Контакт

Спорт

Ливерпул се разбуди против шампионот

Објавено пред

Раните од својот најлош старт во последниве 56 сезони „редсите“ успеаја да ги залечат со победата врз актуелниот шампион Челзи од 2.0, а Манчестер сити освои вредни три бода на гостувањето кај ВБА во последните два меча од неделната програма од 11-то коло на англиската Премиершип

Дербито коешто повеќе пред почетокот на мечот беше тоа според титулите што ги имаат зад себе двата клуба, отколку според моменталните форми на екипите и позициите на табелата на англискиот фудбалски шампион, сепак докажа зошто одредени дуели се нарекуваат токму дерби и нивната завршница никогаш не може однапред да се предвиди.Јунак на овој дуел на „Ејнфилд“ беше шпанскиот репрезентативец Фернандо Торес со двата гола, во 11. и во 44. минута. Иако и тој како и целата екипа на Ливепрул годинава тешко влегуваат во потребната форма, на Торес најверојатно Челзи „му лежи“ и тој веќе со овие два, забележа веќе шест постигнати голови против „сините“ од Лондон. Исто така, за одбележување е што Челзи кој има извонредно ефикасен напад, на овој меч не успеа ја затресе мрежата на противникот. Првиот гол на Торес беше постигнат откако Дирк Кајт со полувисока прецизна топка го проигра во противничкиот шеснаесетник а овој одлично ја спушти пред себе му избега на Тери и од осум метри пласираше крај Петр Чех. Вториот гол исто така беше дело на еден врвен стрелец кој докажа зошто повеќето богати европски клубови во преодниот рок сакаа да ја искористат беспарицата на Ливерпул и да го доведат во своите редови. Торес во 44. минута ја прими топката на левата страна и се втурна во казнетиот простор на Челзи и со одличен шут со внатрешен фелш по вторпат го совлада Чех.Водството на Ливерпул на полувремето беше сосема заслужено, бидејќи беше многу поконкретната во нападот и подобрата екипа во полето. Затоа, пак, како и што се очекуваше Челзи во вториот дел тргна жестоко бркајќи ран гол што ќе му овозможеше поспокојно да оди на изедначување без многу да ризикува во одбраната. Според статистиката во првиот дел од второто полувреме, речиси 70 отсто од времето топката мина на половината на Ливерпул, но Челзи успеа за тоа време да направи само две зрели шанси за постигнување погодок. Прво Пепе Реина од непосредна близина го спречи Малуда да поентира, а потоа и опасниот шут на Никлас Анелка со рака го сврти кон гредата. Шампионот на крајот излезе и среќен што од 18-тиот Ливепрул е поразен само со два гола, затоа што во завршницата „редсите“ пропуштија две стоотстотни шанси за постигнување погодок. Прво остриот шут на Кајт го одбрани Чех, а подоцна Макси Родригез откако изби сам пред него наместо веднаш да поентира се обиде да изведе атрактивна завршница во што беше спречен. Притоа поголемиот дел од домашните навивачи и играчи сметаа дека Чех го фаулираал напаѓачот на „редсите“, но авторитетниот Хаурд Веб не беше убеден во тоа. Вредно е да се спомене дека Карло Анчелоти својот голгетер Дидие Дрогба го стави во игра дури во вториот дел од мечот, но тоа не придонесе нешто квалитативно да се смени во нападот на лондонците. Мината година Ливерпул во двата првенствени меча беше совладан од Челзи со 2:0. Ова е трета победа во низа на Ливерпул, две во првенството и една во Лигата на Европа, со што назначува дека дефинитивно излегува од големата кризата која траеше последните години а кулминираше на почетокот од сезонава. Манчестер сити на гостувањето кај Вест бромвич албион ги потврди своите високи амбиции годинава. ВБА по 11 месеци првпат капитулираше во првенствен меч на свој терен, а виновник за тоа беше засилувањето на манчестерските „граѓани“ од европскиот шампион Интер, Марио Балотели. Првиот гол Балотели го постигна во 20. минута по комбинацијата со капитенот Карлос Тевез кој се врати во тимот по паузата заради повредата, а вториот го постигна шест минути подоцна откако беше пронајден со добар центаршут од Давид Силва. Балотели ги постигна своите први голови за Манчестер сити, но ова беше само трет натпревар за 20-годишниот италијански интернационалец во синиот дрес. Тој инаку имаше подолг период на закрепнување по операцијата на коленото. Но Балотели и во новата средина не го смени својот карактер и нескротлив темперамент па во 63. минута откако грубо го фаулираше Јусуф Мулубу го заработи вториот жолт картон и исклучувањето. Првиот жолт картон инаку го доби само три минути претходно. Чели останува на врвот на табелата со 25 бодови, втор е Манчестер јунајтед со 23, а Арсенал и Манечстер сити имаат по 20  бодови, а петти е повратникот Њукасл со 17 бодови, од кои последните три ги освои совладувајќи го во ова коло Арсенал на неговиот „Емирати“. По поразот во Лигата на шампионите од аутсадерот Шахтјор, лондонските „топчии“ доживеаја уште еден пораз во меч во кој важеа за апсолутен фаворит. Погодокот кој ја донесе сензацијата на стадионот „Емирати“ го постигна Енди Карол во 45. минута, по грешката на голманот Фабиански. Арсенал доживеа уште една непријатност, бидејќи во судиското продолжение беше исклучен и Лорент Косчиелни. Во саботата, пак, Парк Ји-Сунг постигна извонредни два погодока од кои вториот во третата минута од судиското продолжение со што на Манчестер Јунајтед му донесе победа над Вилверхемтон. Јунајтед беше на прагот непријатно да биде изненаден пред своите навивачи од фенерџијата Вулверхемптон волвс. Сепак јужнокорејскиот репрезентативец од средината на теренот Парк Ји-Сунг не го дозволи изненадувањето со двата погодока, и двата во судиското продолжение на крајот од двете полувремиња, во 45. минута и во 90+3. минута, откако во меѓувреме изедначи за гостите Силвејн Ибенкс-Блеј во 66. минута со одличен шут. На овој меч, за „црвените ѓаволи“ во игра влезе Овен Харгрејвс по неговото дури двегодишно отсуство од фудбалските терени. Поранешниот играч на Баерн Минхен, по санирањето на повредата сега се соочува со психолошкиот предизвик од настапи во врвниот фудбал. Тој од септември 2008 г. има одиграна само една минута во тимот на Манчестер јунајтед. Харгрејвс беше заменет уште во 10 минута од Бебе иако неговата игра беше иста како и на целиот тим, но сепак ја имаше најдобрата шанса во првиот дел за „црвените ѓаволи“ кога неговиот остар шут кон противничкиот гол беше изблокиран. И Бебе подоцна, во 74. минута беше заменет од Мачеда. Јунајтед влезе на овој натпревар со повеќето играчи кои беа зафатени од настинката, вклучувајќи ги и Немања Видиќ, Патрис Евра и Пол Сколс, кои се разболеа на патувањето од во Турција на мечот од Лигата на шампионите, за што сер Алекс Фергусон и пред натпреварот најави дека не очекува стоотстотно залагање на своите играчи. Тие многу тешко се справуваа со одбраната на „волвсите“, а најгоелми проблеми им задаваше Мет Џарвис, како што тоа го стори и против Манчестер сити минатата недела. Гостите инаку беа блиску до отворање на резултатот кога шутот на Ненад Милијаш заврши во телото на еден играч од одбраната на Манечстер јунајтед. А пет минути подоцна и Стивен Хант не успеа во двојното проигрување со Џервис. Така водството на Јунајтед дојде како изненадување, бидејќи дотогаш неговите играчи не може да направат повеќе од неколку проигрувања во нападот.. Но во преден план на овој меч излезе огромното натпреварувачко искуство на домашните играчи, особено кога Дарен Флечер од левата страна нафрли една прецизна и употреблива топка, која го пронајде Парк зад одбраната на гостите во шеснаесетникот кој го матираше гостионскиот голман Маркус Ханеман. Кога се очекуваше дека Јунајтед го проби мразот и дека во вториот дел ќе одигра рутински за сигурна победа, гостинскиот менаџер Мик Мекарти во игра го внесе поранешниот млад играч на Манчестер, Ибенкс-Блејк кој го донесе изеднаувањето.По ова играчите на Манчестер кои се надеваат дека сезонава некако ќе се доберат до титулата, тргнаа во потрага по другите два бода, бидејќи губењето на бодовите на вакви мечеви против аутсајдерите значи и големо намалување на шансите а врвот на табелата. Но за среќа денеска го имаа Парк кого очигледно вирусот го одмина и во последните моменти од мечот успеа да спаси три бода кои уште пред почетокот на првенството беа впишани на контото на „црвените ѓаволи“.Претходно во саботата Болтон и Тотенхем во првиот меч од 11-то коло на англиската фудбалска лига одиграа многу интересно второ полувреме во кој на крајот домаќините славеа со 4:2. Јунак на домаќините беше Кевин Дејвис со погодоците во 31., 76. од пенал и во 90+4. минута, и Гретан Стеинсон во 56. минута, додека а „спарсите“ надеждта ја подгреаја Хатон во 79. и Пављученко во 87. минута.Во сабота Блекбурн роверс на својот „Идвуд парк“ со 2:1 го совлада Виган атлетик. Головите ги постигнаа за домаќините Педерсон во 58. и Робертс во 68. минута, додека за гостите намали Нзогбиа во 74. минута. Сандерлен го совлада дома Сток сити со 2:0 со головите на А.Гиан во 9. и 86.минута, а Фулам и Астон вила ги поделија бодовите, откако гостите поведоа во 42. минута со голот на Олбрајтон а домашните изедначија дури во петтата минута од судиското продолжување преку Хангеланд. Евертон во низа успеава и натаму да остане непоразен. На гости кај Блекупул одигра 2:2 двапати брзо анулирајќи го водството на домашните. Стрелци за домашните беа Иардли во 10. и Воган во 48. минута, а за Евертон изедначува Кејхил во 13. и Колеман во 50. минута.И Бирмингем и Вест хем јунајтед одиграа 2:2, но во овој натпревар домашните успеаја да го стигнат убедливото водство на гостите. Вест хем поведе со 2:0 преку Пикуен во 48. и Бехрами во 58. минута, а Бирмингем изендачи преку Џером во 64. и Ридџгвел во 73. минута.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

Пирло: Полошо од ова не може

Објавено пред

Јувентус, без вистинска борба, синоќа беа поразени во дербито од Интер (2:0). Фудбалерите на Андреа Пирло го одиграа најлошиот натпревар во сезоната и по поразот паднаа на петтата позиција на табелата.

„Не можевме да одиграме полошо од ова. Не се појавивме на теренот, бевме многу лоши. Се исплашивме од напаѓачката игра на Интер, бевме насочени кон одбраната на својот гол. Не бевме агресивни. Му дозволивме на Интер да го диктира ритамот на натпреварот. Не бевме агресивни“, изјавил тренерот Пирло по поразот на „Џузепе Меаца“.

„Нашите амбиции остануваа исти. Болно е кога ќе загубие на ваков начин од силен противник, но вакви работи се случуваат. Разочаран сум од ставот на моите фудбалери“, заклучил Пирло.

Прикажи повеќе...

Спорт

Кукавички потег на Меси, без топка удри противнички играч

Објавено пред

Лионел Меси синоќа го доби првиот црвен картон во дресот на Барселона. Каталонците беа поразени синоќа во Суперкупот на Шпанија од Атлетик Билбао (2:3), а Аргентинецот беше исклучен во 120. минута.

Меси, без топка, го нокаутира напаѓачот на Атлетик, Асиер Виљалибре.

Судијата Хесус Хил Манзано, по изгледаната снимка, го исклучи најдобриот фудбалер на Барселона.

За Меси, ова е трет црвен картон во кариерата, претходно двапати, во 2005 и 2019 година бил исклучен во дресот на Аргентина.

Меси се соочува со жестока казна. Ваков прекршок, според правилникот на Ла Лига, се казнува со суспензија од четири до 12 натпревари.

 

Прикажи повеќе...

Спорт

Чупиќ заминува од Вардар

Објавено пред

Иван Чупиќ по завршувањето на сезоната ќе го напушти Вардар. Специјализираниот ракометен поратал, Planet Handball, објави дека десното крило ќе се врати во Загреб.

Според овој извор, Чупиќ, со Загреб ќе потпише три годишен договор.

Иван Чупиќ, пет сезони е во Вардар, тој даде голем придонес во освојувањето на двете титули во Лигата на шампионите.

Прикажи повеќе...

Најново

Македонија1 час

Заев: Од Србија ќе добиеме 8.000 вакцини на „Фајзер“

Србија ќе ни отстапи 8.000 вакцини од „Фајзер“, a потоа можеби и ковид-вакцини од другите производители. Премиерот Зоран Заев соопшти...

Македонија2 часа

Институтот за трансфузиологија апелира: Донирајте крвна плазма, помогнете им на оние што се борат со Ковид-19

Од Институтот за трансфузиона медицина информираат дека се обезбедени 802 единици конвалесцентна плазма за третман на пациенти заразени од Ковид-19...

Европа2 часа

Во Германија откриена досега непозната мутација на коронавирусот

Според германските медиуми, на клиниката „Гармиш-Партенкирхен“ е пронајден нов, досега непознат вид коронавирус. Во болницата во Гармиш-Партенкирхен 73 пациенти и...

Регион2 часа

Земјотрес со јачина од 4,2 степени го погоди Крит

На грчкиот остров Крит се почувствува земјотрес, а епицентарот беше во морето, на 52 километри североисточно од Ситија, објави атинскиот...

Свет2 часа

Захарова им порача на критичарите на апсењето на Навални да се занимаваат со своите проблеми

Портпаролката на руското Министерство за надворешни работи, Марија Захарова, се јави по повод пораките од политичарите за итно ослободување на...

Регион3 часа

Во Хрватска вакцинирани речиси 46.000 лица, кај 80 забележани лесни несакани ефекти

До овој викенд вакцинирани се речиси 46.000 граѓани во Хрватска, а 80 од нив имаат претежно лесни несакани ефекти, изјави...

Свет4 часа

Портпаролката на Навални: Не знаеме што се случува со него и каде го одведоа

Заводот за извршување кривични санкции во Русија објави дека опозиционерот Алексеј Навални, кој беше уапсен синоќа на враќање од Германија...

Свет4 часа

Австралија годинава нема да ги отвори границите, дури и ако мнозинството граѓани се вакцинираат

Австралија можно е да не ги отвори целосно своите меѓународни граници годинава, дури и ако мнозинството од населението е вакцинирано...

Свет4 часа

Уапсен функционер од Ново Мексико за нападот врз Капитол

Министерството за правда на САД објави дека е уапсен функционер од Ново Мексико во врска со нападот на Капитол на...

Свет15 часа

Претседателот на Европскиот совет повика на итно ослободување на Навални

Претседателот на Европскиот совет, Шарл Мишел, повика на итно ослободување на рускиот опозициски лидер, Алексеј Навални, откако беше приведен по...

Топ15 часа

25-годишен прилепчанец загина за време на лов

Дваесет и петгодишен прилепчанец бил застрелан во атарот на мариовското селото Витолиште, додека со пријателите бил на лов на диви...

Свет16 часа

(Видео) Снег во Сахара

Додека јануари носи снег во многу краеви на светот, во Сахара или на Блискиот исток тоа не е толку вообичаено....

Свет17 часа

(Видео) Навални приведен по слетувањето во Москва

Рускиот опозициски политичар, Алексеј Навални, слета на аеродромот Шереметјево во Москва, по што беше приведен. Неговиот авион беше пренасочен од...

Регион17 часа

Рама не отстапува од она што го кажа за вакцините, и покрај тоа што Франција го нарече анти-ЕУ

Не нападнав пријател, туку говорев за конкретната ситуација со вакцините и не остапувам ниту запирка од она што го кажав....

Македонија21 час

Нови 190 случаи на коронавирус, оздравени се 2.009 пациенти, а починаа 6 лицa

Во последните 24 часа се направени 1.530 тестирања, а регистрирани се 190 нови случаи на ковид-19 во: Скопје-71, Куманово-19, Тетово-6,...

Македонија21 час

Мицкоски со Орбан и Јанша ќе разговара за бугарското вето

Претседателот на ВМРО-ДПМНЕ, Христијан Мицкоски и потпретседателот Александар Николоски, во наредните неколку дена ќе остварат дипломатски посети и средби со...

Македонија24 часа

Полицијата растури две домашни забави во Скопје, приведени се 13 лица

Приведени се 13 лица на две домашни забави во Скопје, бидејќи не ги почитувале мерките за заштита од Ковид-19. Од...

Свет1 ден

Трите одлуки на Бајден по преземањето на власта

Новоизбраниот претседател на САД, Џо Бајден планира да преземе чекори за поништување на некои од контроверзните одлуки на администрацијата во...

Спорт1 ден

Тенисерите бесни на Австралија опен, 47 од нив завршија во изолација

Повеќе тенисери и тенисерки се пожалија дека организаторите на Австралија опен ги смениле најавените правила за карантин поради Ковид-19, по...

Регион1 ден

Грција почна со масовна вакцинација на населението, на Крит вакциниран стогодишник

Вакцинацијата на населението во Грција започна вчера,со приоритет во првата фаза за лица постари од 85 години. По вакцинацијата на...

Досие