Спорт
Тотенхем со пресврт до голема победа над Арсенал, нов пораз на Челзи
Северно-лондонското дерби од 14-то коло на англиската лига донесе возбудлив и драматичен натрпевар во кој Тотенхем успеа да се соземе и да го анулира водството на Арсенал од 0:2 во своја голема победа од 3:2
„Топчиите“ поведоа уште во 10. минута со голот на Самир Насри а во 25. минута предноста на домаќините на „Емирати“ е зголемена од Маруан Чамак.Првите десет минути изминаа во испитување на поставеноста на силите и стратегиите на Арсен Венгер и Хари Реднап но истовремено и со обид од двете страни да се искористи шансата. Во таквата игра Насри беше одлично проигран од Сес Фабрегас по што изби сам пред голманот Гомез кого го мина и откако шутираше морше да потрча по топката за да не излезе во гол-аут и да ја спроведе во голот. Овој гол силно демотивирачки делуваше на „сапрсите“ кои веќе не може да ја префрлат топката во нападот, а одбраната правеше почетнички грешки кои ги искористи Арсенал чиј цел напад учествуваше во постигнувањето на вториот гол. Пављученко во празно го уфрли Насри кој ја продолжи топката на левата страна до Аршавин а овој го пронајде Чамак кој ја смести зад грбот на Гомез. Во овој дел Тотенхем имаше само еден шут во рамките на голот на Арсенал, и тоа во 30. минута кога хрватскиот интернационалец Лука Модриќ од голема далечина биеше но Фабиански одбрани без проблеми. Покрај целосната доминација во првиот дел Арсенал продолжува со својата игра и во второто полувреме, но во Бејл практично од игра без шанси за „спарсите“ усепа да намали на 1:2 во 50. минут. Рафаел ван дер Варт го изедначи резултатот во 67. минута од пенал откако претходно изведе слободен удар а топката во шеснаесетникот го погоди во раката Фабрегас. А четири минути пред крајот намечот целосниот пресврт го доврши Кабол откако повторно во главната ролја се јави Велшанецот Гарет Бејл. Тој беше соборен при брз продор по левата страна од Кошчиелни, по што беше изведен прецизниот слободен удар до главата на Кабол. Ова беше прва победа на Тотенхем по 19 мечеви со Арсенал и прва по 17 години во дуелите со клуб од големата четворка на гостински терен. Арсенал само на полувремето го мина на чело на табелата во Премиершип водечкиот Челзи, а веќе по 45 минути остана трет со 26 бодови додека Челзи и Манчестер јунајтед на првите две позиции имаат по 28 бодови. Лидерот Челзи го загуби и третиот од последните четири мечеви. Овојпат лондонските „сини“ беа поразени на гости кај Бирмингем со голот на Боујер во 17. минута. Овој кикс на шампионот Челзи го искористија манчестерските „црвени ѓаволи“ кои со 2:0 го совладаа Виган. За Јунајтед на овој меч настапи и Вејн Руни, а стрелци беа Патрик Евра во 45. и Хернандез во 77. минута. Болтон со високата победа над Њукасл од 5:1, моментално е на четвртата позиција со 22 бодови колку што има и Манчестер сити но со меч помалку. Домашните ја извојуваа победата со головите на Дејвис во 18. и 90+3. минута од пенал, на Елмандер во 50. и 72. минута, а во 39. минута стрелец беше кореанецот Ли Чунг-Јанг, додека почесниот гол за гостите го постигна новопечениот англиски репрезентативец Енди Карол во 52. минута.Блекпул со головите на Варнеј во 3. и Хејривуд во 44. минута со 2:1 го совлада Вулверхемптон за кој голот го постигна Дојл во 86. минути.Вест бромвич албион на домашен терен беше прегазен од Сток сити со 0:3, со головите на Итерингтон во 55. минута од пенал, како и двојниот стрелец Валтерс кој во 85. минута зголеми на 2:0 а во третата минута од судиското надополнување го постави конечниот резултат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.