Спорт
Убедливи победи на Олимпијакос и Валенсија

Одиграни се седум натпревари во кошаркарската Евролига, на сите од нив победи забележаа домашните екипи. Во Ц групата, Монтепаски го задржа максималниот ефект и по третото коло.
Во Сиена, Монтепаски ја победи Цибона со 80:57. Македонскиот репрезентативец, Лестер Бо Мекејлеб на паркетот мина 22 минути, за тоа време постигна 14 поени, на кои продаде еден скок и 4 украдени топки.
Во А групата, Химки и го нанесе првиот пораз на Каха Лаборал, во победата од 64:60, Легфорд постигна 19, Езе 14, а Планиниќ 13 поени. Во оваа група во драматичен меч, дури по дополнителните пет минути, Жалгирис го совлада Проком со 74:68.
Во Б групата Олимпијакос ја растури Уникаха победувајќи ја со 93:66. Бурусис и Папаниколау со по 17 поени беа најефикасни во победничката екипа. Бамберг ја забележа втората победа во новата сезона откако на домашен паркет ја победи Шарлроа со 79:69.
Во Д групата, во Истанбул, Ефес Пилсен лесно се справи со Армани Џинс. Ракочевиќ постигна 16, а Тунчери 15 поени во победата на Ефес од 82:74. Во вториот меч во оваа група, Валенсија убедливо ја совлада ЦСКА Москва со 82:57.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Крај на приказната, Тадиќ нема да ја засили Црвена звезда

Душан Тадиќ нема да ја засили Црвена звезда, кариерата ќе ја продолжи во странство.
Според сознанијата на „Спорт Клуб“, Тадиќ уште еднаш ѝ се заблагодарил на Црвена звезда за поканата и приказната тука завршува.
Тадиќ имал малку поопуштен став, оставил простор евентуално да дојде во Звезда, но сепак останал доследен на чувството дека концептуално не се вклопува во тој клуб.
Исто така и челниците на српскиот шампион го загубиле трпението, бидејќи планирале Тадиќ да го имаат во тимот за двомечот со Лех Познањ, во третата квалификациска рунда во Лигата на шампионите.
Финансиската понуда е добра, како и улогата во тимот, но Тадиќ одлучил дека нема потреба да игра за Звезда во кариерата.
Можно е Тадиќ да замине во Саудиска Арабија.
Спорт
Ненадејно почина Жорге Кошта, легендарниот капитен и икона на Порто

Почина Жорге Кошта (53), поранешен португалски фудбалер и легендарен капитен на Порто.
Во сино-белиот дрес, тој освои осум титули во лигата, Лигата на шампионите и Интерконтиненталниот куп, а со репрезентацијата беше светски шампион до 20 години.
Информацијата за смртта ја потврди болнички извор, јавува португалското радио „Ренасенса“.
Според болницата „Сао Жоао“, Коста „доживеал кардиореспираторен застој во одделот за итни случаи и бил прогласен за мртов“. Поранешниот фудбалер доживеал срцев удар во 2022 година и бил подложен на катетеризација.
„Во текот на својот живот, на теренот и надвор од него, Жорге Кошта ги отелотворувал вредностите што го дефинираат ФК Порто: посветеност, лидерство, страст и непоколеблив победнички дух. Тој ги обележа генерациите навивачи и стана најголем симбол на клубот“, се вели во соопштението. „Никогаш нема да бидш заборавен, капитене“, соопшти клубот.
Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.