Спорт
Игор Димовски го почна препливувањето на Ла Манш
Македонскиот маратонец Игор Димовски во 4 часот изутрината по британско време го почна препливувањето на Ла Манш на класична делница на маратонското пливање од 34 километри меѓу англиското пристаниште Довер и ртот Гри на францускиот брег кај градот Кале, јави дописникот на МИА од Лондон
Ова е прв обид на 33-годишниот Димовски да го преплива Каналот откако од пред седум години целосно се посвети на маратонското пливање. Тој повеќе од дваесет години е пливач. Учествувал на три маратони на Охридското Езерео, во Грција и на савскиот маратон кај Шабац. Димовски е петиот македонски пливач што се обидува да ги совлада непредвидливите води и силните морски струи во Каналот. Доколку денеска успее во овој свој зафат тој ќе биде четвртиот Македонец по Нико Нестор во 1959, Атина Бојаџи во 1969 и Томи Стефановски во 2009 година. Ла Манш се обиде да го преплива и маратонецот Ристо Бимбиловски, пливајќи во пеперутка стил, но не успеа во тоа откако се отказа пред да стигне на францускиот брег. Димовски и луѓето од придружбата што го следат во текот на пливањето, два дена чекаа во Довер да се подобрат временските услови и да се смири морето. Дува северен контра ветер и има сили морски струи. Метеоролозите за денеска најавија смирување на ветерот, но во текот на денот се очекува посилна плима, па по добиениот совет од англискиот капетан, што од придружен брод го следи Димовски, е одлучено во водите на Ла Манш тој да влезе многу порано од вообичаеното време, уште додека е ноќ. Во изјава за МИА, маратонецот Димовски синоќа рече дека е оптимист и оти верува во успешното препливување на Каналот. „Времето треба да се подобри и условите за пливање да бидат поповолни од оние во изминатите два дена, но водата останува студена со температура меѓу 15 и 16 степени“, истакна македонскиот маратонец во телефонскиот разговор од Довер.Тој објасни дека тренирал овие денови за да се навикне на водата и на нејзините струи. Игор Димовски се надева делницата до Франција да ја исплива за време меѓу седум ипол и осум часа. Се очекува кај ртот Гри, на францускиот брег да биде пред 13 часот по македонско време
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Индонезија му врачи отказ на Патрик Клајверт
Холандската фудбалска легенда Патрик Клајверт повеќе не е селектор на репрезентацијата на Индонезија.
По серијата лоши резултати во квалификациите за Светското првенство, Индонезиската фудбалска асоцијација одлучи да ја прекине соработката со некогаш познатиот напаѓач.
Клајверт ја презеде клупата на Индонезија во јануари оваа година, кога потпиша двегодишен договор. Главната цел беше да ја однесе репрезентацијата на нивното прво Светско првенство откако земјата стекна независност во 1945 година. Тој не успеа во тоа.
Иако Индонезија за прв пат под негово водство стигна до четвртото коло од азиските квалификации, надежите беа уништени минатата недела. Поразите против Саудиска Арабија и Ирак ги згаснаа сништата дека Индонезија ќе игра на својот прв Мундијал.
Неговата судбина беше запечатена со пораз од 1:0 од Ирак во Џеда во саботата. После тоа, Индонезиската фудбалска асоцијација не губеше време и веднаш договори спогодбен раскин на договорот со селекторот со Клајверт.
Единствениот значаен тренерски успех на Клајверт останува третото место на Светското првенство во 2014 година, кога му беше асистент на Луј ван Гал во холандската репрезентација.
Спорт
Шок за Њујорк Никс, Брогдон замина во пензија
Американскиот кошаркар Малколм Брогдон ненадејно одлучи да ја заврши кариерата.
Плејмејкерот кој во минатото доби наградата „дебитант на годината“ и „шести играч на годината“ се пензионираше од кошарката помалку од една недела пред почетокот на сезоната 2025/26.
Медиумите повикувајќи се на извори од франшизата, Брогдон бил физички и психички исцрпен и истрошен во текот на својата деветгодишна кариера, и затоа решил да се пензионира.
Брогдон е поранешен студент на Универзитетот во Вирџинија и се шпекулира уште од неговите студентски денови (бил на колеџ пет години) дека еден ден ќе стане политичар.
Прекарот „Претседателот“ го доби откако магистрираше комуникации и односи со јавноста.
Во НБА, тој играше за Милвоки Бакс, Индијана Пејсерс, Бостон Селтикс, Портланд Блејзерс и Њујорк Никс, за кои играше само натпревари во предсезоната и се пензионираше пред почетокот на сезоната.
Брогдон има 32 години (роден на 11 декември 1992 година) и за време на неговата девет годишна НБА кариера, постигна 7.077 поени со 1.917 скока и 2.156 асистенции.
Неговиот дрес со број 15 беше повлечен од употреба на Универзитетот во Вирџинија.
Спорт
Ибрахимовиќ ги избра тројцата најдобри фудбалери на сите времиња
Златан Ибрахимовиќ (44), голема ѕвезда на светскиот фудбал, по завршувањето на кариерата остана во Милан да работи како советник. Познат по своите ставови и изјави, во последното појавување изненади многумина со изборот на најголемите фудбалери на сите времиња, особено поради третата позиција на која го смести Лионел Меси и целосното изоставување на Кристијано Роналдо, пишува „GiveMeSport“.
Иако Меси и Роналдо генерално се сметаат за дел од четворицата најголеми во историјата, заедно со Пеле и Диего Марадона, Ибрахимовиќ одлучи дека двајца од овој квартет не заслужуваат место на самиот врв.
3. Лионел Меси
И покрај тоа што е најтрофеен играч во историјата на фудбалот, со дури 46 големи трофеи, Лионел Меси мораше да се задоволи со третото место на листата на Ибрахимовиќ. Иако играа заедно кратко во Барселона, Швеѓанецот не е убеден дека Аргентинецот е најголемиот на сите времиња.
„За третата позиција, ќе кажам Меси. Не сум сигурен дали му останува да освои уште нешто во кариерата“, рече Ибрахимовиќ.
2. Диего Марадона
Вечната дебата за тоа кој бил подобар, Пеле или Диего Марадона. Двајцата обележаа еден период во историјата на фудбалот. Ибрахимовиќ го даде својот одговор ставајќи го Марадона на второто место, додека најголемиот бразилски играч на сите времиња беше целосно изоставен од листата.
„Втората позиција ќе му ја дадам на Марадона. За мене, тој беше вистинскиот. Сè правеше со срце, со емоции“, рече 44-годишникот.
1. Роналдо Назарио
На самиот врв, како најголем фудбалер на сите времиња, за Ибрахимовиќ е Роналдо Назарио. Поранешниот шведски репрезентативец никогаш не криел дека бразилскиот феномен му бил идол, што го потврди со зборовите.
„Според мене, Роналдо, феноменот, Бразилецот, тој е фудбалот. Кога гледате одредени играчи, следниот ден се обидувате да ги имитирате.“
Тој го повтори истото во едно интервју во 2021 година.
„Секогаш им велам на сите што играат со мене: Роналдо е фудбалот. Начинот на кој се движеше, начинот на кој дриблаше. Според мене, тој е најдобриот играч во историјата, без сомнение.“
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта низ државата денеска почна вакцинацијата против сезонски грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
ЛДП: Идентитетот не се гради со уривање на заштитеното културно наследство
Либерално-демократската партија го осудува случајот со уривањето на спомен-куќата на Владо Малески во неговата родна Струга. Ова најдобро ја отсликува...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
Костовски: Нов модерен затворен базен во Бутел
Актуелниот градоначалник на Бутел и кандидат на локалните избори од ВМРО-ДПМНЕ, Дарко Костовски им најави на граѓаните на Општината дека...
