Спорт
Волкот изоставен од тимот на Англија за СП
Англискиот селектор Фабио Капело го објави конечниот список на играчи кои ќе настапуваат на светското првенство, од кој изненадувачки е изоставен Тио Волкот
Напаѓачот на Арсенал е еден од седуммината прекубројни на списокот од 23 имиња, кои Фабио Капело ќе ги понесе во Јужна Африка. Покрај Тио Волкот, од тимот се изоставени и Дарен Бент, Том Хадлстон, Адам Џонсон, Скот Паркер, Мајкл Даусон и Лејтон Беинс. Капело се одлучи да им пружи шанса на поискусните Џо Кол и Шон Рајт Филипс наместо Волкот, кој на СП во 2006 г. со 17 години беше најмладиот учесник.Меѓу стативите на англискиот гол во Јужна Африка ќе стојат Роберт Грин од Вест хем, Џо Харт од Манчестер сити и Дејвид Џејмс од Портсмут.Во одбраната ќе бидат Глен Џонсон и Џејми Карахер од Ливерпул, Ешли Кол и Џон Тери од Челзи, Рио Фердинанд од Манчестер јунајтед, Ледли Кинг од Тотенхем, Метју Апсон од Вест хем и Стефен Варнок од Астон вила.Средината на теренот ќе ја покриваат Шон Рајт-Филипс и Гарет Бери од Манчестер сити, Мајкл Карик од Манчестер јунајтед, Џо Кол од Челзи, Стивен Џерард од Ливерпул, Аарон Ленон од Тотенхем и Џејмс Милнер од Астон вила.Во нападот на „Гордиот Албион“ ќе бидат Питер Крауч и Џермејн Дефо од Тотенхем, Емил Хески од Астон вила и Вејн Руни од Манчестер јунајтед. Англија и Северна Кореја се единствените нациоанлни селекции кои на мундијалот ќе настапат исклучиво со фудбалери кои настапуваат во домашното првенство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.