Спорт
Дерби во Премиер лигата, Сити против Челзи
По шокантните резултати во Карлинг купот, и елиминациите на Челзи, Ливерпул и Манчестер Сити, Премиер лигашите се насочуваат кон обврските од редовното шесто коло
Најпривлечниот дуел во оваа рунда ќе се одигра утре во Манчестер, Сити ќе го пречека актуелниот лидер и шампион на Англија, Челзи. „Сините“ од Лондон имаат максимален ефект по првите пет кола и импресивна гол разлика, 22 постигнати и само еден примен гол. Менаџерот на Манчестер Сити, Роберто Манчини пред овој натпревар се наоѓа на големи маки, сите дефанзивци кои настапуваат крај левата аут линија се повредени. Неговиот колега и сонародник, Карло Анчелоти нема проблеми околу составувањето на екипата.Интерес во оваа рунда предизвикува и малото лондонско дерби, на „Аптон Парк“ Вест Хем за противник ќе го има Тотенхем.Комплетните двојки од шестото коло во Премиер лигата се : во сабота, 25 септември – Манчестер Сити-Челзи, Арсенал-ВБА, Бирмингем-Виган, Блекпул-Блекбурн, Фулам-Евертон, Ливерпул-Сандерленд и Вест Хем-Тотенхем. Во недела, 26 септември, ќе играат Болтон-Манчестер Јунајтед, Вулверхемптон-Астон Вила и Њукасл-Стоук.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.