Спорт
Робен го носи Баерн поблиску до финалето

Баерн Минхен, преку одличниот Робен славеше синоќа против слабиот Лион со 1: 0 во првиот натпревар од полуфиналето во Лига на шампиони
Холанѓанецот, Робен, со удар од 25 метри, откако се ослободи од неговиот чувар во ситуација еден на еден, ја затресе мрежата на Французите. На пат кон голот, топката го почеша робеновиот соиграч, Томас Милер, токму толку за да го измами гостинскиот голман, Лорис. Баерн играше одлично, од почетк до крај на натпреварот, но сепак за нивната победа и играчите и трентот Луис ван Гал треба да му се заблагодарат на непромислената игра на противничкиот тим. Исто како што беше случајот со Рафаел да Силва во четвртфиналниот натпревар против Манчестер Јунајтед, кој со своето непотребно исклучување го предизвика заминувањето на Баерн во пполуфинале, овој пат за Баерн, најдобар потег „одигра“ играчот на Лион, Џереми Тулалан. Во само три минути од 51-та до 54-та минута, репрезентативецот заработи два жолти картони, кој од кој понаивен. На Баерн тоа му беше добредојдено затоа што играа со играч помалку откако во 37 -та минута беше исклучен Френк Рибери поради преопасен старт над Лисандро Лопез. Го нагази аргентинецот на зглобот многу непромислено, а италијанскиот судија не можеше да му прогледа низ прсти. Баерн беше подобар тим и пред исклучувањето на Рибери, по тоа, па и по исклучувањето на Тулалалн. Лион изгледаше како воопшто да не е во форма. Баерн Минхен беше воден низ играта од најдобрите играчи оваа сезона, Арјен Робен. Играчите на Лион кои патуваа 800 километри со автомобили до Минхен имаат среќна околност што натпреварот во првенството против Монако, следната недела е одложен, а Баерн игра во сабота против Борусија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Доминација на ПСЖ го испрати Брест со седум гола

Фудбалерите на Пари Сен Жермен убедливо го совладаа Брест со 7)0 во реваншот од баражот за Лигата на шампионите и со вкупен резултат 10:0 се пласира во следната фаза.
Баерн Минхен и Сити двапати успеаја да слават со идентични резултати во нокаут фазата, а сега им се приклучи и тимот од француската престолнина.
Победите од 8-0 (остварени во групната фаза) и понатаму остануваат сопственост на Реал Мадрид и Ливерпул.
Иако се очекуваше дека избраниците на Луис Енрике ќе имаат порелаксиран пристап против своите ривали од Лига 1 по победата од 3:0 на гости во првиот натпревар, тие го прикажаа спротивното.
ПСЖ напаѓаше немилосрдно, а она што можеби најмногу ќе му се допадне на шпанскиот стручњак е тоа што сите седум гола ги постигнаа различни играчи.
Баркола го постигна првиот гол, а потоа несакајќи му асистираше на Кварацхелија за единствените два гола во првите 45 минути. Витиња, Дуе, Мендес, Рамос и 18-годишната резерва Мајулу постигнаа по гол во вториот дел.
ПСЖ во следното коло ќе игра против Ливерпул или Барселона.
Пред тоа ќе се свртат кон обврските во домашното првенство, каде викендов ги очекува дербито против Олимпик Лион.
Спорт
(Видео) Реал го растури Сити, хет-трик на Мбапе

Реал Мадрид го елиминира Манчестер сити од Лигата на шампионите. Во реванпот од плејофот Реал го победи Сити со 3.1 и со вкупни 6:3 се пласира во осминафиналето.
Килијан Мбапе го постигна својот прв хет-трик во дресот на Реал во Лигата на шампионите. Францускиот репрезентативец си поигруваше со порозната одбрана на Манчестер сити.
Првиот гол го постигна во четвртата минута, кога Асенсио испрати долга топка, која патуваше речиси 60 метри, Рубен Дијаш лошо реагираше, а Мбапе го лобуваше Едерсон.
Во 33.минута ја измеша одбраната на Сити и зголеми на 2:0, а третиот гол го постигна во 61.минута по соло акција кога ја погоди „малата мрежа“.
Сити почесниот гол го постигна во судиското надополнување, Мармуш од слободен удар ја погоди гредата, а одбиената топка Нико Гонзалес ја спроведе во голот.
Тренерот на Сити, Пеп Гвардиола изненади со составот и тактиката, на клупата ги остави Халанд и Де Брујне. Се реши за исклучително висок пресинг, му остави многу празен простор на тим кој во своите редови има тројца исклучително брзи напаѓачи.
Спорт
(Видео) Ливерпул се спаси од пораз во Бирмингем, Нуњез промаши празен гол

Астон Вила и Ливерпул ремизираа 2:2 во натпревар од 29. коло на Премиер лигата. Овој натпревар се одигра предвреме поради обрските на Ливерпул во финалето на Лига купот кое ќе се одигра на 15.март.
Ливерпул влезе во мечот по турбулентниот крај на градското дерби против Евертон кога ја испушти победата во 98.минута и неубедливата партија во победата над Вулвехемптон во саботата.
Тимот на Арне Слот, во Бирмингем потврди дека не е форма во каква што беше пред еден месец.
Гостите подобро го отворија мечот, беа доминантни и поведоа преку Мохамед Салах, по големата грешка на Андрес Гарсија, но освен тоа не видовме многу од нив во првите 45 минути.
Астон Вила играше лошо и премногу резервирано се до 38.минута, кога по еден карамбол пред голот на Алисон Тилеманс постигна гол за 1:1. Во самиот финиш на првиот дел целосен шок за Ливерпул, Воткинс погоди за 2:1.
Во вториот дел видовме неколку добри шанси на двете страни и само еден гол. Голот на Александар-Арнолд на асистенција на Салах за 2:2 во 61. минута.
Вистински трагичар за Ливерпул е резервистот Дарвин Нуњез, промаши полн, празен гол, а имаше и уште неколку крајно лоши потези.
На крајот резултат кој му одговара на Арсенал кој ќе има можност да ја намали разликата во однос на водечкиот Ливерпул на пет бода.
Ливерпул останува прв со 61 бод, додека Вила е деветта со 39. Ливерпул во следното коло ќе патува кај Сити, додека Вила ќе му гостува на Челзи.