Спорт
Реал ни со Мурињо не го мина Лион

Лионскиот фудбалски храм „Жерлан“ станува неосвоив бастион за фудбалерите на мадридски Реал и по седмиот меѓусебен дуел, иако за овој меч „кралевите“ голема надеж полагаа во магијата на португалскиот стратег
Реал Мадрид со внимателна игра без безглаво јуришање на противничкиот гол успеа да го држи резултатот во свој полза на десет минути пред крајот со голот што е првиот што неговите фудбалери го постигнале против Лион на негов терен. Во првото полувреме домашниот имаа повеќе од играта и создадоа повеќе опасни ситуации пред голот на Икер Касиљас иако се доби впечаток дека во нападите одеа повеќе мислејќи на својот гол. Во овој период од играта Реал забележа само еден шут кон голот на домашните, и тоа од слободен удар што го изведе Кристијано Роналдо во 30. минута од голема оддалеченост но Лорис ја прочита неговата намера. Четири минути подоцна Лион ја имаше најголемата шанса откако Касиљас интервенираше несигурно но во повторната интервенција го одбрани шутот на Гомис кон неговата празна мрежа. Жозе Мурињо сепак на полувремето покажа зошто го сметаат за најдобриот фудбалски стратег па веќе во 48. минута Роналдо ја погоди стативата а веќе во следната Рамос ја погоди пречката. Во 65. минута Мурињо на место Адебајор во игра го внесе Карим Бензема кој пред почетокот на сезоната премина токму од Лион. Францускиот репрезентативец само по половина минута откако влезе во игра малку на среќа но успеа својот нов клуб да го доведе во водство. Лион веќе немаше што да загуби и почна да притиска кон голот на Касиљас што резултираше со гол во 83. минута што го постигна Гомис. Така сега Реал иако со поволен резултат на гостувањето ќе мора да ја бара шансата на својот „Сантјаго Бернабеу“, но кога во прашање се дуелите меѓу овие два клуба јасно е дека уште не е ништо решено. За разлика од Реал, се чини дека англиски Челзи ги реши сите дилеми уште на гостувањето во главниот град на Данска. Со головите на Николас Анелка во 17. и во 54. минута лондонците славеа против Копенхаген на „Паркен стадион“.Гостите покрај голот постигнат по грешка на Јаспер Гронкијер во првото полувреме имаа уште три убави можности да го зголемат водството, еднаш повторно преку Анелка и двапати преку Фернандо Торес. Иако во вториот дел дебитантот во Лигата на шампионите ФК Копенхаген порешително го напаѓаше голот на противникот, по само десет минути игра беа потопени нивните надежи со вториот гол на Анелка по проигрувањето од Франк Лампард.Со двата вечерашни гола Анелка на листата на стрелците во Лигата на шампионите се изедначи со Самуел Ето од Интер со седум постигнати погодоци. Реванш дуелите од двата осминафинелни меча ќе се одиграат на 16.март во Мадрид, односно во Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Габри повторно се повреди

Фудбалерот на Баерн Минхен, Серж Гнабри го повреди бутот и ќе мора повторно да отсуствува од теренот, соопшти денеска германскиот шампион.
Во саботата на натпреварот против Ајнтрахт, кој неговиот тим го загуби со 1:5, Гнабри во игра влезе од клупата за резерви во 66.минута, пет минути подцна го напушти теренот поради повреда.
Баерн објави дека Гнабри ја повредил тетивата на левиот бутен мускул и ќе ги пропушти „следните натпревари“.
Клубот не соопшти кога Гнабри ќе се врати, но тој може да ги пропушти преостанатите три натпревари до крајот на годината, два во Бундес лигата и пресметката на Олд Трафорд против Манчестер јунајтед во Лигата на шампионите.
Германскиот фудбалер сезонава имаше проблеми со повреди, откако во септември на дуелот против Преусен Мунстер во Купот ја скрши раката и одигра само пет натпревари во Бундеслигата, вклучувајќи го и вчерашниот.
Спорт
Дардер го одбил повикот од Барселона

Серхи Дардер, со години беше лидер на Еспањол, а откако тимот испадна од Примера, тој одбил да се пресели во Барселона.
Дардер (29), откри дека во летниот преоден рок добил понуда од градскиот ривал на Еспањол, Барселона.
„Имав можност да потпишам со Барселона ова лето, тешко е да се одбие таков тим. Маночу часови поминав во размислување што да правам. Но, кога главата се олади, разумот не ми дозволи да прифатам, со оглед на тоа што бев во Еспањол. Ниту 1% од мене не можеше да го прифати тоа. Еспањол секогаш ќе биде клубот на мојот живот, не гледам друга опција“, рече Дардер.
Серхи Дардер, во летниот преоден рок сепак го напушти Еспањол. Интересно е што се реши кариерата да ја продолжи во Мајорка, и покрај тоа што за него се интересираа и Барселона и Атлетико Мадрид.
Мајорка за трансферот на Дардер издвои осум милиони евра.
Спорт
Нема договор меѓу Наполи и Осимен

Нема напредок во преговорите меѓу Виктор Осимено и Наполи околу новиот договор. Наполи не се откажува од намерата Ниегиецот и во иднина да го предводи нападот на тимот од стадионот „Диего Армандо Марадона“.
Двете страни во претходниот период се сретнале 13 пати, но договор се уште нема.
Претседателот на Наполи, Аурелио де Лаурентис сака Осимен да потпише нов договор со тимот до 2027 година.
Во Наполи сметаат дека тоа би можело да се случи до крајот на годината, но како што сега стојат работите, речиси и да не постојат шанси Осимен да го парафира новиот договор до крајот на 2023 година.
Нигериецот бара минималната годишна плата од 10 милиони евра.
За Осимен се заинтересирани многу клубови, најмногу од Саудиска Арабија, но тој не сака да ја продолжи кариерата таму, што ги зголемува шансите во иднина да го гледаме во дресот на некој клуб од Европа.