Спорт
Мурињо: Не траба да се плаче
Барса го нокаутираше Реал во „Ел класико“. Фудбалерите на актуелниот шампион на Шпанија, Барселона го декласираа големиот ривал Реал Мадрид, во „Ел клaиско“ дербито со 5:0.
Дуелот на најскапите светски екипи кое јавноста го очекуваше со големо нетрпение во 90 минути донесе игра на само еден тим, Барселона. Домаќинот на „Камп Ноу“ од самиот почеток ја наметна својата игра, со многу брзи и прецизни додавања на која Реал едноставно немаше одговор.Дека на екипата на Жозе Мурињо не и се пишува добро навестија првите 20 минути, во период од 10 до 18 минута Чави и Педро ја погодија мрежата на Икер Касиљас. Во вториот дел два гола постигна Давид Виља во 55 и 58 минута, додека точка на натпреварот стави Жефрен во 91 минута. Асистент на два гола на Давид Виља беше Лионел Меси.Вечерашната победа на Барселона е петта за тренерот на оваа екипа Пеп Гвардиола, додека неговиот колега Мурињо го доживеа првиот пораз како тренер на Реал.По дербито кое го обележа 13-то коло се случи смена на врвот во Примера, Барселона сега има 34 бода, два повеќе од Реал. Реал на „Ноу Камп“ беше посрамотен во 209-то издание на најгламурозното дерби во светот. До понеделникот навечер се навршија 936 денови откако Реал не ја совладал Барселона. Истовремено тоа беше најголемито пораз во кариерата на Жозе Мурињо. „Дали се посрамотивме? Не би рекол. но истовремено го доживеав најголемиот пораз во кариерата. Никогаш никој не ј апобедил екипата што ја водам со 5:0. Но ова е пораз кој лесно може да се свари, тој не носи никави последици. Јасно е дека сме тажни заради резултатот, меѓутоа немаме чувство на горчина во устата. Ова е пораз но не е понжување. Оргавме многу лошо. синоќа ништо добро не напшравивме“, изјави по мечот стратегот на мадрисдкит е„кралеви“.Мурињо смета дека неславанат вечер на „Ноу Камп“ нема да остави траги, бидејќи, како што вели, неговите играчи досега играле фантастично. Од друга страна, неговиот колега Пеп Гвардиола, кусо истакна дека е задоволен, особено од начинот на кој е постигната победата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.
Спорт
Хулкенберг од наредната сезона во Заубер
Германскиот автомобилист Нико Хулкенберг од 2025 година, ќе има нов работодавец. 36-годишникот ќе вози за тимот на Кик Заубер.
„Среќен сум што возам за Кик Заубер од 2025 година и што во иднина ќе го претставувам германскиот производител на патеките во Ф1“, објави Нико Хулкенберг на социјалните мрежи.
Од 2026 година во Заубер влегува германскиот производител Ауди.
Хулкенберг е член на тимот на Хас во тековната сезона, а неодамна беше објавено дека нема да ја продолжи соработката со американскиот тим.
„Хулк“ дебитираше во Формула 1 во 2010 година како возач на Вилијамс на Големата награда на Бахреин. Во меѓувреме освои една пол-позиција.
Во претходната сезона, Хулкенберг го заврши натпреварувањето на 16. место во генералниот пласман во Ф1 со девет бодови.
Спорт
(Видео) Кари е најдобар „клач“ игра во НБА
Кошаркарот на Голден Стејт, Стеф Кари ја доби наградата „Џери Вест“ која му се доделува на најдобриот играч на НБА лигата во решавачките моменти од натпреварите во регуларниот тек на сезоната.
Во НБА, последните пет минути од последната четвртина или продолжението кога еден од тимовите има најмногу пет поени предност е дефинирано како „период на одлука“.
Како што соопшти НБА, Кари победи со вкупно 298 поени, а зад себе ги остави Демар Дерозан (Чикаго) (272), Шеј Гилџис-Александер (Оклахома) (160) и Никола Јокиќ (Денвер) (85).
Тој во регуларниот дел постигна 189 поени, во решавачките моменти, Демар Дерозан 182, додека Гилџис-Александер постигна 112 поени.
Неговите Голден Стејт Вориорс не влегоа во плеј-офот, беа елиминирани од Сакраменто Кингс во првиот плеј-ин натпревар.
Кари оваа сезона имаше просек од 26,4 поени, 4,5 скока и пет асистенции по натпревар.