Спорт
Ето му донесе бод на Интер во Милан
Италијанскиот фудбалски шампион Интер во осмото коло на својот „Џузепе Меаца“ или „Сан Сиро“ одигра само нерешено со Сампдорија 1:1, губејќи драгоцени два домашни бода во трката за новото скудето
Интер беше подобрата екипа во текот на целиот натпревар, играјќи повеќе по инерција од играта што мината сезона ја наметна Жозе Мурињо, агресивно и цврсто, но неговите напаѓачи не успеаја тоа да го преточат и во победа. На спротивната страна за Сампдорија оставаше голем простор во нападот и се чини дека доколку вечерва на „нероаѕурите“ противник им беше порасположена екипа или состав во кој има поснаодливи „контраши“, лесно можеше да се случи Интер да остане со празни раце пред своите навивачи. Сампдорија поведе преку Стефано Губерти во 62, минута, откако Антонио Касано во жесток дуел на граница на фаул ја одзема од Киву и го проигра својот соиграч од десната страна. Веќе во следната минута Рафа Бенитез од клупата го внесе македонскиот репрезентативец Горан Пандев, со намера да го одврати вниманието на гостинската одбраната од средишниот дел на нападот на Интер. Домашните продолжија да играат во еден здив, но опасните напади остануваа без реализација.Ако мината сезона Интер го имаше голгетерот Диего Милито, во моментов повреден, сега го има Самуел Ето кој се запишува во листата на стрелците на секој натпревар. Неговиот долг скок пред во 80. минута, откако од левата страна на првата статива остро нафрли Коутињо, на Интер му донесе бод но и шанса во последните 15 минути заедно со судиското надополнување да атакува и на победата. Со вечерашниот погодок, Камерунецот од 16 официјални мечеви од почетокот на сезоната во сите рангови на натпреварувања има постигнато 19 голови, а во Серија А е моментално водечки стрелец со седум погодоци. По освоениот бод Интер е четири бодови зад водечкиот Лацио, и има 15 бодови, а може да го мине градскиот ривала Милан кој има 14 бодови или сега шестопласираниот Наполи со 12 бодови кои во понеделник во вечерниот термин од 20.45 часот ќе го затворат осмото коло од Серија А.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Ферстапен е најдобриот возач во историјата на Формула 1“
Герхард Бергер, поранешниот возач на Ферари во Формула 1, нема дилема кој е најдобриот на сите времиња.
Австриецот во преден план го стави актуелниот светски шампион Макс Ферстапен.
„Тој ја има таа неверојатна способност да го избере вистинскиот момент за претекнување. Тоа го немаа ниту Сена, ниту Шумахер, ниту Хамилтон“, изјави Бергер.
На пофалбите за Холанѓанецот им немаше крај.
„Макс е секогаш на вистинското место во вистинско време. На стартот, во првиот свиок, во дуел. Никој не го прави тоа подобро од него. Затоа мислам дека тој е најдобриот кој некогаш ја возел формулата“, вели Бергер.
Ферстапен досега има остварено 61 победа во кариерата и има три светски шампионски титули со добри шанси да освои четврта. Сепак, тој е се уште далеку од Хамилтон и Шумахер по бројот на вкупни победи и титули, кои освоија по седум пехари наменети за најдобриот во генералниот пласман.
Спорт
„Ѓоковиќ гоат? Лудо е да се дискутира за тоа“
Руската тенисерка Дарија Касаткина проговори за „големата тениска тројка“ во која се Новак Ѓоковиќ, Роџер Федерер и Рафаел Надал.
Таа истакна дека тројцата немаат конкуренција, прво рече дека не можат да ги споредуваат Рафаел Надал и Карлос Алкарас, но дека единственото нешто што им е заедничко е тоа што двајцата се од Шпанија, а потоа беше прашана за „големата тројка“.
„Тие тројца се недостижни“, рече Касаткина, по што брзо беше прашана дали Новак е чекор понапред.
„Знаете, кога некој има идол, го сака без разлика на резултатите и дали се споредливи и во мојот случај, бидејќи почнав од детството“, рече Русинката чиј идол е Рафаел Надал и продолжи:
„Објективно, гледајќи ги резултатите, Новак Ѓоковиќ е најдобар на сите времиња, лудо е да се дискутира за тоа. Се друго е прашање на вкус“.
Спорт
Интересно ветување на Паоло Фонсека за новинарите
Паоло Фонсека денеска одржа прес-конференција пред првиот натпревар во Лигата на шампионите во кој Милан во вторник ќе се соочи со Ливерпул.
Тренерот на Милан им даде интересно ветување на новинарите пред натпреварите со Ливерпул во Лигата на шампионите и Интер во Серија А.
Фонсека изјави дека иако има два меча за краток период, на двата натпревари можат да играат исти играчи, но дека дефинитивно ќе размисли за ротација.
„Имаме три натпревари оваа недела и треба да размислиме за се. Утрешниот е најважен, но не можам да заборавам дека овој викенд играме дерби во Серија А“, изјави Фонсека.
А потоа дојде ветувањето на новинарите:
„Ако ги победиме двата натпревари, ветувам дека ќе ви донесам „пастел де ната“ на прес-конференцијата“, рече Фонсека со насмевка.