Марта Басино го освои вториот последователен велеслалом во два дена во словенечкиот ски-центар Крањска Гора за своја четврта победа во дисиплината оваа сезона.

Италијанката има неверојатен скор оваа сезона – две трки во велеслалом не ги заврши, но четирите кои ги заврши, ги заврши на првото место. Таа во неделата беше на второто место зад Микаела Шифрин по првото возење, но Американката направи големи грешки во вториот дел од патеката и на крајот заврши како шеста.

Второто место ја освои Швајцарката Мишел Гисин, додека место на подиумот имаше и за домашната надеж, Мета Хроват, за која ова е само трет подиум во кариерата. Во женскиот Светски куп следуваат брзинските трки во Кран Монтана, Швајцарија, каде што ќе се возат спуст и супер-џи.

Marta Bassino claims her fourth World Cup Giant Slalom win of the season ⛷🥇

What a weekend for the Italian in Kranjska Gora 👏 pic.twitter.com/ooufWXq1fT

— Eurosport UK (@Eurosport_UK) January 17, 2021

Иако можеби пропушти да направи голема фудбалска кариера, банкротираше и направи многу сомнителни избори во својот живот, поранешниот фудбалер на Реал Мадрид, Ројстон Дренте овојпат ја покажа и својата најдобра страна.

33-годишниот Холанѓанец, кој неодамна потпиша за шпанскиот третолигаш Расинг Мурсија каде што веднаш беше на критиките поради вишокот килограми, тој покажа дека знае да прави добри дела. Дренте објасни дека видел бездомник во супермаркет кој немал доволно пари да си купи храна, а откако му понудил пари, вработените во супермаркетот го одбиле тоа, за на крај тој да му купи јадење.

„Ништо пријателу, ова е за тебе. Го купив и не сакам ништо назад, нема потреба. Дали си за Мурсија?“, вели Дренте во видеото.

Подоцна тој објасни дека човекот во себе имал само 20 центи, па тој решил да му помогне.

👏👏 Lección de humanidad de Drenthe con un sintecho a la puerta de un supermercado en Murcia pic.twitter.com/dTdlgXU1d8

— MARCA (@marca) January 17, 2021

View this post on Instagram

A post shared by Royston Ricky Drenthe (@roya2faces)

Капитенот на Ливерпул, Џордан Хендерсон пред големото дерби против Манчестер јунајтед зборуваше за огромната почит која сите во клубот ја имаат кон противничкиот напаѓач Маркус Рашфорд за неговата работа во добротворни цели.

Рашфорд во текот на пандемијата на КОВИД-19 делумно стана активист, борејќи се со детската сиромаштија, поведувајќи неколку кампањи за доделување на храна на учениците кои не одат на училиште.

Менаџерот на Ливерпул, Јирген Клоп во октомври изјави дека е горд на Рашфорд, а сега Хендерсон иако признава дека нема да има простор за сентименалности во дербито, вели дека мора да му се оддаде почит на Рашфорд, кој ја продолжи и добрата форма на теренот со 14 гола и 9 асистенции ова сезона.

„Овојпат, ќе го ставиме ривалството на страна и ќе му оддадеме почит на еден од фудбалерите на Јунајтед, и мислам дека сите фанови ќе ме поддржат во тоа, бидејќи се работи за Маркус Рашфорд. Тоа што го направи тој во последните 12 месеци е неверојатно. Се бореше против сиромаштијата, даде глас на децата кои го немаат тоа, и ја искористи својата репутација да помогне на другите. Секоја награда и секоја пофалба која ја добива, не само што е заслужена, туку и е премалку. Енди Робертсон неодамна кажа дека Маркус би бил првиот фудбалер на Јунајтед кој би добил аплаузи и овации од публиката на ‘Енфилд’. Тоа нема да се случи сега, но се надевам дека тој знае дека сите во Ливерпул имаат целосна почит кон него. Тој е пример за сите. Имам среќа што го имам како колега во англиската репрезентација, но денеска тоа нема да важи и знам дека и тој го мисли истото. Денеска е ден за ривалство“, вели Хендерсон.