Спорт
Тројца убиени во нападот врз репрезентативците на Tого во Ангола
Фудбалската репрезентација на Того соопшти дека ќе се повлече од натпреварувњето од Купот на африканските нации откако во петоктот беше нападнат автобус на националниот тим во регион на Ангола каде се активни сепаратистички бунтовнички групи
Играчот на англиски Манчестер сити, најдобриот играч и капитен на Того, Емануел Адебајор, изјави дека репрезентацијата се повлекува од континенталното првенство. И играчот на француски Нант, Томас Досеви, за Associated Press потврдил дека репрезентативците сакаат да се повелчат од натпреварувањето.Голманот на репрезентацијата и на француски Истр, Коси Агаса за France radio изјави дека бројката на жртвите од вчера[ниот напад врз нивниот автобус се зголемил на три. Според изјавата на Агаса, покрај возачот, починал и помошникот тренер и портпарол на тимот. Резервниот голман во критична ситуација, пак, бил пренесен во Јужна Африка. Според непотврдени информации на агенциите, бекот Серж Акакпо и резервниот голман Обилале Коси биле меѓу ранетите. Остануваат нејасно колку лица се убиени во вчерашниот напад.Досега е потврдено едиснтвено дека е убиен возачот на автобусот со кој се превезувала репрезнетацијата на Того. Но, лекарот Фрејзер Ламонд за Associated Press во изајвил во саботата дека било побарано да се обезбеди воздушен транспорт за двајца тешко ранети, но утринава пред слетувањето во Кабинда, еден од пацинетите починала. Тој додал дека другиот повреден попладнево требало да биде донесен во Јоханесбург. Тој рекол дека него го информирале дека повредениот е со сериозна рана, но дека е во стабилна состојба. Тој не бил запознаен дали станува збор за играчи на репрезентацијата. Министерот за информации на Ангола, Мануел Рабле во петокот соопшти дека осум членови на репрезентацијата на Того и еден анголски државјанин биле ранети. А владата на Того потврди дека возачот кој е од анголско потекло бил убиен. Африканската фудбалска конфедерација (CAF) го осуди нападот против репрезентацијата на Того, и одржа итен состанок, а државна делегација на Ангола одржа состанок со претставниците на CAF, кои ги убедува дека е донесена одлука да се гарантира непречено одвивање на натпреварите. Државната новинска агенција Lusa, добила јавување од главната сепаратисичка група во регионот, FLEC во која таа ја презема одговорноста за нападот. Репрезентативеците велат дека напаѓачите дошле од територијата на Република Конго во Ангола, и избегале назад по нападот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.