Тринаесеттото коло од италијанската Серија А го одбележа новиот пораз на шампионот Интер и непромислениот потег на Самуел Ето кој испровоциран со глава го нокаутираше Цесар

Интер нема победа во последните пет натпревари а трипати е поразен. Како што пишуваат италијанските медиуми, Рафа Бенитез пред натпреварот добил ултиматум да забележи победи во двата наредни натпревара, а веќе во првиот е поразен во Верона од Киево со 1:2. Киево поведе во 29. минута преку Серџо Пелисиер а во 82. минута го зголеми водството преку Давиде Москардели. Камерунецот Самуел Ето во втората минута од судиското надополнување само успеа да го ублажи новиот срам за италијанскиот и европскиот фудбалски првак. Меѓутоа моментот кој го одбележа мечот се случи во првото полувреме кога Ето со главата го удри во градите Словенецот Боштијан Цесар. Судијата не го забележа овој момент и се претпоставуа дека Ето ќе биде канет од страна на дисциплинската комисија на фудбалската асоцијација. „Ето беше испровоциран, Реагираше на овој начин и ја загуби контролата. Штета за ова, но очигледно дека судиите на теренот сметаа дека овој инцидент не е вреден за поголемо внимание“, изјавил по мечот Бентитез, пренесува Ansa.„Тој е фантастичен фудбалер, но не требаше вака да реагира. Ме удри со глава, а не се извини. Не можам да речам дека сум премногу несреќен заради тоа што освоивме три важни бода…“, изјавил Цесар.Во последниот меч од 13-то коло Наполи без никакви проблеми ја порази Болоња со 4:1. Головите за наполитанците ги постигнаа Маџо во 3. Хамшик во 37. и 48 и Кавани во 74 минута, додеа за Болоња прецизен беше Меџорини во 68. минута.Со оваа победа Наполи се искачи на третата позиција со 24 бодиви, два помалку од Лацио и пет од првиот Милан, а има еден бод и два повеќе од четвртиот Јувентус и петтата Рома. Второпласираниот Лацио на гостувањето кај Парма извлече 1:1, откако домаќините поведоа преку Креспо во 23. минута, а во третата минута од судиското продолжување на  првото полувреме од пенал за гостите изедначи Антонели. Јувентус пак победи на гости кај Џенова со автоголот на Едуардо во 18. и со погодокот на повратникот во тимот Милош Красиќ во 23. минута.Каљари за три минути во 63 и 66-та преку Матри и Конти успеа да го преврти резултатот кој дотогаш беше во полза на домашната Бреша која поведе од пенал во 20. минута преку Карачиоло. Гостите од Сампдорија се радуваа и во Лече каде домаќините имаа сили да изедначат на седум минути пред крајот и покрај гостинското водство од 0:2. Сампдорија поведе во осмата минута преку Пацини а истиот играч во 41. минута од пенал го големи водството на гостите. Лече во 72. минута го намали резултатот  а во 83. Диамоутене изедначи на 2:2, но бодовите отидоа на контото на гостите со третиот гол на Пацини постигнат во 88. минута. Катаниа го совлада дома Бари со голот на Терлици во 83. минута.Палермо во неделата постигна уште една гостинска победа преку Иличиќ во 11. и Миколи во 53. минута, а домашната Чезена успеа само да изедначи во 24. минута преку Богдани.

Милан не го дава врвот во Серија А