Спорт
Меси мечтае да игра во Барса со Руни

Напаѓачот на каталонскиот фудбалски гигант кој ја предводи аргентинската репрезентација на муднијалот во Јужна Африка изјавил дека мечтае да игра во иста екипа со напаѓачот на Манчестер јунајтед, пишува Daily Star
„Би било многу добро да се игра заедно со Руни, доколку Манчестер јунајтед некогаш одлучи да го продаде Вејн. Во тој случај јас би отишол лично кај претседателот на Барселона и би побарал да го купи Вејн Руни“, изјавил еден од најдобрите играчи н апланетава Лионел Меси. Според Аргентинецот, Руни се издвојува од другите лидери во европските и светските екипи.„На светот постојат неколку играчи кои можат да влезат во историјата на фудбалот. Тоа се Кристијано Роналдо, Руни, Чави и уште еден или двајца. Но, ниту еден од овие играчи немаат таква желба за игра како Руни. Мислам дека тој би играл фудбал и за сто евра неделно. Во неговите очи се гледа жар, тоа го прави најдобриот од најдобрите“, додал Меси.Напаѓачот на Барселона смета дека Руни има шанса да стане најскапиот играч во историјата. „Ако Манчестер јунајтед одлучи да го продаде Руни, тој ќе стане првиот играч за кого ќе бидат платени повеќе од 100 милиони евра. Со сите должната почит кон Роналдо, Руни сега има поголемо значење за Јунајтед отколку што имаше своевремено Кристиано. Тој не е само талентирани фудбалер, тој е срцето на Манчестер јунајтед.“, ја заврпува Аргентинецот својата ода за Вејн Руни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал го нуди Чуамени за Енцо Фернандез

Енцо Фернандез пристигна во Челзи на крајот на претходната година за 121 милион евра од Бенфика. Англиските медиуми пишуваат дека тој би можел да го напушти клубот во летниот преоден рок, во размена на фудбалери меѓу Челзи и Реал Мадрид.
Шпекулациите говорат дека Реал го нуди Орелиен Чуамени и пари за аргентинскиот репрезентативец, кој со националниот тим стана светски и јужноамерикански шампион.
Наводно, Реал Мадрид веќе извесно време е заинтересиран за 24-годишниот играч за врска на Челси. Фернандез има договор со Челси до јуни 2032 година.
Фернандез има пет гола и девет асистенции во 34 одиграни натпревари оваа сезона. Според информациите на англиските медиуми, Фернандез не би имал ништо против да се пресели во Мадрид.
Чуамени, кој Карло Анчелоти го користи на дефанзивниот среден ред и позициите во одбраната, е под договор со Реал до летото 2028 година.
Спорт
Омерагиќ едногласно избран за претседател на ФФМ

Извор ffm.mk
Масар Омерагиќ беше единствен кандидат и едногласно и со акламација беше избран од највисокото тело на ФФМ за претседател на Фудбалската федерација на Македонија.
Во продолжение, говорот на првиот човек на македонскиот фудбал откако ја доби довербата од делегатите на Изборното Собрание на ФФМ.
Масар Омерагиќ – претседател на ФФМ:
„Не сме овде само да зборуваме за проблемите од минатото – туку да погледнеме напред, кон новата визија и стратегија за македонскиот фудбал. Фудбалската федерација на Македонија има обврска да постави јасен правец, да создаде систем кој ќе гарантира долгорочен развој и да ја врати довербата кај сите што се дел од овој спорт.
Нашата визија е јасна: Силен, организиран и конкурентен македонски фудбал на сите нивоа.
Младински категории кои ќе бидат столбот на идните успеси;
Современа инфраструктура која ќе им овозможи на фудбалерите да напредуваат;
Федерација која работи транспарентно, професионално и во интерес на фудбалот;
Работиме на нова генерална стратегија: План за иднината!
Без силни млади категории, нема иднина. Ќе вложуваме во подобри услови за тренинг, селекција на таленти и едукација на тренери. Нашата цел е да создадеме млади фудбалери кои повторно ќе бидат конкурентни во европските квалификации.
Во таа насока, една од битните работи е создавањето на скаутинг систем во рамки на нашата федерација кои ќе има единствена цел – македонските таленти од странство да имаат еден избор – дресот на Македонија.
Подобрување на инфраструктурата
Фудбалот не може да напредува без квалитетни терени. Ќе инвестирамево изградба и модернизација на терените ширум Македонија и тренинг-центри, со реални проекти и јасна финансиска стратегија.
Финансиска стабилност и транспарентност
Секој денар во федерацијата ќе биде инвестиран во вистински проекти. Заврши времето на непродуктивно трошење – парите ќе одат таму каде што се најпотребни. На оваа позиција доаѓам како поранешен фудбалер и успешен бизнисмен, фудбалот доволно ми има дадено, време е да му вратиме за добро на сите.
Поддршка за клубовите
Клубовите се крвотокот на фудбалот. Новата стратегија предвидува конкретни програми за финансиска и стручна помош, за да им помогнеме да растат и напредуваат. Да бидат конкурентни во Европските натпреварувања или барем на повисоко ниво од тоа што денеска го имаме.
Унапредување на меѓучовечките односи и професионализација
Федерацијата мора да биде модел на професионалност, транспарентност и ефикасност. Ќе градиме култура на соработка, почит и јасни одговорности.
Фудбалската федерација ќе обезбеди целосна логистичка, стручна и финансиска поддршка за двете најважни селекции – А репрезентацијата и репрезентацијата до 21 година. Впрочем, за нас ќе бидат важни селекциите од најмала возраст до најдобрата репрезентација.
А репрезентацијата е лицето на македонскиот фудбал, нашиот најголем амбасадор на меѓународната сцена. Ќе направиме сè за да имаат најдобри услови за подготовкии поддршка за големи натпреварувања.
Селекцијата до 21 година е нашата иднина – тие се играчите што ќе ја предводат А репрезентацијата во годините што доаѓаат.
Затоа, ќе вложуваме во нивниот развој, ќе им обезбедиме врвни услови за тренинг, подобра координација со клубовите и можности за меѓународни искуства.
Многу важен дел од новата Стратегија ќе биде целосната реформа во структурата на Општинските фудбалски Сојузи и реформа на организациската структура на Фудбалската федерација на Македонија.
Оваа исклучително битна реформа во Општинските фудбалски Сојузи ќе ја работиме во соработка и целосен мониторинг на УЕФА. Со проверка на легитимитет на клубовите кои настапуваат во Општинските фудбалски Сојузи ќе го утврдиме и легитимитетот на самите Општински Сојузи. Мораме да имаме јасна слика за тоа кои клубови учествуваат во организираниот систем на Општинските Сојузи, а потоа и во натпреварување на ФФМ.
Ова не е само моја визија – ова е наша заедничка мисија. Само со чесна работа и со јасен план, можеме да го издигнеме македонскиот фудбал на ниво кое сите го посакуваме.
Време е за нов почеток. Време е за резултати.
Одиме напред – за македонскиот фудбал“!
На собранието беше избран и Управниот одборна фудбалската федерација на Македонија кој ќе брои четиринаесет лица.
Во следните четири години членови на Управниот одбор на фудбалската федерација на Македонија ќе бидат: Златко Талевски, Светозар Станковски, Берат Исмаили, Сашко Тасев, Игор Франговски, Станко Манчевски, Добре Иванов, Борче Лазаревски, Абдула Сакипи, Марјанчо Стојковски, Горан Гаврилов, Ѓорѓи Угриновски, Џевад Ибрани и Димитар Џонов.
Спорт
Пропаѓа патека во Формула 1 вредна 350 милиони евра

Формула 1 последните години години се наоѓа во подем. Речиси сите трки се распродадени, а интересот е неверојатен.
Сепак, има една патека во најбрзиот караван што чинеше многу, а сега е празна и пропаѓа.
Изградбата Кореја интернешенал чинеше „скромни“ 350 милиони евра. На оваа патека се одржаа четири трки од шампионатот во Формула 1 Последниот пат се возеше во 2013 година.
Во 2010 година победи Фернандо Алонсо, а потоа три побреди забележа Себастијан Фетел.
Се очекуваше патеката да донесе големи придобивки за Јужна Кореја. Имаше 120 илјади седишта. Сепак, ниту еднаш во четири години не беше полна.
Многумина сметаат дека проблем бил и фактот што е оддалечена 317 километри од Сеул.
Шампионатот во Формула 1 започнува со Големата награда на Австралија. Трката се вози утре од 5 часот по средноевропско време. Од пол-позицијата ќе стартува возачот на Мекларен, Ландо Норис.