Спорт
МЗТ победи во вечното дерби

Вечното дерби на Мак-баскетот заврши со победа на МЗТ, „металците“ го победија големиот ривал Работнички со 60:62 ( 13:15, 18:18, 15:19, 14:10).
Ненад Зивчевиќ, поранешниот играч на Работнички му пресуди на својот поранешен клуб, погодувајќи ги клучните слободни фрлања на 17 секунди до крајот на мечот. Зивчевиќ беше најефикасен во редовите на МЗТ со 16 поени на кои придодаде 10 скока и 2 асистенции. Со двоцифрен број на поени во екипата од Аеродром натпреварот го завршија Тони Грнчаров (12 поени, 10 скока) и Кирил Николовски (11 поени, 9 скока).
На спротивната страна тимот од Градски парк го предводеше ветеранот Перо Блажевски со 21 кош и 9 скока, Златко Гоцевски постигна 18 поени од кои 14 во втората четвртина кога не му дозволи на противникот да се одлепи на пристојна разлика.
Дербито двата тима го започнаа многу нервозно, како играчите да беа импресионирани од присуството на 6.000 публика. По почетните 6:6, МЗТ се одлепи на 13:8. Во првиот период „црвено-белите“ имаа очаен шут за три поени, не погодија ниту еден од петте обиди. Втората четвртина повторно подобро ја отворија играчите на МЗТ, стигнаа до највисоката предност од осум поени, но Работнички во игра го врати Гоцевски, во овој период тој постигна 14 од 18-те поени на тимот.
Настаните на ист начин се одвиваа и во вториот дел, МЗТ ја имаше, а Работнички ја бркаше предноста на противникот. Проблемите на екипата од Градски парк се зголемија кога првиот плејмејкер Мираковски влезе во проблеми со личните грешки.
Вистинските возбудувања дојдоа во последната четвртина, Работнички ја отвори фуриозно не дозволувајќи му на противникот да постигне кош речиси пет минути, и негативата од шест поени со серијата од 11:0 ја претвори во позитива од пет коша 57:52. МЗТ во тие моменти покажа карактер, на серијата на противникот одговори со своја од 6:0, во последните 20 секунди Стефанов израмни на 60:60, Зивчевиќ ги погоди слободните со кои на МЗТ му ја донесе победата.
„Одлично е да се победи во еден ваков амбиент, но морам да признаам дека немаше да биде незаслужено доколку победата му припаднеше на Работнички. Поголемиот избор на играчи кои ги имав на клупата беше пресуден за конечниот резултат, имав повеќе можност за измени и со пресингот кои го одигравме во одбраната го добивме натпреварот“, изјави веднаш по натпреварот тренерот на МЗТ, Александар Петровиќ.
По овој натпреварот, Работнички и МЗТ се израмнети според учинокот во првенството, двата тима имаат по пет победи и еден пораз, лидер на табелата е Фени Индустри со максимални шест победи. Во следното коло, кое ќе се одигра викендов МЗТ ќе го пречека Пелистер, а Работнички ќе му гостува на Овче Поле.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Влаховиќ ги прифатил условите, се сели во Милан

Душан Влаховиќ, како што сега стојат работите, кариерата ќе ја продолжи во Милан.
Јувентус долго време сака да се ослободи од Влаховиќ, особено поради неговата висока плата, и се чини дека во Торино нашле решение
„Старата дама“ ја одреди цената. Јувентус би го пуштил Влаховиќ за 30 милиони евра. Тоа е повеќе од 50 милиони евра помалку отколку кога го доведоа од Фиорентина во 2022 година. Јуве за Влаховиќ на Фиорентина 81,6 милиони евра.
На крајот, Јувентус ќе го пушти Влаховиќ за помалку од 30 милиони.
Големиот ривал на Јувентус, тимот на Милан предводен од клупата од поранешниот тренер на Влаховиќ, Масимилијано Алегри ќе го ангажира Србинот.
Милан, според италијанските медиуми, му понудиле на Влаховиќ плата помеѓу шест и седум милиони евра. Јувентус ќе добие 15 милиони евра и во Торино ќе се пресели Алексис Салемакерс.
Спорт
Карабаг ќе игра во главната фаза во Лигата на шампионите

Фудбалерите на Карабах втор пат в клупската историја се квалификуваа во главната фаза од Лигата на шампионите.
Клубот од Азербејџан загуби во реваншот од плејофот против Ференцварош со резултат 2:3, но победата од 3:1 во првиот натпревар беше доволна за пласман.
Почна добро за гостите од Унгарија. Во 12-та минута, Јозеф искористи додавање од искусниот Варга и постигна гол. Сепак, до крајот на првото полувреме, практично сè беше решено. Карабах израмни во 25-та минута преку Андраде, а непосредно пред крајот на полувремето, пресврт напави Зубир.
Ференцварош имаше речиси невозможна задача. Варга, сепак, ги разгоре надежите со гол во 55-та минута од пенал, а Тот најави комплетна офанзива со гол во 82-та минута.
Ференцварош ги фрли сите карти во нападот, но не можеше да постигне гол што ќе ги однесеше во продолжение.
Карабаг е вториот тим од самиот исток на Европа што ќе игра во лигашката фаза од Лигата на шампионите. Каират од Казахстан, исто така, направи голем подвиг еден ден претходно.
На патот до главната фаза, Карабаг во третото коло ја елиминира Шкендија.
Спорт
Ѓоковиќ со загубен сет до третата рунда на Ју-ес опен

Новак Ѓоковиќ е во третото коло на Отвореното првенство на САД. Најдобриот во историјата го победи квалификантот Закаријас Сваида (145-ти на АТП) листата со 6:7 (5:7), 6:3, 6:3, 6:1 по два и пол часа на стадионот „Артур Еш“.
Луден меч одигра Србинот, без многу енергија. Веројатно поради фактот што излезе на теренот невообичаено рано.
Новак беше далеку од врвно ниво. Сепак, успеа да го најде вистинскиот ритам откако го загуби првиот сет и на крајот славеше рутински.
„Да бидам искрен, не беше баш најдобро. Не играв најдобар тенис од самиот почеток. Зак играше висококвалитетен тенис во одредени фази од натпреварот. Честитки. Многу е важно и добро за него што остана на теренот и покрај проблемите. Сет и пол ме туркаше да играм најдобро што можам.
Ми се чини дека колку подалеку одам на Гренд слем турнирите, толку поудобно се чувствувам. Закрепнувањето по тешките натпревари е многу важно. Ова се некои работи што се рутински. Благодарност до сите што ме бодреа“, рече Ѓоковиќ
Негов следен противник ќе биде подобар од Камерон Нори (Велика Британија) – Франциско Комесања (Аргентина).
Foto/ EPA/SARAH YENESEL