И во второто гостување во Милано, „Старата дама“ успеа да остане непоразена, но за разлика од дуелот со шампионот Интер кога играше без голови, во саботата навечер со 2:1 против Милан го сови целиот плен

Како и што се очекуваше, без разлика на моменталните форми на играчите и позициите на табелата, средбите меѓу Милан и Јувентус секогаш претставувале настан околу кој се врти вниманието на целиот фудбалски свет. Така беше и овојпат, и двете екипи влегоа максимално мотивирани како за дерби а крајниот исход од 2:1 во полза на гостите од Торино можеше да биде и сосема обратен, особено ако Златан Ибрахимовиќ искористеше барем една од своите шанси.Јувентус на „Сан Сиро“ пред околу 80 илјади гледачи истрча без суспендираниот мотор на екипата Милош Красиќ и без повредениот Винченци Јакинта, па затоа на гостите им беа давани помали шанси, иако за Милан не настапи Роналдињо кој во последните натпревари даде тон на играта на „росонерите“.Мечот започна со доминација на и со големата шанса на Ибрахимовќ кој од 16-ина метри изведе прекрасен удар кон гостинскиот гол но топката заврши на рамката на местото од спојувањето на дирекот и пречката. Но како што одминуваше времето Јуве успеваше да ги покрие своите недостатоци и да парира на упорноста на домашните фудбалери. Така во 24. минута, ентузијазмот на играчите и навивачите на Милан доживеа студен туш откако Фабио Квараљера на нафрлена топка во шеснаесетникот на „росонерите“ го надвиси во скокот Антонини и со глава го матираше немоќниот голман Абиати.Милан во продолжението ја продолжи истата игра со опасни напади и полушанси, но и Јувентус се’ почесто возвраќаше со иста мерка. Така беше до 66. минута кога торинската легенда Алесандро Далпиеро не го постигна вториот гол за гостите. Тоа беше негов седми гол во 25-те дуели меѓу овие два клуба и воедно негов 200-ти погодок во Серија А. Ибрахимовиќ на спротивната страна дури во 82. минута со глава успеа да ја затресе мрежата на својот поранешен клуб од кој замина во Барселона, со што малку ги подгреа надежите на домашните. Сепак до крајот на мечот фудбалерите на Милан и покрај притисокот и големата желба не успеаја да постигнат израмнување со што го претрпеа и вториот годинешен пораза во италијанското првенство а прв на домашен терен. Поразот го закова Милан на третото место со 17 бодови, испуштајќи ја шансата да го мине вториот Интер кој има 18 и водечкиот Лацио кој има 19 бодови но и меч помалку. Јувентус пак во 9-те кола собра 15 бодови и барем до недела ќе биде на четвртата позиција. Во претходниот саботен меч од деветтото коло од Серија А, Рома на „Олимпико“ го совлада Лече со 2:0. Но цехот за оваа победа го плати со црвениот картон на Тоти кој така ќе го пропушти големото градско дерби со Лацио во следното коло. Франческо Тоти беше исклучен во 77. минута од мечот веднаш по вториот кол на неговата екипа, заедно со противничкиот играч Рубен Оливера со кого покрај вербалниот дуел се обидоа и повеќе да се дообјаснат. Инаку токму Тоти му асистираше на Мирко Вуиниќ во 76. минута кога овој го постави конечниот резултат од 2:0. Претходно „Римската волчица“ дојде во водство во 61. минута преку Бурдисо. Рома сега е седма со 12 бодови, а Лече остна азасега на 11-тата со исто толку бодови .  Во петокот шампионот Интер со голот на Мунтари во третата минута од судиското надополнување на првото полувреме ги однесе трите бода во мечот со домашната Џенова.