Кошаркарот на Фенербахче, Најџел Хејс-Дејвис, ќе ја продолжи кариерата во НБА, откако ги договори деталите за едногодишна соработка со Феникс Санс.

По освојувањето на тројната круна со Фенербахче, титулата во Евролигата во 2025 година, наградата за најкорисен играч на фајналфорот, како и првенството и Купот на Турција и наградата, Хејс-Дејвис се избори за целосно загарантиран едногодишен договор со Санс, објави инсајдерот на ESPN, Шемс Чаранија.

Американецот има договор со Фенербахче до јуни 2027 година, но и клаузула дека може да замине доколку понуда од НБА.

Хејс-Дејвис доби и реши да ја прифати поканата од Феникс, а турскиот клуб како обесштетување ќе добие 900.000 евра.

Со заминувањето на Хејс-Дејвис и приходите од откупот, Фенербахче ќе го олесни буџетот за плати за околу три милиони евра.

Тој беше член на првата петорка на Евролигата две години по ред, а во сезоната 2024/2025 имаше просек од 16,7 поени, 5,3 скока и 1,7 асистенции.

Исто така, пред две сезони, тој го постави рекордот во Евролигата, против Баерн постигна 50 поени.

Откако не беше избран на НБА драфтот во 2017 година, Хејс-Дејвис играше за Лејкерси, Репторс и Кингс. Тој ја продолжи својата кариера во Европа откако се пресели во Галатасарај, а потоа играше во Жалгирис и Барселона, пред да ја освои Европа со Фенербахче.

Фудбалскиот клуб Милан, нападот ќе го засили со „деветка“ од светската класа. Серху Гираси ги договорил личните услови со Милан, сега клубовите треба да се договорат за обештетувањето.

Според италијанските медиуми, „росонерите“ испратиле официјална понуда од 70 милиони евра и сега на луѓето од Дортмунд е да одлучат дали ќе ја прифатат.

Гираси им се придружи на „милионерите“ од Штутгарт минатата година за 18 милиони евра, што значи дека Борусија би заработила три пати повеќе.

Во овој преоден рок, Милан остана без двајца играчи од нападот. Тами Ејбрахам се врати во Рома, а Лука Јовиќ како слободен играч го напушти „Сан Сиро“.

Интер го заврши својот настап на Светското клупско првенство во осминафиналето. Вчера, во Шарлот, Флуминензе го победи Интер со 2:0.

По натпреварот, најгласен во микс зоната беше капитенот Лаутаро Мартинез, чија изјава веднаш ги преплави италијанските медиуми и социјалните мрежи.

Аргентинецот ги повика поединците во соблекувалната за, како што тврди, недостаток на мотивација и желба да се борат за грбот на Интер.

„Кој сака да остане, нека остане. Кој не сака, нека си оди. Овој дрес треба да се почитува и ние мора да се бориме за цели достојни за историјата на клубот“, започна Мартинез.

Мартинез објасни дека го боли начинот на кој тимот влегол во натпреварот и рече дека некои работи што ги видел на теренот и околу него не се прифатливи.

„Мора да сакате да бидете овде. Оние кои сакаат да останат, нека останат, оние кои не сакаат, нека си одат. Видов работи што не ми се допаднаа“, рече тој, а потоа ја презеде одговорноста:

„Јас сум првиот одговорен како капитен. Им се извинувам на навивачите, уште еден пораз многу боли. Сега мора да се одмориме и да почнеме одново со целата енергија што ја имаме.“

Италијанските коментатори оценија дека речениците за „оние кои сакаат да играат за Интер“ се директна порака до раководството, или за брзо чистење на соблекувалната, или за појасно дефинирање на амбициите на тимот.

Медиумските анализи наведуваат дека Интер ја завршува оваа сезона без трофеј за прв пат од 2020 година, и дека испаѓањето во осминафиналето ќе го чини клубот десет милиони евра премии.