Атлетико Мадрид триумфираше над Валенсија со 3:1 за да се одвои на седум поени предност на врвот на Ла лига пред градскиот ривал Реал Мадрид и тоа со натпревар помалку, откако Жоао Феликс, Луис Суарез и Анхел Кореа стрелаа откако претходно „лилјаците“ дојдоа до шокантно водство на „Ванда Метрополитано“.

Србинот Урош Рачиќ во 11. минута од мечот постигна еден од најубавите голови во Ла лига оваа сезона, удар кој ниту Јан Облак немаше шанси да го стигне. Жоао Феликс во 23. минута успеа да израмни на 1:1 со интересен гол, по што во второто полувреме, „рохибланкос“ ја презедоа контролата – Суарез го постигна својот 12. гол во 15 меча оваа сезона во 54. минута, за Кореа да го потврди триумфот во 72. минута.

Тимот на Диего Симеоне сега има 47 поени на врвот од табелата по 18 меча, додека со 19 одиграни меча, Реал е втор со 40, а Барса трета со 37 поени. Валенсија е само 14. со 20 освоени поени досега и само четири победи.

Фаворитите Франција и Шведска не дозволија никаква неизвесност околу нивниот пласман во четврт-финалето на Светското првенство во Египет, стигнувајќи до убедливи победи во последните мечеви од втората групна фаза на Мундијалот.

Избегнувајќи секакви „комбинаторики“, Французите го одиграа најдобриот меч на првенството, доминирајќи над Португалија и стигнувајќи до победа од 32:23 за прво место во групата 3 пред Норвешка, а во исто време Шведска исто толку беше супериорна над Русија, победувајќи со неверојатни 14 гола разлика (34:20) за да го освои првото место во групата 4 пред Египет.

Освен на почетокот на мечот, кога двапати Португалија имаше по гол предност, Франција ја имаше контролата на играта, правејќи дури +10 во второто полувреме. Иго Деска имаше осум гола за „триколорите“,  по пет уфрлија Н’Гесан и Мем. Шведска, пак, работите ги реши уште во првото полувреме, кога имаа дури девет гола предност против Русија (17:8)

Швеѓаните во четврт-финалето ќе се сретнат со второпласираниот од групата 2, каде што во игра уште се Данска, Аргентина и Хрватска, додека Французите ќе играат со второпласираниот во групата 1, Унгарија или Шпанија.

СП ЕГИПЕТ, ВТОРА РУНДА

ГРУПА 3

Алжир – Швајцарија 24:27 (13:15)

Исланд – Норвешка 33:35 (18:18)

Португалија – Франција 23:32 (12:16)

Табела: 1.Франција 10, 2.Норвешка 8, 3.Португалија 6, 4.Швајцарија 4, 5.Исланд 2, 6.Алжир 0

ГРУПА 4

Македонија – Белорусија 26:30 (14:14)

Словенија – Египет 25:25 (14:8)

Русија – Шведска 20:34 (8:17)

Табела: 1.Шведска 8, 2.Египет 7,  3.Словенија 6, 4.Русија 5, 5.Белорусија 4, 6.Македонија 0

Македонија имаше неславен настап на Светското првенство во ракомет во Египет, со една победа и пет порази во шест меча, но никој не може да ја потцени големината на нашиот капитен, Кирил Лазаров, кој стигна до митската бројка од 500 гола во македонскиот дрес на големите натпреварувања, 22 години по неговиот прв настап на СП, токму во Египет во 1999 година.

Тој со право беше прогласен за играч на мечот по поразот од Белорусија, а во негова чест претходно ИХФ направи интересна компилација од неговите настапи за македонската репрезентација.

 

View this post on Instagram

 

A post shared by IHF (@ihf.official)

Lazarov the Great 🇲🇰 #Egypt2021

22 years after his first IHF World Championship, precisely in Egypt, a thankful @LazarovKiril7 looks back at his most glorious days with the North Macedonia jersey 🙌

Full feature ▶️ https://t.co/qfVIZDdyyB pic.twitter.com/4wwQbFiYE5

— International Handball Federation (@ihf_info) January 24, 2021

Llegó el fin de una era.

🇪🇬 1999
🇭🇷 2009
🇪🇦 2013
🇶🇦 2015
🇫🇷 2017
🇩🇪🇩🇰 2019
🇪🇬 2021

Kiril Lazarov se despide de los Mundiales. ¡Leyenda! pic.twitter.com/1wknPObvFF

— Asier Oiarbide (@AsierOiarbide) January 24, 2021

Пораз од Белорусија за крај на катастрофалното СП за Македонија