Спорт
Нервозен меч и пет исклучени во Л.А.

Непотребно нервозен меч се одигра во Лос Анџелес каде Лејкерси го победија Далас со 110:82. Домаќините имаа двоцифрено водство кога при еден груб фаул над Стив Блејк за малку ќе започнеше општа тепачка на почетокот на последниот период.
Непотребно нервозен меч се одигра во Лос Анџелес каде Лејкерси го победија Далас со 110:82. Домаќините имаа двоцифрено водство кога при еден груб фаул над Стив Блејк за малку ќе започнеше општа тепачка на почетокот на последниот период.За да се смират страстите Мат Барнс и Стив Блејк од Лејкерси, а Џејсон Тери и Брендон Хејвуд од Маверикс заработија исклучување. Подоцна и на Шенон Браун од гостинскиот тим му беше покажан патот кон соблекувалната. Коби Брајант (28 п. 5 ск.), По Гасол (20 п. 7 ск.) и Андре Бунум (18 п. 13 ск.) беа најдобри во тимот на Лејкерси, а Дирк Новицки (27 п. 13 ск.) беше единствена светла точка кај Тексашаните.Во ЕТТ Центарот во Сан Антонио, Спарси загубија од Бостон Селтик со 97:107. По израмнетото прво полувреме (64:64) гостите решавачка предност остварија во третиот период. За Бостон најмногу поени постигнаа Ражон Рондо (22 п. 5 ск. 14 ас.), Пол Пирс (21 п. 11 ск. 7 ас.) и Кевин Гарнет (20 п. 9 ск.). Во домашната екипа се издвоија Тони Паркер (23 п. 8 ас.) и тим Данкан (20 п. 13 ск.). /крај/макфакс/м.н
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ника Превц постави светски рекорд во ски-скокови

Двократната светска шампионка Словенката Ника Превц постави светски рекорд во ски скокови.
Во Викерсунд, Ника леташе 236 метри, 45,5 метри подолго од нејзиниот личен рекорд. Оваа 19-годишна Словенка двапати постави нов светски рекорд на тренингот во петокот.
Ника потекнува од многу успешно спортско семејство. Има тројца браќа: Петер, Цене и Домен, исто така ски-скокачи. Петер Превц е поранешен светски шампион и има четири медали на Зимските олимписки игри.
Таа го подобри претходниот рекорд на Норвежанката Силја Опсет од минатата година на истата скокалница за цели 5,5 метри.
Дамите во сабота и недела во Викерсунд ќе се натпреваруваат во единствените две натпреварувања на леталниците, оваа сезона на Светскиот куп.
Nika Prevc 🤤🤤 pic.twitter.com/meONyn7wjn
— Stian André Skinnes (@SASkinnes) March 14, 2025
Спорт
Менди ќе отсуствува до три недели

Реал Мадрид успеа да се пласира во четвртфиналето на Лигата на шампионите по подоброто изведување на пенали против Атлетико Мадрид, но остана без уште еден дефанзивец.
Во 83. минута од натпреварот Ферланд Менди се здоби со повреда на тетивата. Веднаш беше јасно дека ќе мора да ја напушти играта, бидејќи падна на тревата и веднаш побара лекарска помош.
Лекарски прегледи утврдија дека Менди ќе мора на принудна пауза. Според прогнозите ќе отсуствува до три недели.
Покрај Менди, во Реал подолго време се повредени и Дани Карвахал и Едер Милитао, а од повредата неодамна се опорави Давид Алаба.
Спорт
Гвардиола нема ништо против Грилиш да го напушти клубот

Џек Грилиш, извесно е ќе го напушти Манчестер сити во летниот преоден рок. „Граѓаните“ во наредниот период ќе слушаат понуди за англискиот интернационалец. Пеп Гвардиола не е задоволен од неговите настапи, а ниту Гралиш од неговата минутажа.
Имено, крилниот напаѓач на Сити го изрази своето незадоволство поради тоа што пред него е новото засилување Омар Мармуш.
Грилиш не е на посакуваното ниво од почетокот на сезоната. Лошите игри прво го оддалечија од првиот тим, а потоа го доведоа во позиција ретко да добива шанса и како резерва.
Англискиот интернационалец, според извештаите од Англија, делува незаинтересирано дури и за тренинзите, а тоа воопшто не му се допаѓа на Гвардиола.
Грилиш му се приклучи на Манчестер сити од Астон Вила во 2021 година, а оваа сезона има само една асистенција на 16 натпревари во Премиер лигата.