болен и дека сега може да го започне процесот на заздравување. Таа, исто така, ги повика другите жртви да не се откажуваат и да бараат заштита и правда преку институциите.
Борецот не зборуваше во медиумите или на социјалните мрежи во врска со пресудата, додека ирската јавност го следи целиот случај низ призмата на општествената одговорност на спортските идоли и потребата од зајакнување на правата на жртвите на сексуално насилство.
Спорт
Ферстапен пресече, познато за кого ќе вози следната сезона

Четирикратниот шампион во Формула 1, Макс Ферстапен, ќе остане во Ред Бул и следната сезона.
Веќе подолго време се шпекулираше дека Холанѓанецот ќе премине во Мерцедес, но пред трката на Хунгароринг, тој ги отфрли тие гласини.
„Работата е во тоа што луѓето многу зборуваат во текот на целата сезона, а единствениот што навистина треба да зборува, a не зборува – сум јас. Секогаш било јасно, па и за следната година. Веќе разговарам со тимот за плановите за наредната сезона. Тоа значи дека останувам со тимот и следната година“, изјави Ферстапен.
Шпекулациите за премин во Мерцедес го достигнаа врвот кога беше објавено дека тој и Тото Волф биле заедно на одмор на Сардинија.
„Ако мојата јахта е до јахтата на Тото, тогаш е така. Можете да имате личен однос со некого дури и ако немате деловен“, додаде Макс.
Ферстапен минатиот викенд беше четврти на патеката Спа Франкошамп.
Сега е трет во генералниот пласман, со 81 бод помалку од водечкиот Оскар Пијастри и 65 помалку од второпласираниот Ландо Норис.