Јубилејниот 50.трипл-дабл во кариерата на Никола Јокиќ, новиот пораз на ЛА Лејекрс и крајот на серијата на Мајами Хит, ја обележаа изминатата ноќ во НБА лигата.

Денвер Нагетс убедливо победија во Милвоки со 128:97. Денвер ја забележаа шестата победа на последните седум гостувања, додека за Милвоки ова е прв пораз по серијата од пет победи.

Никола Јокиќ го предводеше својот тим со 37 поени, 10 скока и 11 асистенции за 36 минути колку што мина на теренот. Јокиќ е вториот центар во историјата на НБА лигата, кој успеал 50. пати во кариерата да забележи трипл-дабл. Пред центарот на Денвер е само легендарниот Вилт Чембрлен.

Покрај Јокиќ, кај Денвер се истакна и Џамал Мареј со 24 поени и шест асистенции.

На спортивната страна, Јанис Адетокумбо забележа 27 поени, осум скока и 11 асистенции.

Финикс Санс, во Лос Анџелес, ги победија Лејкерси со 114:104. Санс со оваа победа ги скокнаа Лејкерси на втората позиција на Западот.

Актуелните шампиони не успеаја да го избегнат поразот, иако Леброн Џејмс постигна 38 поени. Во редовите на Санс најдобри беа Дарио Шариќ со 21, односни Деандре Ејтон и Девин Букер со по 17 поени. Финикс имаат 12 победи на последните 14 натпревари.

Бостон Селтикс славеа победа во дуелот со ЛА Клиперс 117:112. Ѕвездите на Клиперс, Каваи Ленард и Пол Џорџ посригнаа 25, односно 32 поени, но не добија поддршка од соиграчите. Бостон, едноставно тимски делуваа подобро на теренот. Кемба Вокер постигна 25, Џејлен Браун 18, а Џејсон Тејтум 14 поени.

Атланта Хокс изненадувачки ставија крај на серијата од шпест победи, во која се наоѓаа кошаркарите на Мајами Хит. Хокс предводени од Тре Јанг (18 поени, 10 асистенции) и Џон Колинс (17 поени, 17 скокови), славеа победа 94:80.

Ливерпул во дербито со Челси ќе влезе со двајца фудбалери кои подолго време отсуствуваа поради повреди, а на голот ќе се врати Алисон Бекер, кој го пропушти дуелот со Шефилд јунајтед.

Јирген Клоп ќе може да смета на Фабињо и Диого Жота. Фабињо не играше еден месец, додека Жота отсуствуваше од почетокот на декември, кога се повреди на натпреварот со Митјиланд.

Враќањето на овие тројца ќе ги зголемо опциите на Клоп, во одбраната и во нападот, кој оваа сезона не е толку ефикасен, како што тоа беше случај во претходните две сезони.

Дербиот на „Енфилд“ ќе се одигра утре од 21:15 часот.

Во пресрет на дербито Ливерпул се наоѓа на шесттото место на табелата, со бод помалку од Челси.

Манчестер сити го забележа и својот 21. триумф едноподруго во сите натпреварувања, откако со 4:1 го совлада тимот на Вулверхемптон и се одвои на фантастични 15 поени пред Манчестер јунајтед на врвот на Премиер лигата, практично обезбедувајќи ја титулата уште на почетокот на март.

Но, за малку неверојатната низа на тимот на Пеп Гвардиола ќе застанеше против „волците“. Сити дојде во водство уште во 15. минута преку автоголот на Леандер Дондекер, а откако им беше поништен гол во првото полувреме поради офсајд, тимот на Нуно Еспирито Гомеш успеа да израмни со гол од глава на Конор Коуди.

Кога се мислеше дека серијата ќе застане на „заокружени“ 20 натпревари, на сцена стапи Габриел Жесус, кој по една убава акција, доби еден „отпадок“, кој сигурно го смести во мрежата. Со осигурана победа, Сити се „размавнаа“ во финишот – Ријад Марез во 91. минута зголеми на 3:1, пред Жесус со вториот гол во 95. минута да стави печат на мечот.