Спорт
Холандија по третпат во финале на мундијал
Како што најави пред мечот Весли Снајдер тој и неговите другари не ја пропуштија животната можност да се пласираат во финалето на светско фудбалско првенство во сигурна игра совладувајќи го Уругвај со 3:2
Во меч кој имајќи ја предвид важноста и големиот влог, очекувано донесе тврда игра во која се бараа да се направат што помалку грешки, но видовме и ангажирана игра и пет голови од кои првите два се едни од најубавите на мундијалот. Особено оној на Џовани ван Бронхорст во 18. минута со кој Холандија дојде релативно рано во водство кое до крајот на мечот го претворија во шеста победа на првенството и сосема заслужено влегоа во финалето. Статистиката покажува дека се играше израмнето, во податоите за шутевите на гол и во рамките на голот, во фаулите и корнерите, но податокто за поседот на топката од 53 отсто за Холандија се оној мал процент во кој незјините фудбалери беа многу поопасни по противничкиот гол и дека заслужено по 32 години се палсираат во големото финале.На добрата игра се надоврзаа и тактичките поставености на двете репрезентации зададени од Берт ван Маарвијк и Оскар Табарез. Уругвајците започнаа понервозно што се гледаше во несигурните интервенции на одбранбените играчи кои дозволија по нивни грешки „лалињата“ да дојдат до ситуации од кои можеа и поопасно да го загрозат голот на Фернандо Муслера. Веќе во 4. минута Робен нафрли од десната страна, а Муслера ја одби кусо топката до Кајт кој шутираше превисоко. Уругвај возврати во 11. минута создаде шанса, но за малку Кавани беше во офсајд и приликата пропадна. Во 15. минута, пак ван Перси во улога на противнички одбранбен играч го блокираше шутот на Снајдер од 16 метри кој одеше во небранетиот дел од голот на Уругвајците. И тогаш настапи најубавиот момент на Светското фудбалско првенство во Јужна Африка досега. Траеше долг напад на Холандија а топката дојде до ван Бронхорст кој околу 40-ина метри од и со еден прекрасен шут во горниот лев агол ја доведе својата репрезентација во водство. По ова Холанѓаните се обидоа на брзина да го доточат противникот, ги притиснаа Уругвајците на нивната половина од теренот, но не создадоа вистинска шанса. Дури во 30. минута ван Перси му создаде идеална шанса на Робен но тој фаулирајќи во напад ја упропасти шансата да го зголеми водството. Уругвај во возвраќа во 35. со една полушанса и во 38. минута кога Диего Форлан со глава биеше над голот на Стекеленбург. Но затоа во 41. минута Форлан изведе една од своите специјалности од повеќе од 30 метри со лева нога ги префрли неколкуте играчи во блокот по средината на голот со незгоден фелш кој го изненади холандскиот голман кој сметаше дека веќе ја дофати топката. Второто полувреме повторно почна со поактивна игра на Холандија, но уругвајските фудбалери успешно им го затвораа просторот за развивање акции. Играта се разводни се’ додека околу 66. минута Форлан од левата страна не изведе повторно одличен слободен удар но овојпат Стакеленбург се испружи со целата должина и од самиот агол вадејќи ја топката од самиот долен лев агол. По ова дојде решавачкиот период на мечот. Прво во 68. минута во еден и сосема случаен напад ван Бронхорст и Робен не успеаја да го совладаат Муслера. Но во 0 минута Велси Снајдер шутираше од шеснаесетникот по земја пред голот на Уругвај во офсјад беше ван Перси, но откако топката отседна во мрежата, судијата Уруматов сметаше дека вториот не играл со неа, со што Холандија дојде во предност. По само три минути, се чини дека „лалињата“ се веќе во финалето. Кајт од лева страна нафрли во центарот на шеснаесетникот на Уругвај а Робен го повторува движењето од осминафиналето против Бразил и станува невидлив за својот директен чувар Диего Година и со глава зголемува на 3:1. Латиноамериканскиот менталитет доаѓа до израз, Уругвајците во следните пет-шест минути не успеваат да се снајдат а Табарез сфаќа дека порано требаше да прави измени на своите изморени играчи кои издржаа долги и напорни 120 минути на претходниот меч против Гана. Но Уругвајците сепак не успеаја да се врата во игра па Холандија имаше неколку можности да го зголеми водството. Уругвај дури во самата завршница од мечот вистински притисна па следеше и голот во 90+2. минута на Максимилијан Переира. За Холандија ова е трет пласман во финалето, а првите двапати против домаќините во 1974 г. против Германија и 1978. г во Аргентина беа поразени во финалето. А Уругвај по двете титули во 1930 и 1950, по третпат ќе игра за тетото место, оркако во 1954 г в Швајцарија беа поразени од Австрија во 1970 г. во Мексико од тогашна Западна Германија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Квитова се збогува со Вимблдон
Фото/ EPA/DANIEL HAMBURY
Двократната шампионка Петра Квитова (35) загуби од Ема Наваро со 6:3 6:1 во првото коло на Вимблдон.
Тенисерката од Чешка беше ѕвезда по мечот, бидејќи се збогува со Вимблдон, има намера да посвети повеќе време на своето семејство.
„Честитки Ема. Жал ми е што не можевме да играме уште малку. На ова место се најубавите спомени што можев да ги посакам. Среќна сум што можев да играм на ова посебно место уште еднаш“, рече Квитова.
„Никогаш не сонував дека ќе го освојам Вимблдон, а го освоив двапати… Ќе ми недостига Вимблдон, ќе ми недостига тенисот. Но, подготвена сум за следното поглавје во мојот живот. Дефинитивно ќе се вратам тука како член на клубот“, заклучи Квитова.
Таа го освои Вимблдон во 2011 и 2014 година и заработи над 37 милиони долари само од тенисот.
Спорт
Зошто Ноле, зошто сега?!
Од специјалниот известувач од Вимлдон
Додека целиот Централен стадион еуфорично му аплаудираше по првата победа на турнирот и изјавата дека е подготвен да го освои Вимблдон, малата група српски новинари седнати во редот пред мене егзалтирано коментираа за начинот на кој Новак го прослави првиот триумф – со таканареченото пумпање.
Во истиот момент ми стигнува порака на Вибер од пријател од Скопје, кој ме прашува „дали коментаторот на Арена, малку го мрази Новак“. Не знам што зборувал коментаторот, но кој сега да му објаснува дека Арена е во сопственост на Телеком Србија, а Телекомот е државно претпријатије, така што е под контрола на власта, за која Новак јасно се декларира дека ѝ е противник. А, и прорежимските портали, кои известуваат од Вимблдон, до само минатата година вестите, извештаите и изјавите на Новак ги објавуваат на прв клик од нивниот портал. Сега мораш долго да скролуваш за да ги најдеш.
Доцна е во ноќта, по македонско време длабоко после полноќ, повеќе не има нас – српските известувачи и јас (кој со години се шлепам покрај нив, за да можам по некогаш нешто да го прашам Ноле – од срце им благодарам за оваа солидарност!) кои ја чекаме прес конференцијата на Новак, отколку оние странските. Една група од нив се договараат кој да го праша Новак за начинот на прослава на победата. Очигледно има страв кај оние од прорежимските портали да зборуваат за тоа. Се доближувам до другата група од српски новинари. Јасно е дека зборуваат за пумпањето, но кога ме видоа веднаш ја сменија темата – за времето како заладило. Се плашат од мене да не сум Балкански шпион, иако знаат дека не сум, но кај сите нив забележувам дека во овие моменти се крие малиот Илија Чворовиќ. Ги напуштам, бидејќи чувствувам дека не сум пожелен во овие моменти.
Што тоа се случува во Србија, со Новак, каква е оваа параноја и страв кај известувачите од Србија? Не можам да поверувам кои теми и проблеми ја одземаат нивната енергија и фокус. А, само до минатото лето сѐ беше поинаку. Оваа ноќ забележувам една токсична атмосфера на Вимблдон кај српските новинари, која ја почувствував и во април кај роднините кога бев во Белград. Се обидувам на таа тема да правам шеги со колегите, но чувствувам дека повеќе од куртоазија и почит ми се насмевнуваат отколку што им се забавни моите зезанции. Србија е сурово поделена на два дела.
Јасно е дека после ваквиот начин на прослава на победата на Новак, за која тој изјави дека ќе му биде стандарден начин на прославување во текот на целиот турнир, повторно ќе наиде на поделени реакции во Србија – едни ќе го слават, други ќе го осудуваат. Јас, како неутрален, се прашувам што му требаше ова. Не зошто внесува политика во неговиот тенис – негова работа – туку зошто тоа го прави сега, на Вимблдон. Најмногу од сѐ што му треба е мир, спокој, нирвана доколку сака да го освои 25-от гренд слем. Токму онака како го сетираше својот хабитус пред Олимписките игри во Париз. И сега кога времето во Вимблдон се погоди да е секој ден топло, и на раат да се игра тенис, тој предизвикува темни облаци од Србија да истурат олуја над Централниот кор кога тој игра. А, тоа сигурно ќе се случи.
Зошто ваков непотребен потег, зошто јавно заземање страна, кога до само пред некој месец тој за сите Срби беше не крал, туку Господ Бог. А, можеше барем нешто да научи и од тоа кралско семејство, со кое седум пати се сретнувал и ракувал на Вимблдон кога му го доделувале пехарот. Кралот никогаш не се меша во внатрешните политички збиднувања на државата. Може приватно да има свој став, но јавно секогаш е издигнат над тоа. И, овие денови, кога премиерот Ким Страмер најавува сурова реформа на социјалната политика, за која опозицијата и невладиниот сектор го обвинуваат дека повеќе од 800000 луѓе ќе страдаат од глад и сиромаштија, Кралот Чарлс се држи на страна. Можеше и Ноле, но кој сум јас да го учам и советувам.
Можеби во сево ова има и лична пизма кај Ѓоковиќ против Вучиќ, од нешто што му е ветено, но не е исполнето Во 2020. имав можност да го интервјуирам неговиот татко Срѓан, кој тогаш ми зборуваше како наскоро во Белград, на Кнез Михајлова ќе се отвори музеј на Новак Ѓоковиќ, во кој ќе бидат изложени сите негови освоени пехари, и лични работи кои го следеле додека ја испишувал историјата на најголемиот на сите времиња. Минатиот Вимблдон, повторно Новак го прашав до каде е со музејот. И повторно, после четири години, одговорот беше дека се надева дека наскоро ќе биде отворен, но не на Кнез Михајлова. После ова пумпање, тешко додека е Вучиќ на власт. А, потоа и Новак веќе ќе се пензионира, така што и музејот нема да го има хајпот кој би го имал сите овие години.
Колку и да се обидувам да го контролирам текстов да остане само на спортски терен, невозможно е. Ноле самиот си внесе политика, и сам ќе мора да се носи сега со тоа на хард кор начин. Нема веќе да може дискретно да го прави тоа со објавување фотографии од блокадите на својот Инстаграм, или да дава немушти изјави, како минатата ноќ, дека пумпањето било договор меѓу него и неговите деца и дека таа кореографија е прикладна за да ја слави секоја победа на Вимблдон.
Прво што сега ќе се очекува од него е по враќањето во Белград, и тој како Бодирога, Штимац и другите српски спортски великани да се појави на блокадите и протестира. Но, ќе мора и уште повеќе да тоне во политиката: протестите се поделени, на таканаречено прозападно крило и национално. Кој дел тој го поддржува? Дали оние кои одеа да се жалат во Стразбур и Брисел, или оние кои пред неколку денови на Видовден му се колена на верност на Цар Лазар? Познавајќи го неговиот татко, Срѓан, кој во тие неколку часови дружење ми остави впечаток дека е „Србин од дното на кацата“, прво него не ќе смее да го разочара, а потоа и другите национално ориентирани Срби.
Но, повторно ќе има разочарани, поделбата ќе се продлабочува, ореолот на „најголемиот српски син“ ќе бледнее.
Повторно се прашувам, зошто Ноле, зошто сега, кога конечно целиот свет те прифати и засака, а за Србите беше повеќе од митско суштество, ја внесуваш оваа поделба кај твоите српски навивачи за повторно да се појави омраза? Ако случајно изгубиш на Вимблдон, уште сега ги гледам злочудните коментари на твоите поранешни навивачи во Србија – така и ти треба, само продолжи да пумпаш и понатака.
Ненад Живановски-Столиќ
Спорт
Гудуриќ претставен во Милано
Фото/ EPA-EFE/RYAN LIM
По шампионската сезона со Фенербахче, Марко Гудуриќ одлучи да го напуѓти клубот. Во иднина ќе биде играч на Олимпија Милано.
Клубот го претстави Гудуриќ со објава на социјалните мрежи. Италијанскиот клуб објави фотографија на која напиша:
„Добредојде Марко.
Кошаркарскиот клуб Олимпија Милано објавува дека постигна повеќегодишен договор со Марко Гудуриќ“, се вели во објавата.
Не е познато на колку години е потпишана соработката и колкава ќе биде платата на Гудуриќ во новиот клуб.
(Видео) Украинците уништија руско складиште за муниција, се шири снимка од огромна експлозија
Украина очигледно извршила напад врз руско складиште за муниција во градот Карцизк во окупираниот дел од Донецката област на 2...
(Видео) Траект потона во близина на Бали: четворица мртви, десетици исчезнати
Четири лица загинаа, 38 се водат како исчезнати, а 23 се спасени откако ферибот со 65 лица потона во близина...
Пентагон: Нуклеарната програма на Иран е забавена за две години
Пентагон објави дека американските напади ја уназадија нуклеарната програма на Иран за до две години, откако уништија три целни локации....
Во Лос Анџелес, луѓето мора да живеат во токсични куќи по пожарот: „Осигурителните компании нè измамија“
Луис Казарес беше меѓу ретките чиј дом остана недопрен по разорните пожари што ја опустошија населбата Алтадена, североисточно од центарот...
ЦИА не оспорува дека Путин се обидел да му помогне на Трамп на изборите во 2016 година
Ревизијата на ЦИА откри недостатоци во подготовката на проценката на американското разузнавање дека рускиот претседател Владимир Путин се обидел да...
Костадинов го замрзнува членството во СДСМ, најави ново политичко делување
Градоначалникот на Струмица, Костадин Костадинов, соопшти дека го замрзнува членството во СДСМ, незадоволен од сегашното раководство и од насоката во...
СДСМ објави 11 нови кандидати за градоначалници
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
„Пулс“ ќе се суди во Основниот кривичен суд Скопје, предметот е доставен
Основниот суд во Кочани денеска го достави предметот за пожарот во „Пулс“ во Основниот кривичен суд Скопје, согласно одлуката на...
Арсовска до Тошковски: До сега полицијата не постапуваше по заканите, сега се заканува, што е следно
Градоначалничката на Скопје, Данела Арсовска, вели дека полицискиот службеник Синан Алили ѝ упатил закани на социјалните мрежи. Во објава на...
„Вреди“ бара истрага за намерна манипулација со бројот на Aлбанците на пописот
Од „Вреди“, известуваат дека ќе поднесат кривична пријава до Основното јавно обвинителство – Скопје против поранешното раководство на Државниот завод...
Мотоцилистот удрил во пешакот и избегал, МВР со детали за трагичната несреќа на кејот
Мотоцикл „кавасаки“ го прегазил пешакот кој загина вчера на кејот на Вардар, во близина на Паркот на франкофонијата. Според информациите...
50-60 магационирани БТР, „хермелини“ и „пинцгауери“ ќе гаснат пожари летово, им се вградуваат резервоари за вода, рече Мицкоски
Застарените и магационирани возила на министерствата за внатрешни работи и за одбрана се приспособуваат за гаснење пожари на непристапен терен....
СДСМ поднесе 160 амандмани за ребалансот на буџетот
Овој ребаланс е фискално нереален, социјално штетен и без развојна компонента, изјави пратеничката на СДСМ, Сања Лукаревска, на денешната собраниска...
Граѓаните може да пријават недостапна здравствена услуга или злоупотреба на клиниките на веб-страницата на Министерството
Министерството за здравство се отвори за жалби на граѓаните од здравствениот систем. Граѓаните веќе може секоја забелешка, жалба од функционирањето...
(Видео) Лукаревска: Со ребалансот власта крати пари од граѓаните за да се луксузира
Предложениот ребаланс на Буџетот наместо да понуди подобрување на состојбите во економијата е всушност доказ за целосниот неуспех на економската...
(Видео) Објавено какво оружје Америка престанува да испраќа во Украина
САД ја прекинаа испораката на клучно оружје за Украина, вклучително и системи за воздушна одбрана кои беа клучни за Киев...
Мерц: Русија не води војна само против Украина, туку и против нас
Германскиот канцелар, Фридрих Мерц, синоќа изјави дека Русија не води војна само против Украина, туку и против Германија. Во интервју...
Иран: Американските бомби сериозно го оштетија Фордоу
Американското бомбардирање на клучниот ирански нуклеарен објект Фордоу сериозно го оштети местото, изјави иранскиот министер за надворешни работи, Абас Араки,...
Арсовска до амбасадорката Агелер: „Не Ви е малку незгодно што на листата со ВИП-гости Ви беа лица што треба да Ви се на црната листа на санкции“
Градоначалничката на град Скопје, Данела Арсовска преку социјалните мрежи упати прашање до американската амбасадорка Анџела Агелер. „Добро утро Амбасадорке Агелер,...
(Видео) Силна бура во Сиднеј: урнати дрвја, повеќе од 35.000 дома без струја, откажани десетици летови
Силна бура го погоди Сиднеј втор ден по ред, соборувајќи дрвја, оставајќи илјадници домови без струја и принудувајќи ги домашните...
