Манчестер сити ја продолжија својата победничка низа. „Граѓаните“, во првиот натпревар од 26.коло, го совладаа Вест Хем со 2:1. За четата на Пеп Гвардиола ова беше 20. победа во низа.

Вест Хем, пруѓија добра отпор на „Етихад“, во најголем дел од натпреварот беа рамноправни со Сити, меѓутоа не успеаја да извлечат ништо повеќе од минимален пораз.

Гвардиола, комбинираше со составот, Стерлинг не играше, а на клупата останаа и Фоден, Габриел Жесус, Кансело и Родри, но неговиот тим дојде до победата.

Централните дефанзивци Рубен Дијас и Џон Стонс ги искористија единствените две грешки во одбраната на Вест Хем, што на крајот се покажа клучно за конечниот победник.

Рубен Дијас, првиот гол на мечот го постигна во 30.минута. За Португалецот ова беше деби-гол во дресот на Манчестер сити. Во финишот на првиот дел Вест Хем израмни преку Антонио.

Конечниот резултат го постави Стонс во 68.минута.

Во последните секунди, Диоп, не реализираше голема шанса за Вест Хем.



Македонскиот репрезентативец Езгијан Алиоски, по завршувањето на сезоната, ќе го напушти Лидс јунајтед. Алиоски е во Лидс од 2017 година, а неговиот договор важи до 30.јуни 2021 година.

Англиските медиуми пишуваат дека Алиоски би сакал да остане во Лидс, дека му се допаѓа атмосферата во тимот и начинот на кој со тимот работи тренерот Марсело Бијелса, но не бил задоволен од новиот договор што му го понудиле клупските челници.

Поради тоа тој веќе му кажал на менаџерот да му бара нов клуб. Најверојатно, од наредната сезона, Алиоски ќе го носи дресот на Галатасарај.

Алиоски, сезонава, настапил на 23 натпревари во Премиер лигата, постигнал два гола.

Тренерот на Лајпциг, Јулијан Нагелсман, наводно бил заинтересиран да застане на кормилото на Тотенхем, доколку Спарс му врачат отказ на Жозе Мурињо.

„Билд“, тврди, дека Нагелсман, не би го Тотенхем, доколку претседателот Даниел Леви излезе со конкретна понуда.

Од друга страна во Лајпциг се веруваат дека Нагелсман ќе остане кај нив.

„Кога добро работите, тогаш сите се заинтересирани за вас. Јулијан се чувствува добро кај нас, има се што му треба. Тимот се развива на вистински начин. Поради то не гледам зошто би сакал да направи промена во кариерата. Покрај тоа тој има цврст договор“, рекол директорот на Лајпциг, Маркус Кроше.

Нагелсман со Лајпциг, оваа сезона, се бори за титулата во Бундес лигата, на табелата имаат два бода помалку од лидерот Баерн Минхен.