Спорт
Рибери и Бензема пак на распит во полиција
Француските репрезентативци во вторник наутро биле на сослушување во полицијата во Париз во врска со аферата со малолетничка проституција за што им се заканува и затворска казна
Како што јавува France Presse, играчот на минхенски Баерн, Франк Рибери и на мадридски Реал, Карим Бензема, биле сослушувани од обвинителот Ив Дандо, кој наскоро треба да донесе одлука дали ќе подигне обвинение против двајцата членови на „триколорите“ Двајцата ги користеле услугите на малолетната проститутка Захија Дахар, и често го постетувале клубот „Заман“ на Елисејските полиња за кој во истрагата се покажало дека е еден од центрите за малолетничка проституција во Париз.Девојката на истражителите им потврдила дека во 2008 г. спиела со Бензема, а една година подоцна и со Рибери, додека третиот осомничен фусбалер Сидни Гову од францускиот прволигаш Лион е ослободен од сите обвиненија, бидејќи со Захија спиел во март кога таа веќе била полнолетна. Обвинителот според францускиот закон мора да докаже дека двајцта фудбалери знаеле за возраста на проститутката, а доколку тоа им се докаже им се заканува тригодишна затворска казна и парична глоба од 45 илјади евра. Проститутката Захија во април на сослушувањето изјави дека е шокирана од можната тригодишна затворска казна со која се соочуваат нејзините клиенти и дека таа била третирана со голем респект од фудбалерите додека ги давала своите услуги.„Ги сакав сите“ изјави додавајќи дека таа всушност го прославила 18-от роденден со Рибери. Проституцијата во Франција е легализирана, но проститутките мора да бидат полнолетни што во овој случај не е, бидејќи кога траела аферата меѓу Дехар и Рибери таа се уште била малолетна. Франк Рибери призна пред судот во Париз дека имал однос со Дахар, но изјави дека не знаел оти таа е малолетна. Дехар која е со алжирско потекло, според медиумите, е елитна проститутка која заработува и до неколку илјади евра од ноќ а нејзини клиенти се мулти милијардери и богати фудбалери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.