Натпреварот од последното коло, во Д–групата во Лигата на шампионите, помеѓу Митјиланд и Ливерпул, нема да се одигра во Данска, туку на стадионот во Дротмунд.

Натпреварот кој требаше да се одигра во Хернинг е преместен на друга локација поради епидемиолшките правила кои ги воведе Велика Британија за сите што влегуваат во земјата од Данска. Според правилата, доколку Ливерпул гостуваат во Данска, на враќање ќе треба да минат две недели во карантин.

„Митјиланд и Ливерпул се договорија натпреварот да се игра на нашиот стадион“, потврдија од Борусија Дортмунд.

Договорот на клубовите се уште го немаат потврдено од УЕФА.

Ливерпул на табелата во Д-групата води со девет поени, два повеќе од Ајакс и Аталанта, Митјиланд е на нула бодови.

Фудбалсата репрезентација на Македонија, која пред неколку недели избори пласман на Евро 2021, ја задржа 65. позиција на ранг-листата на ФИФА. Ова е претпоследната листа што ФИФА ја објави оваа година.

Македонија во ноември славеше две победи, над Грузија (1:0) и Естонија (2:1), и забележа пораз од Ерменија (0:1).

На врвот на оваа листа првите шест репрезентации – Белгија, Франција, Бразил, Англија, Португалија и Шпанија – ги задржаа своите позиции, Аргентина го скокна Уругвај, деветти е Мексико, а десетта Италија.

Мексиканците напредуваа две места, а од топ-10 испадна Хрватска.

Хрватите се најдобро пласирани од репрезентациите што произлегоа од поранешна Југославија. Србија е на 30., Босна и Херцеговина на 55., на 62. и 63. се Словенија, односно Црна Гора, а Косово е на 117. место.

Foto/bbc.co.uk

Светската фудбалска федерација (ФИФА) го објави распоредот на „шеширите“ за ждрепката, која ќе ги одреди квалификациските групи за пласман на Светското првенство. како што веќе пишувавме Македонија е во четвртиот „шешир“, што значи дека нема да може да се сретне со Босна и Херцеговина, Словенија, Албанија, Бугарија, Израел, Белорусија, Грузија и Луксембург.

Пласман на СП во Катар ќе изборат само победниците на десетте групи. Второпласираните репрезентации и двете најдобри селекции од третото издание на Лигата на нации ќе играат две бараж-рунди, по што ќе бидат познати уште три репрезентации кои ќе играат на Мундијалот.

Во Катар, од Европа ќе се пласираат 13 репрезентации.

Ждрепката ќе се изврши на 7.декември во Цирих, ќе започне во 18 часот.