Иако капитенот на македонската фудбалска репрезентација за 13 дена ќе полни 37 години, сепак се уште е еден од најдобрите во италијанската Серија А. Тој е човекот кој се уште ја држи во живот екипата на Џенова која сезонава грчевито се бори за опстанок во елитата.

Според порталот „Инфогол“, Пандев се најде во тимот на 32-то коло, кога неговата Џенова го победи СПАЛ со 2-0, а првиот гол беше дело токму на Македонецот. За него тоа беше деветти сезонски погодок.

Во ова рангирање, во нападот друштво на македонскиот голгетер друштво му прават Лаутаро Мартинез од Интер и Рикардо Орсолини од Болоња.

На останатите позиции, во тимот на колото се и Малиновски, Бонацоли, Шене, Гаљоло, Ферари, Јошида, Ди Лорензо и на голот Крагно од Калјари.

Фудбалерот од средниот ред на калчолигашот Аталанта, хрватскиот интернационалец Марио Пашалиќ е стрелец на најбрзиот гл сезонава во Серија А.

Вечерва, во Бергамо на мечот од 33 коло меѓу Аталанта, Пашалиќ ја затресе мрежата на противничкиот голман по само 87 секунди од првиот судиски свиреж.

Брзо потоа Бреша се врати во игра, израмни на 1-1, а до крајот на полувремето следуваше потоп за гостите, 4-1.

Избраниците на Гасперини преку Де Рун, Малиновски и Запата од 25 до 30 минута донесоа огромна предност за домаќините.

Бразилскиот фудбалер, Филипе Кутињо ќе се врати во редовите на Барселона по одгрувањето на мечевите од ЛШ. Тој е на позајмица во минхенски Баерн, но информациите се дека баварскиот клуб нема намера да го задржи за следната сезона.

За него по се изгледа нема место ниту на „Ноу Камп“, па челниците на Барса сакаат да го продадат и да тргнат по Аргентинецот, Лаутаро Мартинез од Интер.

Информациите од Шпанија се дека Барса им го понудила Кутињо на Арсенал и Њукасл во Премиерлигата.

Бразилецот на Островот настапуваше од 2013 до 2018, и беше еден од најдобрите во редовите на Ливерпул. Барса го купи за 145 милиони евра.

Кутињо се чини не ги оправда вложените средства, па беше испратен на позајмица во Баерн.