Аргентинскиот репрезентативец и напаѓач на Барселона на последните три меча одиграни во период од осум денови постигна исто толку голови

Најдобриот фудбалер на светот за минатата година оваа брилијантна серија ја отвори на14-ти март против Валенсија кога ги постигна сите три гола во победата на каталонците од 3:0 а два дена подоцна постигна два гола во Лигата на шампионите против Штутгард кога Барселона победи со 4:0. а во недела на 21-ви март повторно со хет-трик придонесе во победата од 4:2 на неговиот клуб на гости кај Реал Сарагоза. Во сите натпреварувања оваа сезона постигна вкупно 34 голови и во овој момент е најдобриот стрелец во водечките европски фудбалски лиги.Вкупниот ефект од играта на Лионел Меси досега сезонава е 34 голови од 37 меча, и тоа: во шпанското првенство 24 голови на 25 мечеви, во шпанскиот куп еден гол на три меча, шпанскиот супер куп – еден меч и два гола, во Лигата на шампионите – седум мечеви и четири голови и на Светското клупско првенстов што го освои Барселона – два настапа и два погодока.  Втор на оваа голгетерска листа е најдобриот играч на Манчестер јунајтед, Вејн Руни кој сезонава даде 33 голови.Руни годинава настапи на вкупно 39 мечеви на кои постигна 33 голови. Во англиското првенство на 29 мечеви постигна 26 голови, во Лига купот имаше три меча на кои даде два гола, во Лигата на шампионите на шест меча четири пати се впиша како стрелец и во Комјунити шолдс на единствениот настап постигна погодок.