Спорт
Тотенхем предизвик за Челзи, Арсенал гостува во Манчестер
![](https://makfax.com.mk/wp-content/uploads/2016/11/c03001d1-65f0-4d20-9616-ec7b2a83a9a2.jpeg)
Две дерби средби ќе бидат на програмата во 17-то коло во Премиер лигата на Англија. Во недела на „Вајт Харт Лејн“ силите ќе ги одмерат Тотенхем и Челзи
Домаќинот, Тотенхем се наоѓа во серија од пет натпревари без пораз во првенството. Со 26 бодови, четири помалку од опонентот „спарси“ влегуваат во дербито.Челзи во северен Лондон бара излез од резултатската криза, „сините“ на менаџерот Карло Анчелоти во првенството имаат само една победа на последните пет натпревари. Последната победа Челзи ја забележа на 10 ноември кога го совлада Фулам со 1:0. „Олд Трафорд“ стадионот во Манчестер e местото каде ќе се соочат двете првопласирани екипи во лигата. Манчестер на второто место има бод и натпревар помалку од лидерот Арсенал. „Тобџиите“ на последните пет натпревари имаат четири победи и еден пораз, Манчестер е единствен без пораз во Премиер лигата, „црвените ѓаволи“ на последните пет дуели трипати победија, а две средби одиграа нерешено.Сабота, 11 декември: Астон Вила-ВБА, Евертон-Виган, Фулам-Сандерленд, Стоук-Блекпул, Вест Хем-Манчестер Сити, Њукасл-Ливерпул.Во недлеа играат Болтон-Блекбурн, Вулверхемптон-Бирмингем, Тотенхем-Челзи а во понеделник е дербито Манчестер јунајтед-Арсенал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.