Во Медисон Сквер Гарден Њујорк Никс во кошгетерско шоу ги победија соседите од Њу Џерси со 111:100,. Натпреварот беше одлучен во третиот период во  Никси влегоа со минус три но четвртината ја добија со 33:15, што беше доволно за мирен финиш.По обичај Амар Стадемаер беше најдобар стрелец во тимот од Њујорк со 35 поени, кои ги исфилува со 9 скокови. Крилниот бек Вилсон Чендлер додаде 27 поени и 11 скокови, а Рејмонд Фелтон постигна дабл-дабл со 21 поен и 12 скокови за Никси. Брук Лопез се издвои со 36 поени кај мрежичките, но останатите играчи не играа ни блиску до нивото на својот центар.Во Федекс Форум салата во Мемфис, домаќините со минимална разлика 98:96 го победија Л.А. Лејкерс. По израмнетата игра во првото полувреме, Мемфис за прва пат направи разлика од осум поени во третата четвртина (85:77) и истата успеа да ја сочува до крајот на мечот. Гостите при 96:98 го имаа последниот напад за израмнување или победа, но не постигнаа кош. Мајк Конли беше најрасположен во тимот на Мемфис, со 28 поени, а Коби Брајант постигна 29 поени за лејкерси. На гостите не им помогнаа 14-те скокови на По Гасол и 11 на Ламар Одом. Натпреварот го одлучи лошиот шут за тројка на Езерџиите (7 од 22), додека Гризлис погодија 8 тројки од само 12 обиди.Во останатите средби се постигнати следните резултати:Кливленд Кавалирс – Бостон Селтикс  87:106 ( Андерсон Варехао 16 п. 12 ск. /  Ражон Рондо 23 п. 12 ас.).Орландо Меџик – Детроит Пистонс  90:79 (Рашард Луис 20 п. / Двајт Хауард 9 п. 14 ск. / Тајшаун Принс 16 п.).Филаделфија 76 – Портланд Трејл Блејзерс 88:79 (Елтон Бренд 18 п. / Весли Метјус  26 п. Лемаркус Алдриџ 20 п. 12 ск.).Сакраменто Кингс – Индијана Пејсерс 107:98 (Бено Удрих 24 п. / Дени Грејнџер 37 п. 7 ск.).Голден Стејт Вориорс – Сан Антонио Спарс 98:118 (Стифен Кари 32 п. / Ману Џинобили 27 п.). крај/ап/м.н.