Спорт

Двојни победи на велеслаломот во Аспен

Објавено пред

10 години

- 28 ноември, 2010

Од

Французинката Теса Ворли победи на велеслаломската трка, која во рамките на Светскиот куп се возеше во Аспен, САД. Ворли до третата победа во кариерата стигна благодарение на извонредното второ возење, кога од осмото успеа да стигне до првото место. Времето на целта на победничката изнесуваше 2 минути, 6 секунди и 81 стотинка.

Само една стотинка послабо време на второто место имаше олимписката шампионка Викторија Ребенсбург од Германија. На третото место се пласира уште една Германка, Катрин Хелцл. Во генералниот пласман во Светскиот куп во ди Ребенсбург со 180 бодови, пред Марија Риш која има 154. Вечерва во Аспен најдобрите светски скијачки ќе возат слалом.

Во северноамериканска турнеја се наоѓаат и скијачите, тие во Лејк Луис го возеа првиот спуст во новата сезона. На спуст премиерата победи Австриецот, Михаел Валхофер. До 12-та победа во кариерата Валхофер стигна пред сонародникот Марио Шајбер и Аксел Лунд Синдал. Во недела во Лејк Луис скијачите ќе го возат првиот супервелеслалом во новата сезона.крај/ап/н.ц

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Тиквеш во последната секунда ја прокоцка шансата

Претходно

Mанју најде замена за Едвин ван дер Сар

Спорт

РФМ и Данило Брестовац спогодбено се разделија

Објавено пред

2 часа

- 26 јануари, 2021

Од

TopSport.mk

Данило Брестовац повеќе не е селектор на ракоемтната репрезенатција на Македонија. Селекторот и Ракометната федерација на Македонија (РФМ) договориле спогодбен раскин на договорот.

„Ракометната федерација на Македонија би сакала да ја извести јавноста дека македонската куќа на ракометот и г. Данило Брестовац, на 26 јануари 2021 г., взаемно се спогодија да ја прекинат соработката околу ангажманот на машките ракометни сениори“, стои во соопштението што го објави РФМ на својата интернет страница.

Данило Брестовац ја извршуваше оваа функција во период јуни 2019 – јануари 2021 година.

Брестовац ја предводеше Македонија на две големи натпреварувања, на Европското првенство во 2020 година, не успеа да ја мине фазата по групи, го освои 15.место, додека на Светското првенство кое се уште е во тек, заврши на 23.позиција.

Фото/macedoniahandball.com.mk

Прикажи повеќе...

Спорт

Пикси ќе ги предводи Србите за 1.000.000 евра годишно

Објавено пред

2 часа

- 26 јануари, 2021

Од

TopSport.mk

Фудбалскиот сојуз на Србија (ФСС), деновиве, треба да го назначи Драган Стојковиќ-Пикси за нов селектор на националниот тим. „Вечерње Новости“, објавија дека Пикси постигнал договор со ФСС и дека ќе стане селектор за годишна плата од 1.000.000 евра.

Србија е без селектор од декември минатата година, кога ФСС се разделија со Љубиша Тумбаковиќ, кој не успеа да избори пласман на Европското првенство.

Србите во март ќе ги започнат квалификациите за пласман на Светското првенство во Катар. На стартот тие имаат три тешки натпревари, против Ирска (24.март) и Португалија (27.март) во Белград и Азербејџан во Баку на 30.март.

Прикажи повеќе...

Спорт

Јаневски ќе го предводи Олимпијакос од Никозија

Објавено пред

3 часа

- 26 јануари, 2021

Од

TopSport.mk

Поранешниот македонски селектор, Чедомир Јаневски, повторно ќе работи на Кипар, тој договорил соработка со Олимпијакос од Никозија. Јаневски во минатото, во оваа земја, бил тренер на Енозис и Етникос.

Според кипарските медуми, Јаневски, официјално ќе го преземе Олимпијакос на 5.февруари.

Олимпијакос, во лигата во која се натпреваруваат 14 екипи, по 21 рунда се наоѓа на деветтото место со 24 поени. Новиот тим на Јаневски доживеа порази на последните пет натпревари.

Прикажи повеќе...