Спорт
Ел мадрилено за „кралевите“

Реал во мадридското дерби забележа уште една победа против градксиот ривал Атлетико, додека на другиот крај од шпанската престолнина лутиот ривал Барсселона го одржа чекорот совладувајќи го со 3:1 Хетафе во неделните вечерни натрпевари од Ла Лига
Изминаа 4.026 денови или 11 години откако на 30-ти октомври 1999 г. мадридски Атлетико го совладал Реал во градското дерби, со 3:1. Но тогаш за мадридските црвено-бели фудбалери кои оставија големи траги во шпнаскиот и евроспкиот фудбал – Молина, Гаспар, Гамара, Шамот, Капдевиља, Агилера, Бејбл, Бараха, Солари, Хосе Мари и Хаселбанк. Тогаш стречлци беа Хаслебанк со два гоал и Хосе Мари, а за Реал стрелец беше Мориентес. Во недела навечер, оваа импозантна серија на „кралевите“ беше дополнително продолжена.На својот „Антјаго Бернабеу“ годинава моќниот Реал уште еднаш потврди дека е далеку подобар од својот градски ривал, победувајќи со 2:0. Победата беше остварена во првите 20 минути , откако во 13. минута една одбиена топка од одбраната на Атлетико беше свртена кон Рикардо Карваљо кој пласираше крај противиничкиот гол, и во 19. минута кога одбраната на Атлетико смотано реагираше на убаво изведениот слободен удар од левата страна од турскиот репрезентативец Месут Озил.Екипата на Жозе Мурињо севкупно беше подобра, иако и условно речено гостите имаа свои шанси, особено во вториот дел кога беа и пдобриот противник. Притоа, се чини дека во првото полувреме беа оштетени, откако не беше досуден пенал за Атлетик кога топката на патот кон мрежата на Икер Касиљас погоди негов соиграч во раката.Победата на Реал инаку беше навестена уште во 7. минута кога Кедира по прецизните проигрувања во противничкиот шеснаесетник постигна погодок но беше поништен заради офсајд наместо во празната мрежа шутираше крај голот. Претходно Барселона со победата од 3:1 над Хетафе два часа престојуваше на врвот од Примера. Погодоците за Барса ги постигнаа Лиоенл Меси во 23. , Давид Виља 35. и Педро 65. минута, а Ману дел мора во70. Минута од пенал го постигна почесниот погодок за домаќините. Во мечот во кој победникот беше однапред познат, каталонците заради црвен картон добиен во 69. минута го заубија за следните два меча Жерар Пике, а кај Хетафе во 80. минута беше исклучен Дерек Боатенг. Во другите неделни мечеви од шпанксиот фудбалски шампионат Алмериа и Спортинг одиграа 1:1, со головите на Корона во 15. и Ново во 73. минута. Депортиво Ла Коруња во гости со 2:1 го совлада Леванте, со головите на рики во 10. и Аутами во 52. минута а домаќините го ублажија поразот со голот на Хуанлу во 72. минута. Осасуна го декласираше Херкулес со 3:0 со головите на Монреал во 40., Лоло 55, Вадошч 90+2.Виљареал високо го попрази Атлетик Билбао со 4:1 со головите на Нилмар во 39., Казорла во 44, Роси во 84. и Монтеро во 90+2. минута, иако гостите преку Љоренте поведоа уште во 6. минута од мечот.Сарагоса и Мајорка одиграа трилер натрпевар кој заврши со домашната победа од 3:2 в о кој домаќините дојдоа до победата во последните десет минути од мечот. Гостите поведоа со голот на Вебо во 19. минута, а домашните изедначија преку Лафита во 56., но Мајорка по само четири минути во 60. преку Переира повторно дојде во водство. Сарагоса изедначи во 84. минут апреку Бертоло а во четвртата минута од судиското надополнување Габи од пенал на домашните им ги донесе трите важни бода.Во саботата Екипите на Реал Сосиедад и Еспањол со минимални победи над опонентите го отворија 10. коло во фудбалскиот шампионат на Шпанија. Реал Сосиедад на „Аноета“ стадионот ја победи екипата на Расинг Сантандер со 1:0. Победничкиот гол го постигна Љоренте уште во седмата минута од натпреварот. Со третата победа во низа, екипата од Сан Себастијан се искачи на петтото место на табелата. По победата над Малага, Еспањол се искачи на една позиција погоре од Реал Сосиедад. Голот на Маркез во 60 секунда беше доволен за Еспањол да ја забележи петтата последовна победа на домашен терен.Ова коло во Шпанија ќе биде комплетирано денес и утре, вечерва во центарот на вниманието ќе биде градската пресмета во Мадрид меѓу Реал и Атлетико.Во недела играат уште Сарагоса-Мајорка, Виљареал-Атлетик Билбао, Алмерија-Спортинг Хихон, Осасуна-Херкулес, Леванте-Депортиво Ла Коруња и Хетафе-Барселона.По 10-то коло во Ла Лига Реал води со 26 бодови, Барселона го следи со бод помалку, а Виљареал е трет со 23 бодови, додека четвртиот Еспањол има 18 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лукман официјално побара трансфер

Сагата околу Адемола Лукман (27) и неговото заминување од Аталанта доби нов заплет. Нигерискиот напаѓач ги потврди медиумските извештаи и објави дека поднел официјално барање за трансфер, обвинувајќи го клубот дека го блокирал неговиот трансфер во Интер и покрај, како што тврди, задоволителната понуда од 45 милиони евра. Тој ја сподели својата верзија на приказната во објава на Инстаграм.
„Во текот на изминатите три години во Аталанта, дадов апсолутно сè. Не само како фудбалер, туку и како личност. Секогаш го носев дресот со гордост и се обидував да го претставувам овој клуб и градот Бергамо со срце, страст и посветеност.
Дојдов тука со надеж дека ќе му помогнам на овој посебен клуб да расте и заедно создадовме спомени што засекогаш ќе останат во мене. Освојувањето на Лигата на Европа и стоењето рамо до рамо со моите соиграчи таа вечер во Даблин, славејќи со нашите навивачи, беше еден од најгордите моменти во мојата кариера досега.
Аталанта, а особено нејзините навивачи, станаа дел од мене. Ова место ми беше како дом од моментот кога пристигнав и секогаш се обидував да ја вратам таа љубов, дури и кога работите не беа лесни.
Затоа е толку тешко да се напише ова. Го сакав секој момент, но чувствувам дека сега, по три прекрасни години во Бергамо, е вистинското време да продолжам понатаму и да доживеам нова авантура.
Клубовите во минатото ѝ пристапуваа на Аталанта и јас секогаш останав лојален. Сепак, јас и сопствениците на клубот се согласивме дека сега е вистинското време и клубот јасно стави до знаење дека доколку пристигне фер понуда, ќе ме пуштат да си заминам. И покрај тоа што сега добив понуда во согласност со она што верував дека е договорено, клубот за жал ја блокира можноста од причини што не ги разбирам.
Како резултат на тоа, и по многу месеци прекршени ветувања и она што го сметам за лош третман кон мене како човечко суштество и како професионален фудбалер, за жал чувствувам дека немам друг избор освен да зборувам за она што верувам дека е исправно. Чувствувам дека тоа е доволно. Можам да потврдам дека поднесов официјално барање за трансфер.
На навивачите, срцето на овој клуб, сакам да го кажам следново: Навистина ми е жал што дојде до ова. Се надевам дека можете да ја разберете оваа неверојатно тешка ситуација. Едноставно се борам за она што мислам дека е фер и исправно“, заклучи Лукман.
За време на својата кариера, Лукман играше за Чарлтон, Евертон, РБ Лајпциг, Фулам и Лестер. Аталанта за него плати 10,85 милиони евра пред три години и оттогаш има 118 настапи, 52 гола и 25 асистенции за клубот од Бергамо. Минатата година ја освои Лигата на Европа со Аталанта и беше прогласен за најдобар африкански фудбалер.
Фото/ Принскрин
Спорт
(Видео) Легендарниот капитен Сон во солзи се збогува со Тотенхем

Хјонг-Мин Сон го одигра последниот натпревар за Тотенхем. Кореецот, по десет години, 173 гола, се збогува со клубот. Сон кариерата ќе ја продолжи во Лос Анџелес.
И тоа е она што ќе се памети од пријателскиот натпревар меѓу Њукасл и Тотенхем (1:1), одигран во Сеул.
Џонсон му донесе водство на Тотенхем во 4-та минута од играта, а Барнс израмни во 38-та минута.
Oh son heung min you’re so so loved😭🤍 pic.twitter.com/JhOUSjbWro
— ☀️🌙 (@narharisonshine) August 3, 2025
За жал, тоа не беше сè на овој пријателски натпревар, за да бидат работите доста алармантни за Тотенхем, по само 11 минути на теренот се повреди Џејмс Медисон.
Тој остана на да лежи со болна гримаса, се чини дека станува збор за сериозна повреда.
James Maddison looks like he's gone down with a serious injury. Gutted for him. pic.twitter.com/Lr2iDWk0YP
— Football Tweet ⚽ (@Football__Tweet) August 3, 2025
Спорт
Леклер бесен на Ферари: Мора да ме слушате

Возачот на Ферари, Шарл Леклер, изненади со освојувањето на пол-позицијата за Големата награда на Унгарија во саботата, а еден ден подоцна мораше да се задоволи со четвртото место на трката.
Леклер го презеде водството од самиот почеток и брилијантно се држеше до втората промена на гумите, кога падна во редоследот зад двајцата возачи на Мекларен, и беше престигнат од Џорџ Расел во Мерцедес.
Дури и пред Британецот да успее да го загрози, Леклер имаше порака за својот тим, кој го повика во боксот пет круга пред Пјастре, што го чинеше во борбата и за подиумот и за победата.
„Ова е неверојатно фрустрирачко. Ја изгубивме целата конкурентност. Мора да ме слушате, би нашол друг начин да се справам со тие проблеми. Сега автомобилот не може да се вози, не може. Ќе биде чудо ако завршиме на подиумот“, рече Леклер.
И чудото не се случи, бидејќи Расел го престигна Леклер на осум круга до крајот на трката, а возачот на Ферари беше казнет и за агресивната одбрана од возачот на Мерцедес.
Победата на Големата награда на Унгарија ја однесе возачот на Мекларен, Ландо Норис, кој се одбрани од нападите на тимскиот колега Оскар Пјастри, во последните три круга, додека Расел беше трет, повеќе од 20 секунди зад двоецот на Мекларен и исто толку пред Леклер.
Формула 1 сега има летна пауза што трае до Големата награда на Холандија во „Зандворт“, која е на програмата од 29 до 31 август.
Foto/ EPA/Zsolt Czegledi