Спорт
Шампионот Интер нокаутиран од Тотенхем
Фудбалерите на Тотенхем беа убедливи против ланскиот освојувач на Лигата на шампионите, кого на домашен терен го совладаа со 3:1
Рафа Бенитез и неговите фудбалери се чини не го сфатија она што се случи во финишот од претходниот дуел со англискиот клуб на својот стадион во Милано пред две седмици, кога Тотенхем успеа опасно да го загрози водството од 4:0 на „нероаѕурите“, на крајот со играч помалку дојде до резултат 4:3.За разлика од мечот на „Џузепе Меаца“, „спарсите“ од почетокот на мечот можеа да сметаат на својот најдобар играч Рафаел ван дер Варт, како и на Хрватот Лука Модриќ, кој поради прераниот црвен картон на соиграчот Гомес мораше да излезе од игра. Домаќините типично англиски тргнаа силно веднаш од почетокот и за 15-ина минути изведоа три корнера, благодарејќи најмногу на продорите на агилниот Велшанец Гарет Бејл, кој во Милано беше трикратен стрелец. Интер за кого по подолго време од почетокот мечот го започна македонскиот интернационалец Горан Пандев, не успеа да се одбрани од првичниот притисок и во 19-та минута по комбинацијата меѓу Асу-Екото и Лука Модриќ кој во празно го проигра ван дер Варт кој поентираше од десетина метри. Во продолжение Бејл суверено ги добива сите дуели со Маикон и постојано создаваше шанси за своите соиграчи. Интер посериозно возврати дури во 42. минута преку Весли Снајдер, откако Самуел Ето беше фаулиран неколку метри пред 16-те метри од левата страна. Но ветеранот на голот на Тотенхем, Кудичини извонредно интервенираше. Во вториот дел заради обновување на повредата, ван дер Варт остана на клупата а на негово место во игра влезе Џермејн Џенас. Тотенхем продолжи со притисокот по крилните позиции, па на Бејл на спротивната страна успешно му парираше Арон Ленон. Во таква игра во која „спарсите“ успеаја да ги спречат обидите на Интер да се врати во игра и да наметне темпо, дојде и зголемување на водството. Повторно Модриќ го проигра по страничната линија Бејл кој му избега на новиот чувар Нвакво и упати прецизен центаршут до високиот Питер Крауч кој ја закова топката во голот. По пет минути уште еднаш овој тандем постигна погодок, но тој беше поништен заради офсајд. Во 70-та минута Диего Милито влезе на местото од Пандев, во обидот на Бенитез да направи пресврт. Тоа даде резултат десет минути подоцна, но откако Ето си направи простор за шут од 16 метри и прецизно стрелаше во левиот агол од голот на Кудичини. Но Интер немаше сила да ги преземе конците во свои раце, а Бејл учествуваше повторно во акцијата во која во 89. минута Роман Пављученко стави точка на каква и да е неизвесност на вечерашниот меч. Во вториот меч од Групата А во Лигата на шампионите, Твенте успеа да го изненади домашниот Вердер и да му нанесе пораз со кој речиси го отпиша од можноста да се квалификува во продолжението од најсилното европско клупско натпреварувањето. Во Вердер, холандскиот претставник триумфираше во самиот финиш на мечот со головите на Кадли во 81. и де Јонг во 84. минута.Во оваа група Тотенхем и Интер се на челните две позиции со по седум бодови, Твенте е блиску со пет а четврт е Вердер со два бода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Франческо Тоти се враќа во Рома
Легендата на Рома, Франческо Тоти, потврди дека е во преговори за враќање на Олимпико, во улога на директор. Клаудио Раниери, спортскиот директор Рики Масара и тренерот Џанпјеро Гасперини веќе разговарале на оваа тема.
Сега, за прв пат, поранешниот капитен на Рома даде изјава, по повод неговото враќање во клубот.
„Отсекогаш сум бил навивач на Рома и за мене Рома е втор дом. Секогаш било така, без разлика дали сум во клубот или не. Задоволен сум од она што го прават, од начинот на кој се движат работите. Во последно време имаше некои гласини за мене. Вистина е, разговараме, дискутираме за некои детали и одлучуваме што е најдобро за сите. Се надевам дека наскоро ќе ја решиме оваа ситуација“, рече Тоти и додаде:
„Гасперини одлично ја врши работата. Се надеваме дека што поскоро ќе ја врати Рома во Лигата на шампионите. Вечерав со него. Разговаравме за фудбал и за сите други работи“, рече „Принцот на Рим“ во интервју за „Скај Спорт Италија“.
Според италијанските медиуми, идејата на раководството на Рома е Тоти да ја преземе улогата на технички директор на клубот.
Франческо ја помина целата своја фудбалска кариера во Рома, постигна 307 гола на 786 натпревари. Тоти со Рома ка освои Серија А во сезоната 2000/01.
Foto/ depositphotos
Спорт
(Видео) Мејар на тронот во слалом, Мекграт трагичар
Лоик Мејар е олимписки шампион во слалом, по спектакуларната трка во Бормио. Швајцарецот ја запре штоперицата по двете возења на 1:53.61. За Швајцарија ова е прв златен медал во оваа дисциплина по 78 години и Игрите во Сент Мориц во 1948 година. Ова е негов втор медал во Бормио, бидејќи претходно освои сребро во тимска комбинација со Марко Одермат.
Второто место му припадна на Австриецот Фабио Гштрајн, кој беше 35 стотинки зад Мејар. а броната ја освои Хенрик Кристоферсен од Норвешка, кој беше една секунда и 13 стотинки зад Мејар.
По првото возење, Лоик Мејар беше втор. Се мачеше во првиот дел од втората трка, но потоа го пронајде вистинскиот ритам и во тој момент го престигна Австриецот Фабио Гштрајн.
Сè уште чекаше само Атле Ли Мекграт, кој беше убедливо прв бидејќи во првото возење се снајде најдобро во тешките временски услови. Имаше предност од 58 стотинки. Сепак, веќе во првиот дел од патеката мораше да се откаже. Ги фрли и стаповите и скиите и излезе на патеките за да ја излечи својата фрустрација.
Foto/ EPA
Спорт
Синер и Алкараз ќе „лапнат“ по милионче само со доаѓањето во Доха
Јаник Синер и Карлос Алкараз ќе добијат 1.200.000 долари само што ќе се појават на АТП 500 турнирот во Доха.
Како што објави италијанскиа „Газета“, организаторите издвоиле огромна сума за да го обезбедат настапот на првиот и вториот тенисер во светот на турнирот во Катар.
Се шпекулира дека слична финансиска понуда била подготвена и за Новак Ѓоковиќ, но српскиот ас реши да го прескокне овој турнир, за да се одмори.
Во текот на својата кариера, Ѓоковиќ двапати ја освои титулата во Доха, додека Синер и Алкараз сè уште немаат трофеј на овој турнир.
Ова ќе биде прв настап на Италијанецот во Катар, додека Шпанецот минатата година стигна до четвртфиналето, каде што беше запрен од Јиржи Лехечка.
Алкараз ќе го отвори натпреварувањето оваа сезона со дуел против Артур Риндеркнеш, додека Синер ќе се соочи со Томаш Махач во првото коло.
Турнирот во Доха ќе се игра од 16 до 21 февруари, а вкупниот награден фонд е 2.80.000 долари.
Foto/ depositphotos
40-годишниот прилепчанец пронајден починат: трагично заврши потрагата по Виктор Илиоски
Семејството и пријателите преку социјалните мрежи се збогуваат од Виктор Илиоски од Прилеп, кој последен пат бил виден во саботата...
ССМ утре од 11 часот ќе ја блокира Владата: Ќе донесеме и одлука за генерален штрајк, видовме дека на маса не нè слушаат
Сојузот на синдикати на Македонија (ССМ) утре во 11 часот со 21 работник ќе ги блокира влезовите во Владата оти...
Полицајци спасија жител на Македонска Каменица кој останал заглавен на тераса во пожар во неговата куќа
Полициски службеници спасија жител на Македонска Каменица, кој беше заглавен на тераса откако настана пожар во неговата куќа, соопшти МВР....
Најкритични во Форино се куќите изградени на помалку од еден метар од коритото на Вардар, извести Црвениот крст
Волонтерските тимови на Црвениот крст се на терен во село Форино, каде по извршената проценка е утврдено дека најкритична точка...
(Видео) Филипче: Законот за високо образование е катастрофално лош, воведува владина контрола врз универзитетите
Сметаме дека предложените измени на Законот за високо образование се катастрофално лоши и наместо унапредување на квалитетот тие воведуваат владина...
Евакуирани 250 лица по поплавите во Кичево, од нив три се бебиња, а 58 деца на возраст од 2 до 10 години
Во општина Кичево, како резултат на поплавите, се евакуирани и згрижени вкупно 250 лица. Од нив, 61 се деца –...
Да не се потпаѓа на шпекулации, Македонија продолжува со дијалог, велат од Транспорт за проблемот со превозниците
Министерството за транспорт апелира да не се потпаѓа на шпекулации и секаков вид непроверени информации кои може да наштетат на...
25-годишник загина во сообраќајка на магистралниот пат Куманово–Крива Паланка
25-годишник загина во сообраќајна несреќа на магистралниот пат Куманово-Крива Паланка, на место викано „Смилчинци“, општина Старо Нагоричане. Како што информираат...
Законот за пушење следната недела пред Владата – фазната имплементација не значи одложување, појаснува Министерството за здравство
Министерството за здравство соопшти дека останува целосно посветено на донесување и имплементација на Законот за заштита од пушење, согласно законските...
Која беше Ленче Делова – актерката од „Чук-чук, Стојанче“ и „Во светот на бајките“ со која растеа генерации
За многумина, таа беше дел од најубавите спомени – насмевката и гласот што нè пречекуваа во „Чук-чук, Стојанче“ и нè...
(Видео) Чесите протестираат поради претседателот во повеќе од 400 градови и општини
Илјадници луѓе се собраа вчера во повеќе од 400 градови и општини низ Чешка во поддршка на либералниот претседател Петр...
Рубио пристигнува во Будимпешта, ќе разговара со Орбан, Сијарто: Ова е златно доба
Американскиот државен секретар Марко Рубио денес ќе се сретне со унгарскиот премиер Виктор Орбан во Будимпешта, а според американскиот Стејт...
Заедничко писмо од германските и британските воени команданти: Постои морална причина за вооружување
Шефот на британските вооружени сили, Ричард Најтон, и неговиот германски колега, Карстен Бројер, се залагаат за поголеми инвестиции во одбраната,...
(Видео) Украинците жестоко нападнаа руски регион: останаа без струја и греење
Украинските напади со беспилотни летала предизвикаа делумни прекини на електричната енергија и греењето во западниот руски регион Брјанск, соопштија локалните...
Масовниот убиец од Бонди Бич се појави на суд, адвокатот: Тој живее во тешки услови
Мажот осомничен за пукањето на прославата на еврејскиот празник Ханука на познатата плажа Бонди во Сиднеј во напад во кој...
30 домови во скопската општина Сарај се под вода по обилните дождови
Повеќе од 30 домови во скопската општина Сарај се поплавени, теренските екипи интензивно интервенираат Градоначалникот Мухамед Елмази објави дека во...
(Видео) Големи поплави во Кичево, ЦУК на терен
Според вонредните информации од Центарот за управување со кризи за состојбата до 17:00 часот со обилните врнежи, во Скопскиот Регион,...
Во Гостивар две деца и нивната мајка останаа заробени во домот поради поплавите
Поради непрестајните врнежи и излевањето на реките, западниот дел на Македонија се наоѓа во вонредна состојба. Во Кичево, стотици семејства...
Обилните врнежи предизвикаа поплави во повеќе региони, во Кичево евакуирани околу 180 лица
Центарот за управување со кризи информира за состојбата по обилните врнежи од дожд заклучно со 12:30 часот, при што се...
Можни излевања на реките, критична состојба во Полошко, Кичевско и Пелагонија
Управата за хидрометеоролошки работи напладне издаде предупредување за значително зголемување на водостојот на реките во западните делови од државата, по...
