Лацио доживеа тежок пораз од Милан во дербиtо на 30 коло во Серија А. Милан на Олимпико го победи претендентот на шампионскиот трон со 3:0. Лацио сега има седум бода помалку од Јувентус и четири повеќе од Интер кој на третото место има и натпревар помалку.

Милан по катастрофалниот меч кој го одиграа против СПАЛ успеаја да доминирата на Олимпико во текот на целиот меч.

Победникот, против противникот кој играше без класичен напаѓач, го решија во првиот дел кога Страхоша го совладаа Чалханоглу и Ибрахимовиќ од пенал. Конечниот резултат го постави Ребиќ во 59 минута. Хрватот влезе во игра на почетокот на второто полувреме на местото на Ибрахимовиќ.



Баерн Минхен со победата над Баер Леверкузен 4:2 го освои Купот на Германија. Бававарците освоија нова двојна круна во Германија, а во август ќе се обидат да ја освојат и Лигата на шампионите.

Кој ќе го освои трофејот во Купот беше јасно по само 24 минути игра кога Баерн со головите на Алаба и Гнабри стигна до предност од 2:0.

По еден час игра Баерн имаше предност од три гола. Левандовски со одличен волеј го постигна својот 50 гол во сезоната.

„Фармацевтите“ го намалија резултатот во 64 минута преку Бендер.

Левандовски во претпоследната минута со својот втор гол ја врати предноста од три гола за Баерн, а конечниот резултат од пенал го постави Хаверц во 95 минута.

Баерн вечерва го освои 20 трофеј во Купот.



Фудбалерите на Јувентус ја продолжија победничката серија по ре-стартот на сезоната. Јувентус попладнево лесно го добија градскиот ривал Торино со 4:1.

Дека нема да дозволат изненадување фудбалерите на Јувентус на противникот му покажаа по нецели 180 секунди игра кога Дибала со мала помош на еден игра на Торино го совлада Сиригу.

Јувентус предноста ја зголемија во 29 минута кога меѓу стрелците се запиша Квадрадо по асистенцијата на Роналдо.

Длабоко во судиското надополнување на времето во првиот дел, во 51 минута, Торино добија пенал кој во гол го претвори Белоти.

Во 61 минута Роналдо постигна гол од слободен удар. Ова е прв гол од слободен удар за Португалецот по пауза од две и пол години.

Конечниот резултат го постави Џиџи со авто-гол во 87 минута.