Спорт
Алвеш во Барса до 2015-та

Бекот на бразилската фудбалска репрезентација Дани Алвеш го продолжи договорот со неговиот актуелен клуб Барселона до 2015 г., пренесуваат шпанските медиуми
Дваесет иседум-годишниот Дани Алвеш за каталонскиот гигант потпиша нов договор само неколку денови откако најави дека ќе си замине од Барселона незадоволен од третманот што го има во клубот.„Во Барселона не сум доволно ценет. Очигледно не мислат да ми понудат нов договр со условите кои ги заслужив. Сакам луѓето во клубот да ме ценат. Ако го сторат тоа, ќе бидам најсреќниот човек на светот. Ако не го сторат тоа, пак, им благодарам за овие три години“, изјави Алвеш, на што веднаш реагираше богатиот англсики премиерлигаш Манчестер сити.Сепак, претседателот на Барселона, Сандро Росел веднаш одговори.„Во секој случај сакаме да го задржиме најдобриот десен страничен играч во светот“, изјави Росел.Очигледно договорот е многу бргу постигнат, бидејќи Алвеш го продолжува својот договор со Барселона и во наредните четири години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Големо засилување за Црвена звезда – Хандел пристигна на „Маракана“

Португалскиот фудбалер Томаш Хандел е нов играч на Црвена звезда. Преодниот рок во Србија трае до 15 септември, а вечерва на полноќ истекува рокот на УЕФА за пријавување на играчите со кои клубовите ќе настапат во Лига Европа.
Овој 24-годишен дефанзивен играч од редот за врска во Белград дојде од Виторија Гимараеш во трансфер вреден три и пол милиони евра, како што објавија медиумите.
Црвено-белите го потврдија доаѓањето на Португалецот на „Маракана“ со објава на социјалните мрежи („Жога Бонито“).
Според „Трансфермаркт“ вредноста на капитенот на Гимараеш изнесува 13 милиони евра. Во минатото Милан и Порто беа заинтересирани за Хандел, а во преодниот рок тој не сакаше да се пресели во ЦСКА Москва.
Тој имаше договор со португалскиот тим до 2029 година и клаузула за откуп од 50 милиони евра.
Хандел одигра 118 натпревари за Гимараеш и постигна шест гола.
Foto/ FK Crvena zvezda
Спорт
Најлудата приказна на преодниот рок – легендарниот голман излегол на кафе и не се вратил на потпис на договорот

Мексиканецот Гиљермо Очоа (40) во последен момент одлучи да ја одбие понудата на шпанскиот второлигаш Бургос.
На последниот ден од преодниот рок, голманот, кој во својата кариера бранеше на пет светски првенства, со амбиција да го стори тоа по шести пат, пристигна во споменатиот шпански клуб за да го финализира договорот со претставниците на Бургос.
Сè одеше непречено за двете страни сè до моментот кога, според шпанските медиуми, Очоа побарал да се промени една ставка во договорот (не е наведено конкретно која), потоа ја напуштил канцеларијата и заминал на кафе.
И не се вратил. Телефонските повици на претседателот на Бургос биле залудни.
Така, во последен момент, тој остана без клуб во кој имаше план да се бори за местото меѓу стативите и на тој начин да се наметне кај селекторот на „сомбреросите“ за претстојното Светско првенство – што би бил неговиот рекорден шести во кариерата.
Бургос, во меѓувреме, имале подготвен „план Б“ по ненадејното заминување на Очоа. Раководството на клубот реагираше брзо и го ангажираше Хесус Руиз, Каталонец, кој беше слободен на пазарот откако го напушти Расинг Ферол
Foto/ EPA
РЕ-Ново
Фер-плејот почнува дома: „Семеен фудбал за фер-плеј“ ја заврши пилот фазата

Проектот Семеен фудбал за фер-плеј (FFF-P) ја заврши својата пилот-фаза, обединувајќи деца и родители во Србија, Турција и Северна Македонија преку игра, фер-плеј и заеднички вредности.
Во текот на 15 месеци, децата на возраст од 7 до 11 години и нивните родители тренираа, играа пријателски натпревари и учествуваа во активности во заедницата, водејќи се од шесте столбови на фер-плејот: интегритет, толеранција, решавање конфликти, фер третман, почитување и емпатија. Резултатите се охрабрувачки – помалку конфликти на терен, подобра комуникација во семејствата и посилен дух на заедништво во клубовите.
Следната етапа е меѓународен настан и конференција во Србија, каде најуспешните учесници ќе ги споделат своите постигнувања и ќе покажат како спортот може да гради заедници засновани на почит и солидарност.
Проектот, координиран од Српската минифудбал асоцијација во партнерство со Каргенч клуб (Турција) и ФКВС (Северна Македонија), е дел од програмата Erasmus+ Sport и преку тренинзи, семејно учество и едукативни алатки нуди поинклузивна и поздравa спортска култура.
Покрај тренинзите и натпреварите, проектот создаде и креативни едукативни алатки, меѓу кои анимирани кратки филмови и документарен филм, за да се споделат методите и резултатите со училиштата, спортските клубови и заедниците низ цела Европа.