Спорт
Рома подобра во градското дерби
Во римското дерби ранетата „волчица“ со 2:0 го совлада градскиот ривал Лацио, турајќи го на 5-то место на табелата, додека Удинезе со уште една уверлива игра се искачи на третата позиција која води во Лигата на шампионите
Двата гола на „Олимопико“ ги постигна легендата на Рома, капитенот Франческо Тоти. Првиот гол го постигна во 70. минута откако беше кусо проигран по слободен удар од дваесетина метри, а вториот од пенал во третата минута од судиското продолжување кое обилуваше со нервоза и беше на границата од инцидент, откако во шеснаесетникот на „лациалите“ Џузепе Биава го сободои Фабио Симплицио.Ова беше трет судир сезонава во ткн. Дерби ди капитале, во кое и по третпат славеше Рома, а прв во кој настапи нејзиниот капитен Тоти. И онака тензичните натпревари меѓу Рома и Лацио, кои најчесто завршуваат со безредија на трибините на „Олимпико“ или по римските улици, овојпат предизвика повеќе искри на теренот. Понервозни се разбира во завршницата беа играчите на Лацио, на кои бодовите многу им беа потребни во трката по позиција која води во Лигата на шампионите, бидејќи од идната сезона заради годинешните слаби резултати на италијанските претставници, Серија А остана со еден претставник помалку, односно сега во најелитното фудбалско клупско натпреварување на континентот ќе ја претставуваат три наместо досега четири клуба. Товарот на резултатскиот дефицит и фрустрацијата од слабата игра во нападот предизвика неартикулиран потег на Романецот Стефан Раду кој доби директен црвен картон во 88. минута заради удирање со глава на противнички играч, а потоа во судиското продолжение и капитенот на „бјанкочелестите“ Кристиан Ледесма беше исклучен заради приговор при досудување на најстрогата казна во полза на Рома.Лацио сега падна на петтата позиција со 51 бод, два повеќе од Рома која останува на шестото место. Сега пред Лацио со два бода предност се Наполи кој во недела навечер го игра дуелот како од 29-то коло како гостин со Парма, и Удинезе кој моментално е трет.Токму Удинезе во неделата ја постигна најубедливата победа во Серија А, од 4:0 и тоа на гости извојувана против солидниот Каљари. На стадионот „Сан Елио“ за Удинезе головите ги постигнаа Медхи Бенатиа во 42., Алексис Санчез во 44. а двоен стрелец повторно беше Антонио ди Натале во 48. и 54. минута. Ди Натале и натаму е водечки стрелец во Серија А, сега има 24 голови на контото, пред Единсон Кавани од Наполи со 20 и Самуел Ето од Интер со 19 голови.Ове беше трета победа во низа на Удинезе со гол разлика 12:0, а оствари сезонава вкупно 16, со која дојде до третата позиција на табелата каде го очекува вечерниот исход од мечот Парма – Наполи. Последниот пораз на Удинезе беше од Лацио со 2:3 на 19-ти декември и оттогаш во 12 мечеви оствари девет победи и три ремија.Во неделата попладне во италијанското калчо што го одликува дека нема ниеден нерешен меч, другите натпревари завршија со минимални победи. Катанија со голот на Лама во 75. минута ја совлада Сампдорија, Киево дома беше поразено од Фиорентина за која стрелец во 48 минута беше Варгас, Болоња исто така оствари гостинска победа против Лече со голот на Рамирез во 33. минута, додека Џенова со голот на Флоро Флорес во 77. минута пред своите гледачи го совлада Палермо. Во првиот неделен меч лидерот Милан на својто „Сан Сиро“ одвај спаси бод против последниот Бари. Во саботата Јувентус испушти водство од 2;0 кај Чезена која успеа да израмни на 2;2, а во петокот Бреша и Интер одиграа 1:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.