Спорт
Дефинитивно Мурињо во Реал Мадрид
Веќе е отстранет и оној минимален процент можност Португалецот да не седне на клупата на мадридсктие „кралеви“, а тој на новинарите н и навивачите на „Сантјаго Бернабеу“ каде ја освои европската круна со Интер ќе им биде претставен во понеделник
Во петок се отстранети сите дилеми дека Жозе Мурињо е новиот тренер на фудбаелрите на скапиот и во минатото трофеен Реал Мадрид. Договорот меѓу претставниците на Реал и Мурињо е постигнат, а како што јавија шпанските медиуми Интер ќе добие осум милиони евра. Тоа е половина од сумата која ја бараше претседателот на миланските „нероаѕури“ Масимо Морати, кој беше многу разочаран од одлуката на тренерот кој по 45 години на клубот му донесе европска титула, и тоа онаа највредната.Претходно раководството на Реал му врачи отказ на досегашниот тренер Мануел Пелегрини, чие заминување беше извесно и без доаѓањето на Португалецот. Тој во клубот дојде ланскиот јуни од Вијареал, но не се прослави. Иако претседателот на „кралевите“ Флорентино Перез минатото лето потроши неверојатна сума пари за доведување на ѕвездите како Кристијано Роналдо од Манчeстер jунајтед и Кака од Милан, Пелегрини не се прослави останувајќи годинава без ниеден трофеj, што на овој клуб не му се случило одамна. Во првенството беше втор зад Барселона речиси целата сезона, во Лигата на шампионите беше елиминиран од Лион а во Кралскиот шпански куп беше елиминиран од третолигашот Алоркон. Според шпанските спортски весници, Пелегрини за раскинување на договорот ќе добие 12 милиони евра отштета. Откако годинава со милански Интер сезонава ја освои тројната круна, првенството на Италија, Италијанскиот куп и на крајот Лигата на шампионите, Мурињо реши да замине за Реал Мадрид. Неговото образложение беше дека сака да стане првиот тренер кој со три различни клуба ја освоил Лигата на шамионите. Пред да стане шампион со Интер, откако на 22 мај токму во Мадрид во финалето го совлада минхенски Баерн, во 2004 г. Мурињо победи во ова најавенето клупско натпреварување со Порто.Бидејќи Мурињо во идните четири години ќе заработува 10 милиони евра по година, целиот негов трансфер ќе го чини Реал вкупно 60 милиони евра.Жозе Мурињо, пред да мине две сезони на клупата на Интер, го водеше англискиот премиерлигаш Челзи, португалските Порто, Униао де Леира и Бенфика. Во кариерата како тренер има освоено вкупно 17 трофеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Јувеентус потона на Сардинија
Фудбалерите на Каљари, приредија мало изненадување со победата над Јувентус (1:0) во 21-то коло од Серија А. Натпреварот на Сардинија, уште еднаш ги потврди констатциите на стручната јавност во Италија, дека овој тим на Јувентус нема квалитет да се бори за шампионската титула.
Натпреварот во Сардинија, во кој гостите беа подобри, но не и доволно конкретни, беше решен во 65-та минута со мајсторијата на играчот на Каљари, Лука Мацители. Тоа беше совршена акција со два потега на домашниот тим.
Голот за триумф на Каљари можете да го погледнете Овде.
Гостите, пропуштија неколку шанси, Јилдиз ја погоди стативата во самиот финиш, но резултатот остана 1:0.
Foto/ EPA
Спорт
(Видео) Чудо во Хернинг: Раул Гонзалес со Србија ја победи Германија
Србија приреди вистинска сензација со победата над Германија 30:27 (13:17), во второто коло на Европското првенство во ракомет. Избраниците на поранешниот тренер на Вардар, Раул Гонзалес, со гранитна одбрана го шокираа големиот фаворит во второто полувреме, во кое надополнија негатива од четири гола.
Германија го диктираше темпото во првото полувреме, во кое Србија држеше приклучок благодарение на голманот Дејан Милосављев. Сепак во финишот на полувремето Германците успеаја да дојдат до голема предност.
Вториот дел, може да се каже дека е мастерклас на селекторот Гонзалес. Србите ги натераа Германците на период од шест минути без постигнат гол, поведоа со гол разлика, Германците одговорија со серија 4:1.
Вистинска драма се случуваше во финишот, а особено неверојатен беше моментот кога германскиот селектор побара тајм-аут, во моментот кога Кнор постигна гол, при водство на Србија 27:26.
— OvoOno (@OvoOnoX) January 17, 2026
Тој момент како да ги поремети Германците, Зербе промаши и седмерец, а потоа Србија мирно го заклучи натпреварот.
Којадиновиќ и Воркапиќ беа најефикасни со по шест гола, заедно со Пешмалбек (5), Додиќ (4) и Вања Илиќ (3). Се истакна и Милосављев, кој го заврши натпреварот со 12 интервенции. На другата страна, одлични беа Шлуров и Ушчинс (по 6 гола), како и Кнор (5) и Зербе (4).
Во последното коло, во оваа А група, Србија ќе игра против Австрија, а Германија ќе се соочи со Шпанија.
Спорт
Флик разочаран, голем талент ја напушта Барселона
Педро „Дро“ Фернандез, 18-годишниот талент на Барселона, наскоро ќе го напушти клубот, откако ќе биде активирана откупната клаузула во износ од шест милиони евра.
Тинејџерот, кој има понуди од неколку водечки европски клубови, го информирал тренерот Ханси Флик за својата одлука, што предизвика силна реакција од германскиот стручњак, пишува „Спорт“.
Според овој извор, Флик не ја примил добро веста. Тренерот наводно бил особено вознемирен бидејќи губи играч кого го смета за клучен за иднината на клубот, кој потекнува од Ла Масија и веќе има неколку настапи под негово водство.
Со оглед на тоа што заминувањето на Фернандез се очекува во рок од неколку дена, Флик одлучил дека играчот повеќе нема да тренира со првиот тим.
Оваа одлука е донесена со цел да се избегнат евентуални повреди, но и поради ставот дека играчот повеќе не е целосно фокусиран на работата со тимот. Реакцијата на Флик е разбирлива со оглед на довербата што ја покажа во 18-годишникот.
Тренерот го сметаше Фернандез за еден од играчите на кои им обрнуваше посебно внимание, а веста за неговото заминување длабоко го погоди. Неговото разочарување беше толку големо што наводно им кажал на луѓето од неговиот близок круг дека годоживеал „најголемото разочарување во својот живот“.
Инаку „Спорт“, тврди дека Дро кариерата ќе ја продолжи во редовите на актуелниот европски првак, ПСЖ.

