Спорт
Јуве го запре Интер

Во дербито на 25-то коло од Серија А, на „Деле Алпи“ домашпниот Јувентус со голот на Матри го совлада актуелниот шампион Интер со 1:0
Таканареченото Дерби за Италија, поради средбата на двата најтрофејни италијански фудбалски клуба, донесе игра како што најчесто се гледа кога на теренот се надигруваат гигантите кои не смеат да си дозволат кикс.Решавачкиот потег на мечот го направи Алесандро Матри во 30. минута од мечот, кога осамен од пеналтикот со глава го совлада Сезар. Матри откако на крајот од јануари премина од Каљари во трите досегашни натпревара за торинската „стара дама“ се покажа клучен играч во двете последователни победи на Јуве кој претходно беше во лоша серија. Минатото коло на својот довчерашен клуб му даде два гола за гостинската победа на Јувентус од 3:1.Но се чини дека Самуел Ето е решавачката, односно трагичната фигура на мечот. Камерунецот не успеа да реализира три убави шанси пред Џиџи Буфон во второто полувреме од кои две во самата завршница кога еднаш пред домашниот голман од левата страна ја промаши топката и уште повеќе кога влета од заднина и биеше кон сосема небранетиот противнички гол но помалку од пет-шест метри ја погоди пречката. Претходно на едно уфрлување пред противничкиот одличниот Буфон му го скрати голот на Ето и тој едноставно мораше да биде во неговата нога. Исто така треба да се одбележи и одличната одбрана на данскиот јуниор Соренсен против Ето, кој воедно и центрираше до Матри при постигнувањето на единствениот гол. Како што се очекуваше гледавме тврд меч во кој за нијанса во првото полувреме беа подобри домашните кои ги користеа пропустите на интеровата одбрана. Леонардо, кому ова е само втор пораз откако го презема Интер, со проретчен заради повреди тим дури во второто полувреме, кога влезе во игра и Горан Пандев, се обиде поконкретно да го нападне противникот. Дури последните дваесет минути, „нераѕиуирте“ беа речиси комплетно преселени на противничката половина. Но одбраната на Јувентус беше присебна, а неколкуте нејзини пропусти, како во 88. минута, Ето не успеа да ги казни. Поразот го оддалечи Интер повторно на осум бодови од водечкиот Милан и сега е четврти со 44 бодови, но во среда го игра заостанатиот меч на гостувањето кај Фиорентина, па може да се надева дека ќе го мине Лацио на третата позиција кој има 45 бодови. Јувентус собра 41 бод и е на 6-то место па му претстои голема борба да дојде до четвртата позиција која води во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин
Спорт
(Видео) Србија ја победи Португалија – Петрушев исклучен, Богдановиќ се повреди, а селекторот Пешиќ во клинч со Мициќ

Најголемиот фаворит за златниот медал на Евроското првенство во кошарка, Србија, потешко од очекувањата ја победи Португалија во второто коло со 80:69.
Србите не беа на ниво, селекторот Пешиќ реше дека со „главите биле на некое друго место“, до победата ги предводеа Никола Јокиќ со 23 поен и 10 скока, односно Никола Јовиќ со 18 поени.
Покрај лошата игра Србите се соочија со неколку проблеми по овој натпревар.
На почетокот на мечот поради неспортски потег, удриање на противнички играч беше исклучен Филип Петрушев. Медиумите шпекулираат дека крилниот центар ќе нема да помине само со исклучувањето, туку и дека ќе добие суспензија од ФИБА.
Isključen Petrusev pic.twitter.com/c572wGNqXv
— sportnadlanu (@klikclick191174) August 29, 2025
Во финишот на првото полувреме се повреди капитенот Богдан Богдановиќ. Веднаш го нашушти теренот и повеќе не се врати во игра. Селекторот Пешиќ на прес конференцијата информира дека Богдановиќ ќе мора да оди на дополнителни прегледи за да се утврди степенот на повредата.
— OvoOno (@OvoOnoX) August 29, 2025
И за крај, на почетокот на последната четвртина, селекторот Пешиќ остро реагираше кога Василије Мициќ нерезонки заврши една акција во нејзиниот зачеток, шутна тројка во раната фаза од нападот. Пешиќ го повлече Мициќ од игра, а на клупата имаше жесток разговор со него.
Србија во сабота од 17 часот игра против домаќинот Летонија.
Foto/ FIBA
Спорт
(Видео) Милан ги победи Лече и ВАР-от

Милан ја оствари својата прва победа во Серија А оваа сезона, откако го победи Лече со 2:0 во второто коло.
Исклучително важна победа за Милан. Не само поради поразот во првото коло на „Сан Сиро“ против Кремонезе, туку и поради значителни персонални проблем. Сепак, Масимилијано Алегри ја забележа првата победа во својот повратнички мандат.
Рубен Лофтус-Чик го отвори резултатот во Лече во 66-та минута. Со асистенција на најголемото засилување Лука Модриќ. Сепак, пред тоа Милан постигна уште два гола, но двата беа поништени од ВАР. Прво, веќе во четвртата минута, голот на Габија поради прекршок, а потоа во 60-та минута, голот на Хименез поради офсајд.
Кристијан Пулишиќ му го зададе последниот удар на Лече во 86-та минута.
Фото/ Принтскрин