Спорт
Автоголот на Мело му е припишан на Снајдер

Меѓународната фудбалска федерација (ФИФА) донесе одлука првиот гол на Холандија на мечот против Бразил да му го впише на Весли Снајдер, иако првично беше запишан како автогол на Фелипе Мело
Ваквата одлука ФИФА ја донесе по деталните анализи, кои утврдиле дека стрелец на голот треба да биде Весли Снајдер, кој воедно го постигна и вториот гол против Бразил.Со овие два погодоци Снајдер има вкупно четири и се искачи на делба на второто место на листата на стрелци со Гонзало Игуаин, Роберт Витек, Томас Милер и Мирослав Клосе.Снајдер веќе на полуфиналниот натпревар против Уругвај ќе има можност да напредува на листата на стрелци. На чело на листата на стрелците со пет постигнати голови се издвои Шпанецот Давид Виља.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пет Рајли ќе добие статуа пред арената на Лејкерси

Легендарниот тренер на Лос Анџелес Лејкерс, Пет Рајли, ќе добие статуа пред „Крипто Ком Арена“, поранешниот „Стејплс Центар“, од 22 февруари.
Лејкерс ќе му оддадат почит на Рајли во натпреварот против најголемиот ривал Бостон. Статуата на Рајли ќе стои до статуите на големите легенди на франшизата Карим Абдул-Џабар, Меџик Џонсон и Коби Брајант.
Тој ги тренираше Лејкерс од 1981 до 1990 година, период наречен „шоутајм“ и освои четири титули.
Лејкерс со Пет Рајли победија 73 отсто од натпреварите, а тој победи на дури 102 натпревари како тренер во плејофот. Тој беше играч на Лејкерс од 1970 до 1975 година. Рајли ги тренираше и Никс и Мајами Хит. Тој ја освои титулата со Мајами во 2006 година, а сега е претседател на оваа франшиза.
Спорт
Додека трае сагата со Исак, Њукасл го заврши трансферот на Виса

Додека трае сагата со Александер Исак, Њукасл работи на трансферот на Јоан Виса од Брентфорд.
Александар Исак сака да си замине по секоја цена. Затоа не тренира со тимот и нема да биде во протоколот за натпреварот против Астон Вила на почетокот од Премиер лигата.
Првиот стрелец на тимот е голема желба на Ливерпул, но клубовите се далеку од постигнување договор.
Затоа Њукасл се сврте кон други решенија и се чини дека пронајдоа замена во Брентфорд. Јоан Виса наскоро треба да го засили тимот што ќе игра во Лигата на шампионите оваа година.
Виса доаѓа по одлична сезпна во Бранфорд. Репрезентативецот на Конго постигна 19 гола на 35 натпревари во сезоната 2024/25 и заедно со Мбеумо, кој се пресели во Манчестер јунајтед е најзаслужен за добрите резултати на Брентфорд.
Се очекува трансферот да биде комплетиран во следните неколку дена бидејќи Виса, како и Исак, по секоја цена сака да го смени клубот.
Спорт
(Видео) Спектакуларен гол го елиминира Партизан од Конференциската лига, испадна и Хајдук

Регионалните великани Партизан и Хајдук од Сплит не успеаја да ја минат третата рунда во квалификациите за пласман во главната фаза во Конференциската лига. Партизан испадна од Хибернијан, а Хајдук од Динамо Тирана.
Двата тима испаднаа по продолженијата, откако во раната фаза на второто полувреме останаа со играч помалку.
Во Единбург, Партизан во 90.минути победи со 3:1, го изедначи резултатот во вкупниот скор со голот на Костиќ во 95.минута. Надежите на црно-белите ги урна Каден во 100.минута.
Мечот го обележа спектакуларниот гол на Боуви во 60.минута, кога во тој момент ја намали предноста на гостите на 1:2.
Хајдук во Тирана доживеа пораз од 3:1. Во регуларниот тек Динамо ја анулираше предноста од еден гол. Во 99.минута Хајдук изедначи, а потоа со играч помалку во две минути доживеа дебакл, во 109. и 111. минута за Тирана погодија Кардаку и Бериша.