Милан доживеа шокнтен пораз од Парма на „Сан Сиро“ (0:1) и остана без Англичанецот Рубен Лофтус-Чик

Милан во четири дена испадна од трката за титулата во Серија А. Во средата одигра нерешено на домашен терен со Комо (1:1), а синоќа на истото место беше шокиран од Парма.

По 26 рубди во Серија А, Интер е лидер со 64 поени, 10 повеќе од Милан, додека со по 50 поени следуваат Наполи и Рома.

Покрај поразот од Парма, проблем за Масимилијано Алегри е и тешката повреда на Лофтус-Чик.

Англиченацот имаше жесток судар со голманот на парма, Корви. Остана без неколку заби, заработи и потрес на мозокот, фрактура на вилицата, а според првите прогнози, го очекува долга пауза.

Foto/ depositphotos

Il portiere del Parma esce fuori tempo e commette un fallo criminale su Loftus-Cheek. Il tutto in area di rigore e con la palla in gioco. Rigore netto. Ruben portato in ospedale. Il killer Piccicini fa finta di niente, a Lissone i monitor erano spenti. Vi dovete vergognare pic.twitter.com/64TLKyVtLT

— Simon Templar ❤️🖤❤️🖤 (@FuSimonTemplar) February 22, 2026

Најуспешната нација на Зимските олимписки игри во Милано и Кортина е Норвешка. Четврти Игри по ред, Норвежаните го освоија првото место по бројот на медали, а нивниот последен „пораз“ беше во 2010 година во Ванкувер, кога доминираа Канаѓаните, чии спортисти освоија вкупно 41 медал, од кои 18 беа златни.

Норвешка, со само 80 спортисти, исто така го сруши рекордот, кој го постави со 16 златни медали на Олимписките игри во Пекинг пред четири години. Игрите во Милано и Коритна Норвешка ги заврши со 18 златни и по 11 сребрени и бронзени медали.

На второто место на ранг-листата се спортистите на САД, кои со триумфот на хокеарите на последниот ден стигнаа до своето 12-то злато (четири повеќе од претходните Игри во Пекинг), а вкупно освоија 33 медали со дури 232 спортисти.

Домаќините исто така можат да се пофалат со успешни Игри. За Италија, ова беа исто така рекордни ЗОИ. Нејзините спортисти освоија десет златни медали, исто како и Холандија. Италијанците освоија вкупно 30 медали, а Холанѓаните 20, но се пред домаќините поради едно сребро повеќе.

Од 92 земји што учествуваа на 25-тите Зимски олимписки игри, медали освоија спортисти од 29 земји.

Од територијата на поранешна Југославија, само Словенците освоија медали, вкупно четири (2-1-1). Сите се освоени во скијачки скокови, а членовите на семејството Превц, Домен и Ника, учествуваа во сите медали.

Херој на ЗОИ е Јоханес Хесфлот Клабо, освои шест златни медали. Едноставно е неверојатен факт дека Клабо, според бројот на златни медали, би го освоил деветтото место во вкупниот поредок, пред велесилите Австрија или Јапонија и Канада.

Бостон Селтикс ги победија Лејкерси во Лос Анџелес во можеби најголемиот НБА класик, дуел меѓу децениските ривали. Бостон беше убедлив со 111:89 во арената „Крипто Ком“.

Бостон речиси и да немаше проблем да го контролира целиот натпревар против големиот ривал. Во второто полувреме направи сериозна двоцифрена разлика и немаше индикации дека ќе ја испушти.

Тимот го предводеа Џејлен Браун со 32 и Пејтон Причард со 30 поени. Пејтон имаше шест тројки и осум асистенции. Никола Вучевиќ постигна девет поени.

Лејкерси, шутираа под 40 проценти од поле. Лука Дончиќ имаше 25 поени, Леброн Џејмс 20, а ова беше само 12-ти пат во сезоната да играат заедно со Остин Ривс.

Пред натпреварот, легендарниот тренер Пет Рајли доби големо признание од франшизата од Лос Анџелес Лејкерс, Пред арената, беше откриена бронзена статуа, висока речиси два и пол метри и тешка повеќе од 230 килограми, е поставена помеѓу легендите Ервин Меџик Џонсон и Карим Абдул-Џабар, симболично прикажувајќи го Рајли како клучна фигура на познатата генерација „Шоутајм“.